Jafntefli niðurstaðan í Serbíu. Íslenska liðið spilaði ekki vel í þessum leik en úrslitin eru fín fyrir seinni leikinn heima. Þar getum við klárað þetta einvígi og það er eins gott að fólk mæti á Kópavogsvöll.

Serbar með fyrirgjöf inn á teiginn en Telma gerir vel í að grípa boltann.

Kom laglegur bolti á fjærstöngina á Sveindísi en Serbar komust fyrir skotið. Munaði ekki miklu!

Hildur dæmd brotleg á miðsvæðinu eftir hörkuskallaeinvígi. Serbar fá aukaspyrnu og koma henni inn í teiginn, en boltanum hreinsað frá.

Sveindís með langt innkast en þau hafa ekki verið eins hættuleg í seinni hálfleiknum. Serbar skalla frá.

Mijatovic komin í ágætis skotfæri en setur boltann í en Glódís kemur sér fyrir skotið á ögurstundu. Leikurinn aðeins róast þessar síðustu mínútur.

Poljak skallar frá og svo á Sveindís fyrirgjöf sem Kostic kýlir frá markinu.

Jæja, fáum langt innkast.

Karólína liggur eftir og heldur utan um höfuð sitt. Serbarnir eru brjálaðir að dómarinn skula stoppa leikinn og dæma aukaspyrnu.

Það er eins og við séum bara að bíða eftir því að Serbía skori. Verðum að fara að sparka frá okkur.

Það er í raun með ólíkindum að Serbía hafi ekki skorað í þessum seinni hálfleik. Cankovic núna með hornspyrnu og skallinn í kjölfarið fer í slánna.

Serbar hafa leikið íslenska liðið grátt. Skot í slá hér. Staðan er þó enn jöfn, 1-1. pic.twitter.com/RU7vjPy6Xq

— RÚV Íþróttir (@ruvithrottir) February 23, 2024

Damnjanovic með stórhættulega fyrirgjöf en það mætir engin úr serbneska liðinu til að stýra boltanum inn.

Andela Frajtovic með skot lengst utan af velli en það er engin hætta í kringum það.

Íslenska liðið er að gera alltof mikið af mistökum með boltann. Það er pirrandi að fylgjast með þessu.

Damnjanovic með fast skot fyrir utan teig sem fer rétt fram hjá! Það var klárlega brotið á Alexöndru í aðdragandanum en ekkert dæmt. Boltinn fer af varnarmanni og Serbía fær hornspyrnu en það kemur ekkert úr henni. Telma kýlir boltann frá.

Tvöföld skipting hjá Íslandi. Hafrún Rakel fer út á hægri kantinn og Sveindís fer yfir vinstra megin.

Veik köll eftir vítaspyrnu hjá Serbíu eftir hornspyrnu en ekkert dæmt.

Flott sókn hjá Serbíu. Damnjanovic tekur boltann vel með sér og finnur Filipovic á teignum, en Guðrún kemur sér fyrir skotið. Ef þetta heldur áfram svona er bara tímaspursmál hvenær Serbía skorar aftur.

Damnjanovic með skot að marki en Telma grípur boltann.

Íslenska liðið að byrja þennan hálfleik eins og þann fyrri. Kraftlítið og lélegt.

Serbarnir spila sig í gegnum vörnina hjá Íslandi. En sem betur er sendingin frá Cankovic of föst. Annars hefði Milivojevic sloppið ein í gegn.

Sveindís gerir vel og reynir sendingu á bak við vörnina. Fínasta sending en Diljá nær ekki að taka boltann með sér. Aftur fyrir endamörk fer boltinn.

Serbarnir bara nálægt því að skora í upphafi seinni hálfleiks. Damnjanovic með fyrirgjöf og Alexandra setur boltann næstum því í eigið mark. Smá hætta svo í kjölfarið úr hornspyrnunni en íslenska liðið kemur boltanum frá.

