SKÝRSLAN: Rán í Kaplakrikanum
Hvað réði úrslitum?
Dómarinn. Leikurinn hefði geta spilast allt öðruvísi hefði hann dæmt vítið snemma leiks í fyrrihálfleik og FH komist 1-0 yfir. Það er dýrkeypt í dag þar sem FH spilaði betur.
Bestu leikmenn
1. Caitlyn Alyssa Clem
Hún varði erfið skot á mikilvægum tímapunktum þegar FH lá á þeim.
2. Helena Ósk Hálfdánardóttir
Var frábær á kantinum fyrir FH og átti mjög marga flotta bolta inn í teig sem sköpuðu usla.
Atvikið
Ekki vítaspyrnudómurinn. Klár hendi frá mér séð og hefði geta breytt leiknum algjörlega.
Hvað þýða úrslitin?
Úrslitin þýða að FH, þrátt fyrir að vera betri í dag, sitja enn á botni deildarinnar og erfitt framundan hjá þeim þar sem næstu þrír leikir eru á móti Þór/KA, Val og Stjörnunni. Selfoss er hinsvegar í góðri stöðu og komnar í fimmta sæti deildarinnar.
Vondur dagur
Verðum við ekki að gefa dómaranum vonda daginn fyrir þessa mikilvægu ákvörðun. Í svona leik þar sem hvert stig skiptir máli er það mjög dýrt að taka eina stóra ranga ákvörðun.
Dómarinn - 6
Hann dæmdi alla jafna vel en krúsjal móment þessi vítaspyrnudómur sem hann dæmdi ekki.