SKÝRSLAN: Blússandi byrjun Blika
Hvað réði úrslitum?
Leikurinn var nokkuð jafn en Blikar höfðu betri gæði á fremsta þriðjungi. Það skóp sigurinn í dag.
Bestu leikmenn
1. Agla María
Var best á vellinum og réði úrslitum með gæðum sínum. Mögulegt er að hún hafi skorað bæði mörk Blika en okkur í blaðamannastúkunni sýndist það vera sjálfsmark.
2. Clara Sigurðardóttir
Var mjög öflug á miðjunni hjá ÍBV, bæði í vörn og sókn. Hún barðist eins og ljón og var best Eyjakvenna.
Atvikið
Fyrsta mark leiksins var jafnframt fyrsta mark Íslandsmótsins. Til hamingju með það Agla María.
Hvað þýða úrslitin?
Íslandsmeistararnir byrja á sigri og ÍBV á tapi. Meira er svo sem ekki um það að segja eftir 1. umferð mótsins.
Vondur dagur
Mig langar að setja þetta á Jón Óla, þjálfara ÍBV. Hann sat uppi í stúku í stað þess að vera hjá liðinu sínu og stýra því eins og maður.
Dómarinn - 9
Vel dæmdur leikur fyrir utan að sleppa augljósu gulu spjaldi í upphafi leiks. Allt of oft sem önnur viðmið gilda snemma en þegar liðið er á leikinn. Fjolla átti að fá spjald.