Engar breytingar

Staðan jöfn þegar gengið er til búningsklefa. Íslenska liðið getur betur. Höfum átt í erfiðleikum með að halda í boltann og Serbarnir hafa skapað hættulegar stöður án þess þó kannski að skapa sér mjög hættuleg færi. Verður fróðlegt að sjá hvernig seinni hálfleikurinn spilast.

Aukaspyrnan tekin stutt á Selmu sem neglir boltanum í Hlín. Ekki góð útfærsla, vægast sagt.

Cankovic með boltann og setur hann í höndina á Sædísi af stuttu færi. Höndin var úti og því spurning um vítaspyrnu, en sem betur fer ekkert dæmt. Serbarnir í stúkunni ekki sáttir.

Ingibjörg setur boltann yfir úr hornspyrnunni.

Sveindís í ágætis skotfæri en setur boltann í varnarmann og fær hornspyrnu. Náum við að gera eitthvað úr henni?

Sædís hittir boltann illa og Serbarnir með boltann á teig Íslendinga en Glódís kemur honum frá.

Taka aukaspyrnuna stutt og setja boltann svo fyrir, en Sveindís er mætt til að koma boltanum frá.

Serbía fær hér afar ódýra aukaspyrnu með fyrirgjafarmöguleika. Sædís ekki sátt við þá pólsku.

Alexandra með skallann eftir hornspyrnuna en boltinn yfir markið. Alveg frír skalli en svolítið utarlega í teignum.

Líklega besta sókn Íslands í leiknum til þessa. Færa boltann vel úr vörninni og upp völlinn. Hlín á svo fyrirgjöf sem skapar smá hættu en Serbar setja boltann út fyrir í hornspyrnu.

Serbar eru komnir 1-0 yfir á móti Íslandi. pic.twitter.com/dg67I7smEz

— RÚV Íþróttir (@ruvithrottir) February 23, 2024

Íslendingar voru fljótir að jafna gegn Serbum. Var þetta ekki sjálfsmark? pic.twitter.com/B5suhlBbPx

— RÚV Íþróttir (@ruvithrottir) February 23, 2024

Poljak með skot úr fínni stöðu en Telma ver það í hornspyrnu. Það kemur síðan ekkert úr hornspyrnunni.

Maður hefur saknað hraðans sem Sveindís býr yfir en löngu innköstin hennar eru ekkert minna vopn. Hafa skapað öll færi okkar hingað til.

Sveindís með langt innkast og Guðrún setur boltann fram hjá markinu í dauðafæri. Þarna átti hún að gera betur. Erfið byrjun en íslenska liðið að bíta frá sér núna. Svona á að svara!

Cankovic spilar á bak við vörn Íslands og svo á Petrovic hættulega fyrirgjöf. Sveindís, sem er mætt til baka, nær að bjarga á síðustu stundu. Serbía færist nær því að skora fyrsta markið í þessum leik.

Poljak núna með skot að marki en Telma grípur boltann. Steini orðinn pirraður á hliðarlínunni hinum megin á vellinum.

Serbar reyna að senda fyrir en Ingibjörg setur boltann í hornspyrnu. Allt í einu stemning á vellinum eftir þessa flottu byrjun hjá heimakonum.

Sveindís kastar rosalega langt en Serbar skalla frá.

Fáum langt innkast frá Sveindísi. Þetta er vopn sem við höfum saknað!

Cankovic með skot fyrir utan teig sem fer rétt fram hjá markinu. Þarna mátti ekki miklu muna. Þeir fáu áhorfendur sem létu sjá sig í dag klappa fyrir þessari byrjun hjá Serbíu.

Serbneska liðið er að hreyfa boltann afar vel og það gengur illa hjá okkar stelpum að halda í við. Erum eftir á í flestum aðgerðum til að byrja með.

Heimakonur með boltann fyrir en Glódís og Sædís ná að skalla frá.

Serbarnir við það að komast í mjög hættulega stöðu en Alexandra á góða tæklingu sem bjargar málunum. Boltinn endar hjá Telmu í markinu. Smá værukærð yfir þessari byrjun hjá íslenska liðinu, hafa tapað boltanum nokkrum sinnum frekar illa.

