SKÝRSLAN: Keflavík tók forsetabikarinn sannfærandi
Hvað réði úrslitum?
Keflvíkingar mættu bara tilbúnari til leiks og voru betri alveg frá fyrstu mínútu. Keyrðu nokkuð sannfærandi yfir Fram og sóttu forsetabikarinn.
Bestu leikmenn
1. Adam Ægir Pálsson
Lagði upp tvö mörk og hefði hæglega getað lagt upp fleirri. Var ógnandi allan leikinn og ljóst að hann ætlaði sér gullboltann.
2. Patrik Johannesen
Skoraði 2 mörk og rétt missir Adam Ægi uppfyrir sig. Klúðraði einn á móti Stefáni Þór tvisvar í röð í fyrri hálfleik einmitt eftir undirbúning frá Adam Ægi en það dregur hann niður í neðri dálkinn.
Atvikið
Fjórða mark Keflavíkur þegar Adam Ægir Pálsson tekur fram úr Tiago í baráttunni um gullboltann með 14.stoðsendingunni sinni.
Hvað þýða úrslitin?
Keflavík tekur forsetabikarinn 2022.
Fram endar í 8.sætinu.
Vondur dagur
Fram liðið í heild átti vondan dag. Gekk erfiðlega að sækja og voru bara í brasi og virtust með hausinn annarstaðar.
Dómarinn - 6
Heilt yfir vel dæmt hjá teyminu. Spurning hvort að Fram hefði átt að fá vítaspyrnu undir lok leiks?