SKÝRSLAN: Víkingur sigraði í uppgjöri bikarmeistaranna
Hvað réði úrslitum?
Gæði Víkinga var bara meiri. Víðir gaf þeim hörku leik og lét þá alveg hafa fyrir þessu en þegar leið á leikinn dró svolítið af gestunum sem náðu ekki að halda út.
Bestu leikmenn
1. Viktor Örlygur Andrason
Var frábær í liði Víkinga í dag. Lét þetta tikka og var allt í öllu í spili Víkinga. Bar fyrirliðabandið í dag og var sannur leiðtogi.
2. Joaquin Ketlun Sinigaglia
Skrýtið að setja markmann sem fékk fjögur mörk á sig hérna en hann átti sturlaðar vörslur sem hélt Víði lengi vel inni í þessu. Veit ekki hversu mörg af þessum mörkum sem hann fékk á sig má rekja til hans endilega en hann bjargaði um fleirri mörkum en hann hleypti inn.
Atvikið
Mark Víðis frá David Toro Jimenez. Stórkostlegt mark af einhverjum 70 metrum. Fullkomnlega galið að láta sér detta þetta í hug til að byrja með en að þetta hafi svo heppnast er enn sturlaðara.
Hvað þýða úrslitin?
Víkingur verður í pottinum þegar dregið verður í 16-liða úrslit. Víðir hefur lokið keppni.
Vondur dagur
Erfitt að taka einhverja fyrir hérna. Það var enginn áberandi slakur í dag. Ísak John Ævarsson átti erfitt uppdráttar svolítið þegar hann leitaði fram á við og Víkingar náðu nokkrum sinnum af honum boltanum. Hvort það sé endilega honum að kenna skal svo liggja milli hluta.
Dómarinn - 8
Fannst þetta bara mjög vel dæmdur leikur hjá tríóinu í dag. Ekkert yfir þeirra frammistöðu að kvarta.