Hlín með fyrstu spyrnu leiksins. Þetta er farið af stað. Áfram Ísland!

Það eru svona 150-200 manns í stúkunni. Leikurinn að hefjast.

Liðin ganga hér út á völlinn undir besta stefi allra tíma, Þjóðadeildarstefinu. Við fáum að heyra íslenska þjóðsönginn fyrst.

Ég fékk upplýsingar um það í gær að Serbarnir væru að búast við 1000 til 1500 áhorfendum á leikinn, en þar voru menn greinilega eitthvað að missa sig í gleðinni. Það eru innan við 100 manns mætt á leikinn þegar korter er í upphafsflaut. Kvennaboltinn er ekki háttskrifaður hér í Serbíu en þetta er hálf vandræðalegt þegar svona mikið er undir. Það er frítt á leikinn en mætingin er engin.

Fyrrum landsliðskonan sem er núna styrktarþjálfari landsliðsins kom fyrst inn á völlinn og kallaði á eftir liðinu: ,,Í dag er góður dagur fyrir fótbolta." Liðið er byrjað að hita upp á vellinum undir handleiðslu Gunnhildar sem spilaði yfir 100 landsleiki á sínum ferli.

Áhugaverð borg svo ekki sé meira sagt. Ekki sú líflegasta í heimi en hún er með ágætis karakter. Ég tók nokkrar myndir á göngutúrnum á völlinn en hér fyrir neðan má sjá þessar myndir.

Stærsta stjarnan í liði Serbíu er Jovana Damnjanovic, sóknarmaður Bayern München. Það verður fróðlegt að fylgjast með baráttu hennar og Glódísar Perlu, sem eru liðsfélagar í félagsliði sínu. Jelena Cankovic á kantinum er leikmaður Chelsea og svo er Allegra Poljak, leikmaður Levante, virkilega spennandi.

Þorsteinn Halldórsson hefur valið byrjunarlið sitt fyrir leikinn og er það nákvæmlega eins og Fótbolti.net spáði fyrir um. Hann gerir þrjár breytingar frá 1-0 sigrinum á Dönum. Telma Ívarsdóttir kemur í stað Fanneyjar Ingu Birkisdóttur og þá kemur Sveindís Jane Jónsdóttir á hægri kantinn fyrir Öglu Maríu Albertsdóttur. Ingibjörg Sigurðardóttir kemur þá inn fyrir Guðnýju Árnadóttur í vörnina.

Davíð Snorri Jónasson, þjálfari U21 landsliðs karla, er hluti af teymi kvennalandsliðsins fyrir leikinn mikilvæga gegn Serbíu. Davíð Snorri hefur starfað sem þjálfari U21 landsliðsins frá 2021 en þar áður var hann þjálfari U17 landsliðs karla. Hann þjálfaði hjá Leikni og Stjörnunni áður en hann hóf störf hjá KSÍ.

   22.02.2024 16:50

Davíð Snorri aðstoðar kvennalandsliðið í Serbíu

Eins og mikið hefur verið fjallað um, þá hafa miklar breytingar orðið á íslenska kvennalandsliðinu frá því að Evrópumótinu 2022 lauk. Það hefur tekið tíma fyrir liðið að spila sig saman en það voru jákvæð merki undir lok síðasta árs þegar liðið vann Wales og Danmörku á útivelli í sama verkefninu. Það er vonandi eitthvað sem liðið tekur með sér og byggir á í þessu mikilvæga verkefni.

Dómarateymið í dag kemur frá Póllandi og er aðaldómari Ewa Augustyn. Hún dæmdi meðal annars tvo leiki Íslands á Evrópumóti U19 landsliða síðasta sumar; sigurleikinn gegn Tékkum og tapleik gegn Frakklandi. Vonandi dæmir hún sinn annan sigurleik hjá Íslandi í dag.

Ewa Augustyn poprowadzi dzi? mecz Ligi Mistrzy? – spotkanie AS Roma z zespo?em Ajaxu Amsterdam! ???? W zespole s?dziowskim znajd? si? tak?e Aleksandra Ulanowska, Julia Bukarowicz oraz Monika Mularczyk. ????????

