Man City leiðir kapphlaupið um Musiala - Man Utd hefur áhuga á Toney - Arsenal endurskoðar áætlanir
Bestur í Mjólkurbikarnum: Fyrsta sjöan á ferlinum
Breki Baxter: Sambandið við þjálfarann versnaði og svo hófst stríð
Fanney Inga: Svekkjandi að það hafi verið upp úr svona vafaatriði
Ingibjörg: Örugglega sú besta í heiminum í nákvæmlega þessu
Hildur: Taka hana úr leiknum og þetta var bara 'dirty'
Hlín: Gerist ekki á hverjum degi á móti Þýskalandi
Glódís: Var viljandi og mér finnst þetta ógeðslega ljótt brot
Steini: Ekkert launungarmál og skiptir auðvitað máli
Karólína: Hugsa mikið til hennar núna
Orri Hrafn: Þurfti á þessu að halda fyrir sjálfan mig
Sigurður Bjartur: Hélt þetta yrði 100% víti
Dóri Árna: Á að vera samkeppni um allar stöður
„Geri þá kröfu að dómarar þekki leikmennina sem þeir eru að dæma hjá“
Anton Ari: Finn fyrir miklu trausti
Steini ákveðinn: Hann verður betri
Glódís: Veit að fólk er ekki spennt að spila á móti okkur
Guðrún: Vorum ekki sjálfum okkur líkar í þeim leik
Hildur Antons: Íslenskan stundum yfirgnæfandi í klefanum
Aldrei spurning um annað en Breiðablik - „Báðar dollurnar og langt í Evrópu"
Telur að margir séu að afskrifa þá - „Við ætlum að vinna deildina í ár“
   fim 22. febrúar 2024 15:10
Guðmundur Aðalsteinn Ásgeirsson
Stara Pazova
Ingibjörg: Erum ekki að fara að vinna 9-1, það er á hreinu
Ísland mætir Serbíu í fyrri leik í umspili á morgun
Icelandair
Ingibjörg Sigurðardóttir.
Ingibjörg Sigurðardóttir.
Mynd: Jónína Guðbjörg Guðbjartsdóttir
Ingibjörg í leik með landsliðinu í desember síðastliðnum.
Ingibjörg í leik með landsliðinu í desember síðastliðnum.
Mynd: Jónína Guðbjörg Guðbjartsdóttir
Frá landsliðsæfingu.
Frá landsliðsæfingu.
Mynd: Jónína Guðbjörg Guðbjartsdóttir
„Mér finnst þetta rosalega flottar aðstæður sem serbneska sambandið er með. Þetta er töluvert betri völlur sem við erum að æfa á í dag en við höfum æft á síðustu daga. Ég er mjög ánægð með það," sagði Ingibjörg Sigurðardóttir, miðvörður landsliðsins, þegar hún ræddi við Fótbolta.net í dag.

Á morgun spilar Ísland mikilvægan leik gegn Serbíu í umspili í Þjóðadeildinni. Um er að ræða fyrri leik liðanna en seinni leikurinn er svo á Kópavogsvelli í næstu viku. Í dag æfði liðið á keppnisvellinum Stara Pazova, í smábæ fyrir utan Belgrað, eftir að hafa æft á æfingavelli Rauðu stjörnunnar í gær.

„Við höfum farið mikið yfir taktík og við höfum skoðað Serbana vel. Ég held að við séum mjög klárar í þetta."

Vinnum ekki 9-1
Ísland hefur sex sinnum mætt Serbíu í A-landsliðum kvenna, síðast í undankeppni HM á Laugardalsvelli 14. september 2014. Ísland vann þá 9-1 sigur þar sem Þóra Björg Helgadóttir, markvörður liðsins, var á meðal markaskorara. Serbneska liðið hefur þróast mikið frá þeim leik og hefur mikil bæting orðið á þeirra leik.

„Við erum ekki að fara að vinna 9-1, það er á hreinu. Serbarnir eru flottir. Þær eru með marga góða leikmenn sem spila með góðum liðum í sterkum deild. Þetta verður hörkuleikur og við þurfum að vera með fulla einbeitingu."

„Ég hef spilað með nokkrum Serbum og spilað á móti Serbum í deildunum sem ég hef verið í. Þetta eru mjög góðir, téknískir leikmenn. Þær eru öðruvísi en við Íslendingar en samt líkir hvað varðar orku og keppnisskap."

Lærir mest á keppnisleikjum
Þetta er fyrsta útgáfan af Þjóðadeildinni í kvennaboltaum en í staðinn fyrir að fara í æfingaleiki, þá er Ísland að fara að spila tvo úrslitaleiki við Serbíu um að halda sér í A-deild Þjóðadeildarinnar. Hvernig þetta einvígi endar mun hafa áhrif inn í næstu undankeppni Evrópumótsins.

„Mér finnst þetta mjög skemmtilegt. Það eru kostir og gallar við þetta. Það eru margir kostir við að hafa æfingaleiki þar sem maður nær að prófa nýja hluti en núna er meiri pressa á að ná góðum úrslitum. Ég held að maður læri mest á keppnisleikjum og maður fær mest út úr þeim. Það er bara gott," segir Ingibjörg.

„Ég er spennt að sjá hvað leikirnir núna framundan núna sýna. Vonandi náum við að halda okkur uppi í A-deild. Leikirnir í desember gáfu okkur mikið sjálfstraust og við þurftum á því að halda. Við vitum að við erum góðar og við getum spilað góðan fótbolta saman. Það þarf stundum bara nokkra sigurleiki svo að fólk fái sjálfstraust."

Ingibjörg skipti nýverið yfir til Duisburg í Þýskalandi en í spilaranum hér fyrir ofan er hægt að sjá viðtalið í heild sinni.
Athugasemdir
banner