Skagamenn vinna sinn fyrsta deildarleik á tímabilinu en Leiknir hefur nú tapað fjórum leikjum í röð og gæti verið í fallsæti eftir umferðina.

Það verður dágóður uppbótartími vegna meiðsla Sindra.

Jón Gísli með skot en hittir ekki markið.

Haukur Andri með skot sem Viktor er í smá vandræðum með en handsamar svo boltann.

Jón Hrafn aleinn í teignum en skýtur framhjá. Þarna verður hann að hitta markið!

Hjalti með skot framhjá. Gott færi.

Árni markvörður ÍA með slæm mistök og skyndilega var Sowe í dauðafæri en missti á einhvern hátt jafnvægið og hitti ekki boltann.

Sindri hefur lokið leik.

Sindri Björnsson kom inn í hálfleik og þarf nú aðhlynningu.

Jón Hrafn með marktilraun sem Árni ver af öryggi.

Arnór Ingi með skot framhjá.

Gísli Laxdal með skot sem Viktor ver í horn.

Leiknismenn kláruðu fyrri hálfleikinn af meiri krafti en gestirnir. Spennandi seinni hálfleikur framundan. Þess má geta að Gísli Laxdal skoraði Mark ÍA en ekki Viktor eins og fyrst var sagt.

Jón Hrafn með ágætis skottilraun. Framhjá.

Tíðindalítill lokakafli fyrri hálfleiks.

Búið að hvessa enn frekar og það hefur talsverð áhrif á leikinn.

Leiknismenn mikið að reyna langskot. Daði Bærings skýtur yfir.

Það er byrjað að rigna hressilega hér í Breiðholti. Það fer þó vel um mig í bílnum hjá DJ Þóri sem er fjölmiðlaaðstaða dagsins.

Hinumegin skýtur Danni Finns hátt yfir. Hermir eftir Arnóri.

Arnór Smárason með skot hátt yfir.

Skot af löngu færi sem Árni slær yfir slána!

Daníel Ingi með lipur tilþrif og tekur skotið en hittir ekki á rammann.

Flott sókn Leiknis og Sowe fær hörkufæri en Árni markvörður ÍA gerir vel. Kemur út á móti og lokar.

Daníel Ingi með skot langt framhjá.

Breytir um stefnu af varnarmanni og fer naumlega yfir! Leiknir að ógna núna.

Arnór með fyrirgjöf frá hægri en Sowe hittir ekki boltann

Viktor með hættulegan sprett en Leiknismenn ná að stöðva hann.

Daníel Ingi með sendingu á Steinar sem tekur skotið en Viktor ver af öryggi.

Jón Hrafn á Hjalta sem er skyndilega í dauðafæri en Árni ver í horn af stuttu færi.

ÍA byrjar með boltann. Leiknir sækir í átt að Hraunbergssjoppu í fyrri hálfleik.

Það er skítaveður, rignir og gengur á með hviðum. Það er ólíklegt að áhorfendatala kvöldsins verði há, ekki hjálpar að bæði lið hafa átt erfiða byrjun á tímabilinu. Þar sem fjölmiðlaaðstaða er ekki til staðar við völlinn verður þessi textalýsing ekki eins ítarleg og annars hefði verið. Leiknum verður textalýst í gegnum síma.

Leiknir gerir þrjár breytingar frá 1-0 tapi gegn Þór síðasta laugardag. Davíð Júlían Jónsson, Árni Elvar Árnason og Jón Hrafn Barkarson koma inn. Sindri Björnsson, Róbert Hauksson og Kaj Leo í Bartalstovu fara út.

Jón Þór Hauksson gerir tvær breytingar á byrjunarliðinu frá 1-1 jafntefli gegn Aftureldingu. Steinar Þorsteinsson og Daníel Ingi Jóhannesson koma inn í byrjunarliðið. Jón Gísli Eyland Gíslason og Haukur Andri Haraldsson setjast á bekkinn. Daníel Ingi er 16 ára gamall og er á leið til Nordsjælland í Danmörku. Jóhannes Karl Guðjónsson er faðir hans og Ísak Bergmann, leikmaður FCK og íslenska landsliðsins, er bróðir hans.

Aðstoðardómarar: Sveinn Ingi Sigurjónsson Waage og Magnús Garðarsson.

Eftir þrjá leiki í Lengjudeildinni hefur Leiknir unnið einn leik en tapað tveimur. Liðið tapaði gegn Þór á Akureyri um síðustu helgi. „Hundfúll. Þetta er þungt högg í magann, það er óskiljanlegt hvernig við náum ekki að skora í þessum leik. Það er ótrúlegt og ef maður skorar ekki þá vinnur maður ekki fótboltaleiki," sagði Vigfús Arnar, þjálfari Leiknis, eftir tapið fyrir norðan.

ÍA er með tvö stig eftir fyrstu þrjár umferðirnar og er þetta ekki byrjunin sem félagið vonaðist eftir fyrir mót. ,,Heldur betur ekki. Það eru vonbrigði að byrja mótið svona og eftir tvo heimaleiki að vera án sigurs og það eru gríðarleg vonbrigði en við þurfum að halda áfram og gera betur." sagði Jón Þór Hauksson, þjálfari ÍA, eftir jafntefli gegn Aftureldingu í síðustu umferð.

Leiknir og ÍA mætast klukkan 19:15 í 4. umferð Lengjudeildar karla. Leikið er á gervigrasvellinum í Breiðholti þar sem aðalvöllurinn telst enn ekki vera tilbúinn í slaginn. Þar sem fjölmiðlaaðstaða er ekki til staðar við völlinn verður þessi textalýsing ekki eins ítarleg og annars hefði verið. Leiknum verður textalýst í gegnum síma.