???? Pomorski Zwi?zek Pi?ki No?nej pic.twitter.com/1TD0av8BHB

— ??czy nas pi?ka kobieca (@laczynaskobieca) November 23, 2023

Hér í Serbíu lítur ekki út fyrir það að kvennalandsliðið hér í landi sé að fara að spila mikilvægan leik í umspili Þjóðadeildarinnar á eftir. Það eru engar auglýsingar þess efnis og á stærstu fréttamiðlum þjóðarinnar er leikurinn stóri nánast ósýnilegur. Á stærsta fréttamiðli landsins er fjallað um tenniskappann Novak Djokovic, körfuboltastjörnuna Nikola Jokic, Partizan Belgrad og Rauðu stjörnuna en það er ekkert fjallað um kvennalandsleikinn sem fer fram í Stara Pazova

   23.02.2024 11:42

Leikurinn stóri nánast ósýnilegur - „Þau eru bara eftir á hérna"

Ísland hefur sex sinnum mætt Serbíu í A-landsliðum kvenna, síðast í undankeppni HM á Laugardalsvelli 14. september 2014. Ísland vann þá 9-1 sigur þar sem Harpa Þorsteinsdóttir (2), Dagný Brynjarsdóttir (2), Rakel Hönnudóttir (2), Glódís Perla Viggósdóttir, og Arna Sif Ásgrímsdóttir skoruðu. Þá skoraði markvörðurinn Þóra Björg Helgadóttir úr vítaspyrnu á 65. mínútu í sínum síðasta landsleik. Ísland hefur unnið alla leiki sína gegn Serbíu, samtals með markatölunni 27-2, Mikið hefur breyst á tíu árum en aðeins einn leikmaður er eftir úr hópnum hjá Íslandi úr leiknum árið 2014. Það er landsliðsfyrirliðinn Glódís Perla en hún var í vörn Íslands í leiknum og skoraði eins og áður kemur fram. Arna Sif átti að vera í hópnum í dag en hún meiddist því miður illa. Glódís var þarna á 19. aldursári en hún mun í dag spila sinn 121. landsleik fyrir Ísland. Í þessum leikjum hefur hún skorað tíu mörk. Gunnhildur Yrsa Jónsdóttir kom inn á sem varamaður í leiknum en hún er í dag styrktarþjálfari landsliðsins. Byrjunarlið Íslands gegn Serbíu 2014: 1. Þóra Björg Helgadóttir 4. Glódís Perla Viggósdóttir 7. Sara Björk Gunnarsdóttir 10. Dóra María Lárusdóttir 11. Hallbera Guðný Gísladóttir 14. Dagný Brynjarsdóttir 16. Harpa Þorsteinsdóttir 20. Elísa Viðarsdóttir 21. Fanndís Friðriksdóttir 22. Rakel Hönnudóttir 26. Arna Sif Ásgrímsdóttir Í byrjunarliði Serbíu voru meðal annars Vesna Elísa Smiljkovic og Danka Podovac en þær spiluðu lengi hér á Íslandi. Sú síðarnefnda er í dag aðstoðarþjálfari serbneska landsliðsins.

