SKÝRSLAN: Ásgeir Sigurgeirs slökkti í HK
Hvað réði úrslitum?
Svo sannarlega leikur tveggja hálfleika. HK voru betri aðilinn í þeim fyrri en KA var betri í þeim síðari. Gæði KA voru það sem skildu liðin af. KA áttu ás í ermi með Ásgeiri á bekknum.
Bestu leikmenn
1. Ásgeir Sigurgeirsson
Þvílík innkoma! Þvílíkt sigurmark! Var allt það sem KA vantaði í fyrri hálfleik.
2. Hallgrímur Mar Steingrímsson
Var traustur eins og oft áður. Fór oft illa með menn og lagði upp jöfnunarmarkið með frábærri pressu.
Atvikið
Annað mark KA. Nýbúinn að fá þrumu upp í rifbeinin og útaf, HK tekur innkastið og Ásgeir vinnur boltann og leggur svo bara af stað í þetta litla ferðalag frá sínum eigin vallarhelmingi sem endaði með frábæru marki.
Hvað þýða úrslitin?
KA kemst uppfyrir HK um stundarsakir hið minnsta í 3.sæti deildarinnar. HK fellur um eitt sæti.
Vondur dagur
Þorri Mar Þórisson var í smá vandræðum. Virkaði full ragur og eins og hann væri ekki alveg 100%. Birgir Baldvins var líka í veseni í fyrri hálfleik en þegar leið á leikinn vann hann sig vel inn í leikinn. Varnarlína HK í seinna marki Ásgeirs var líka í bullinu.
Dómarinn - 8
Rock solid. Var ekki að falla í neinar gildrur og leyfði leiknum að fljóta.