   23.02.2024 10:50

Svona var lið Íslands síðast gegn Serbíu - Algjört rúst

Af hverju er svona mikilvægt fyrir Ísland að vinna þetta einvígi sem er framundan? Ísland hefur komist inn á síðustu fjögur á Evrópumót og með innkomu Þjóðadeildarinnar verður næsta undankeppni svolítið öðruvísi. Það verður ekki hefðbundin undankeppni, heldur verður hún með Þjóðadeildarbragi, ef svo má að orði komast. Örugg í umspil ef við vinnum Til að gera þetta ekki of flókið þá verðum við áfram í A-deild Þjóðadeildarinnar ef við vinnum þetta tveggja leikja einvígi gegn Serbíu. Þá erum við allavega örugg um að komast í umspil fyrir Evrópumótið. Við förum þá í undankeppnina í A-deild og mætum öðrum liðum úr þeirri deild í riðlakeppni. Það verða erfiðari leikir en möguleikarnir okkar verða betri. Liðin í fyrsta og öðru sæti í sínum riðlum í A-deild komast beint á EM en liðin átta í þriðja og fjórða sæti mæta átta bestu liðunum úr C-deild í umspili. Ef allt er eðlilegt ætti það að vera frekar auðvelt fyrir liðin úr A-deild að standa uppi sem sigurvegari þar. Sex bestu liðin úr B-deild fara einnig í umspil við sex næstbestu liðin úr B-deild. Það komast svo sex lið áfram þar og átta lið áfram úr A- og C-deild. Fjórtán lið munu því leika í sjö einvígum í umspili um sæti á EM en Sviss kemst beint á mótið sem gestgjafi. Ef stelpurnar okkar vinna einvígið gegn Serbíu, þá eru þær öruggar með að komast allavega í umspil og eiga þá möguleika að komast beint inn á mótið líka. Ef þær falla niður í B-deild þá eiga þær ekki möguleika á því að fara beint inn á mótið og fá líklega erfiðari leið í umspilinu ef þær komast þangað. Þær þurfa þá líklega að fara í gegnum lið úr A-deild til að komast inn á mótið.

   23.02.2024 11:12

Af hverju skiptir svona miklu máli fyrir Ísland að vinna einvígið?

Það er frítt á leikinn hér í Serbíu og er búist við því að það verði á milli 1000 og 1500 áhorfendur á leiknum í kvöld. Samkvæmt upplýsingum sem Fótbolti.net hefur fengið þá verða fáir Íslendingar á vellinum, en mögulega nokkrir.

   23.02.2024 10:30

Búast við 1000-1500 áhorfendum - Fáir Íslendingar

Mikill áhugi en valdi heimahagana - „Rétt ákvörðun fyrir mig og okkur" https://t.co/8SOTKcwyvo

— Fótbolti.net (@Fotboltinet) February 23, 2024

Sveindís Jane Jónsdóttir er mætt aftur í hópinn og hún er í líklegu byrjunarliði fyrir leikinn að mati Fótbolta.net. Sveindís er byrjuð að spila aftur með Wolfsburg og verður spennandi að sjá hana aftur í bláu. Við spáum því að Þorsteinn Halldórsson, landsliðsþjálfari, muni halda sig við svipað byrjunarlið og í sigurleiknum gegn Danmörku í desember síðastliðnum. Það var afar vel uppsettur leikur sem endaði með 0-1 sigri Íslands. Frá þeim leik þarf hann hins vegar að gera tvær breytingar að minnsta kosti. Fanney Inga Birkisdóttir, sem átti draumaleik þar, er meidd og spáum við því að Telma Ívarsdóttir komi inn í liðið í hennar stað. Agla María Albertsdóttir er þá ekki með af persónulegum ástæðum og giskum við á að Sveindís komi inn í liðið fyrir hana. Þá spáum við því að Ingibjörg Sigurðardóttir komi inn í liðið fyrir Guðnýju Árnadóttur og Guðrún Arnardóttir muni þá færast í hægri bakvörðinn. Möguleiki er líka á því að Ingibjörg muni þá spila í hægri bakverðinum ef þessi breyting verður.

Rosaleg áskorun eftir sáran endi - „Tilboðið kom að lokum ekki" https://t.co/9nEB4pZcW0

— Fótbolti.net (@Fotboltinet) February 22, 2024

   22.02.2024 15:10

Ingibjörg: Erum ekki að fara að vinna 9-1, það er á hreinu

   22.02.2024 15:30

Sandra María: Eyða orkunni í það sem við getum haft áhrif á

„Þetta eru tveir úrslitaleikir og það er mikilvægt fyrir okkur að halda okkur í A-deildinni. Þetta verða örugglega mjög erfiðir leikir en við höfum undirbúið okkur vel og erum klárar í verkefnið." Í liði Serbíu er meðal annars Jovana Damnjanovic, liðsfélagi Glódís í Bayern München. Hún er sóknarmaður en framarlega á vellinum hjá Serbíu er einnig leikmaður úr Chelsea, Jelena Cankovic, sem er eitt sterkasta lið Evrópu. „Ég þekki tvo leikmenn, báðar mjög góðar. Þær eru með leikmenn í góðum liðum og ég held að Serbía hafi tekið miklum framförum frá því við spiluðum seinast við þær. Það eru geggjaðar aðstæður hér og það er greinilega verið að leggja mikið í þetta lið. Það eru tveir virkilega góðir leikmenn í þeirra liði og við þurfum að vera vakandi fyrir því," sagði Glódís. „Þær hafa tekið miklum framförum og hafa hægt og rólega verið að vinna sig upp. Þær unnu Þýskaland í fyrra og eru með gríðarlega gott lið sem við þurfum að bera virðingu fyrir. Við þurfum að mæta 100 prósent í þetta. Þær vilja roslega mikið og það er serbneskt að vera með mikla ástríðu. Þær vilja gera allt fyrir þjóðina sína og við þurfum að geta mætt þeim 100 prósent. Við þurfum að vera ofan á í þeirri baráttu."

   22.02.2024 13:35

Glódís Perla: Tveir virkilega góðir leikmenn í þeirra liði

Ísland hefur sex sinnum mætt Serbíu í A-landsliðum kvenna, síðast í undankeppni HM á Laugardalsvelli 14. september 2014. Ísland vann þá 9-1 sigur þar sem Þóra Björg Helgadóttir, markvörður liðsins, var á meðal markaskorara. Glódís Perla Viggósdóttir, sem er fyrirliði Íslands í dag, var einnig á meðal markaskorara í þeim leik. „Þær eru góðar fram á við. Það eru nokkrir góðir leikmenn þarna sem spila frammi. Þeim líður vel á boltanum og vilja mikið vera með hann. Að sama skapi hafa þær á móti verið að tapa boltanum á hættulegum stöðum og við verðum að vera fljót að refsa ef við vinnum boltann á hættulegum stöðum. Það skiptir miklu máli á móti þeim að koma þeim í ákveðin svæði, vinna boltann og keyra á þær," sagði Steini. „Við förum í þennan leik til að vinna. Það kemur ekkert til greina annað en að spila til sigurs. En auðvitað er þetta tveggja leikja einvígi þannig að þú ert ekki að taka endalausa sénsa. Varnarleikurinn skiptir miklu máli, að við séum ekki að gefa færi á okkur. Maður býst við því að þær pressi á okkur og stefni á að vera í góðri stöðu þegar þær koma til Íslands. Við þurfum að vera tilbúin í allt. Þær eru grimmar og líkamlegar sterkar, og við þurfum að vera tilbúin í alvöru baráttu." Mikilvægi leiksins á morgun er mikið. „Já, algjörlega. Þetta skiptir okkur máli varðandi niðurröðun fyrir undankeppnina. Það er algjört lykilatriði að vera áfram í A-deild og það er það eina sem við hugsum um. Við ætlum okkur þetta og við munum gera þetta," sagði landsliðsþjálfarinn að lokum en í spilaranum að ofan er hægt að sjá viðtalið í heild sinni.

   22.02.2024 13:22

Steini: Held að þetta hafi verið eitthvað unglingasvæði hjá þeim

Íslenska liðið dvelur í höfuðborginni Belgrað en í um hálftíma akstursfjarlægð er leikvöllurinn Sportski centar FSS í Stara Pazova. Liðið æfði á þeim velli í gærmorgun. Hann er ekki í fullkomnu ástandi en lítur betur út en æfingavöllur Rauðu stjörnunnar sem liðið æfði á dagana á undan. Það er mikill sveitabragur yfir bænum Stara Pazova en hér er knattspyrnusamband Serbíu með aðstöðu sem kölluð er „hús fótboltans". Sambandið ræður yfir landsvæði og á því er flott hótel og nokkrir æfingavellir. Og einn fótboltavöllur með flottri stúku þar sem kvennalandslið Serbíu spilar leiki sína. Það verður að segjast að það er kannski erfitt að mæla með heimsókn til Stara Pazova en leikurinn á í dag verður virkilega áhugaverður, og mikilvægur.

Það eru alls fjórar breytingar frá síðasta hóp. Aldís Guðlaugsdóttir, markvörður FH, kemur inn fyrir Guðnýju Geirsdóttur, markvörð ÍBV, og Sveindís Jane Jónsdóttir mætir aftur í hópinn eftir fjarveru vegna meiðsla. Hún kemur inn fyrir Öglu Maríu Albertsdóttur sem er ekki með af persónulegum ástæðum. Þá þurfti Þorsteinn Halldórsson að gera tvær breytingar eftir að upprunalegi hópurinn var tilkynntur. Arna Sif Ásgrímsdóttir og Fanney Inga Birkisdóttir meiddust. Inn í þeirra stað komu Natasha Anasi og Auður Sveinbjörnsdóttir Scheving. Markverðir: Telma Ívarsdóttir - Breiðablik - 9 leikir Auður Sveinbjörnsdóttir Scheving - Stjarnan Aldís Guðlaugsdóttir - FH Útileikmenn: Guðný Árnadóttir - AC Milan - 25 leikir Ingibjörg Sigurðardóttir - MSV Duisburg - 57 leikir Glódís Perla Viggósdóttir - Bayern Munich - 120 leikir, 10 mörk Guðrún Arnardóttir - FC Rosengard - 33 leikir, 1 mark Natasha Anasi - Brann - 5 leikir, 1 mark Sædís Rún Heiðarsdóttir - Vålerenga Fotball - 5 leikir Sandra María Jessen - Þór/KA - 38 leikir, 6 mörk Berglind Rós Ágústsdóttir - Valur - 9 leikir, 1 mark Alexandra Jóhannsdóttir - ACF Fiorentina - 39 leikir, 4 mörk Hildur Antonsdóttir - Fortuna Sittard - 10 leikir, 1 mark Lára Kristín Pedersen - Fortuna Sittard - 3 leikir Karólína Lea Vilhjálmsdóttir - Bayern Leverkusen - 35 leikir, 9 mörk Selma Sól Magnúsdóttir - 1. FC Nürnberg - 34 leikir, 4 mörk Amanda Jacobsen Andradóttir - Valur - 17 leikir, 2 mörk Bryndís Arna Níelsdóttir - Växjö DFF - 3 leikir Sveindís Jane Jónsdóttir - Wolfsburg - 32 leikir, 8 mörk Hlín Eiríksdóttir - Kristianstads DFF - 32 leikir, 4 mörk Hafrún Rakel Halldórsdóttir - Bröndby IF - 10 leikir, 1 mark Diljá Ýr Zomers - OH Leuven - 10 leikir, 1 mark Ólöf Sigríður Kristinsdóttir - Breiðablik - 4 leikir, 2 mörk

Þjóðadeildin var sett á laggirnar á síðasta ári í kvennaboltanum en Ísland var þar í riðli með Danmörku, Þýskalandi og Wales. Stelpurnar okkar enduðu með níu stig í riðli síum og eru þess vegna að taka þátt í þessu umspili um að halda sér í Þjóðadeildinni. Ísland 1 - 0 Wales Þýskaland 4 - 0 Ísland Ísland 0 - 1 Danmörk Ísland 0 - 2 Þýskaland Wales 1 - 2 Ísland Danmörk 0 - 1 Ísland

Og verið velkomin í beina textalýsingu frá leik Serbíu og Íslands í umspili í Þjóðadeild kvenna. Leikið er í Stara Pazova í Serbíu en þetta er fyrri leikur liðanna í tveggja leikja einvígi. Seinni leikurinn fer svo fram á Kópavogsvelli í næstu viku en sigurliðið verður í A-deild Þjóðadeildarinnar.

???????? Serbía - Ísland

???? Sport Center FA of Serbia

???? Í dag klukkan 15:00

???? Í beinni á RÚV#dottir pic.twitter.com/qxJ0qs8KYs

— Knattspyrnusambandið (@footballiceland) February 23, 2024