Zirkzee, Yoro og Branthwaite orðaðir við Man Utd - Arsenal mun framkvæma læknisfræðilegt mat á Neto
KA
2
1
ÍR
Harley Willard '47 1-0
1-1 Bergvin Fannar Helgason '90
Daníel Hafsteinsson '119 2-1
25.04.2024  -  15:00
Greifavöllurinn
Mjólkurbikar karla
Dómari: Sigurður Hjörtur Þrastarson
Áhorfendur: Óvitað
Maður leiksins: Daníel Hafsteinsson (KA)
Byrjunarlið:
13. Steinþór Már Auðunsson (m)
3. Kári Gautason ('34)
5. Ívar Örn Árnason
7. Daníel Hafsteinsson ('120)
8. Harley Willard ('66)
23. Viðar Örn Kjartansson ('66)
26. Ingimar Torbjörnsson Stöle
28. Hans Viktor Guðmundsson
30. Sveinn Margeir Hauksson ('84)
44. Valdimar Logi Sævarsson ('46)
77. Bjarni Aðalsteinsson

Varamenn:
12. Kristijan Jajalo (m)
4. Rodrigo Gomes Mateo ('46)
9. Elfar Árni Aðalsteinsson ('66)
14. Andri Fannar Stefánsson ('66)
18. Hákon Atli Aðalsteinsson ('34)
19. Breki Hólm Baldursson ('84)
88. Sindri Sigurðarson ('120)

Liðsstjórn:
Hallgrímur Jónasson (Þ)
Elmar Dan Sigþórsson
Halldór Hermann Jónsson
Petar Ivancic
Steingrímur Örn Eiðsson
Emil Guðberg Jóhannsson
Michael Charpentier Kjeldsen

Gul spjöld:
Kári Gautason ('17)
Bjarni Aðalsteinsson ('32)
Daníel Hafsteinsson ('75)
Hans Viktor Guðmundsson ('83)
Andri Fannar Stefánsson ('93)

Rauð spjöld:
Leik lokið!
ÍR vilja víti í leikslok! Boltinn fer inn fyrir vörn KA og Ívar Örn nær ekki að koma boltanum frá. Hann reynir að hreinsa í burtu með hjólhestaspyrnu en virðist hreinlega sparka í leikmann ÍR. Sigurður Hjörtur dæmir ekkert og KA fer áfram í Mjólkurbikarnum.

Mikil fundarhöld eftir leik, en Sigurður breytir ekki ákvörðun sinni úr þessu.

121. mín
Sindri í dauðafæri! Elfar setur hann í gegn, en skotið er ekki gott!
120. mín
Inn:Sindri Sigurðarson (KA) Út:Daníel Hafsteinsson (KA)
Markaskorarinn fékk krampa sýndist mér!
119. mín MARK!
Daníel Hafsteinsson (KA)
VÁÁÁÁÁÁÁÁÁÁÁÁÁÁ!!!!!!!!!!!!!!!!!!!!!! Daníel fær boltann á miðjum vallarhelmingi ÍR og keyrir í átt að marki. Það er ekkert að frétta við vítateig ÍR þannig að hann bara gjörsamlega HAMRAR boltann í slá og inn. GJÖRSAMLEGA ÓVERJANDI!

2-1!

116. mín
Breki vinnur horn fyrir KA. Það er tekið stutt og Ingimar Stöle á fyrirgjöf inn á teig ÍR. Þar rís Hans Viktor hæst en skallar langt yfir.
114. mín
Inn:Sæþór Ívan Viðarsson (ÍR) Út:Guðjón Máni Magnússon (ÍR)
113. mín
KA hafa ekki fundið neinar opnanir hér í framlengingunni og uppspil þeirra er hægt, þreytt og hugmyndalítið.
111. mín
Meira líf í ÍR þessa stundina. Virðist vera aðeins meira bensín í tankinum hjá gestunum.
108. mín
Gott skot frá Róberti! Róbert Elís á hörkuskot af löngu færi sem að Steinþór ver í horn. Erfitt skot - neðarlega og út við stöng.
106. mín
Inn:Einar Karl Árnason (ÍR) Út:Ágúst Unnar Kristinsson (ÍR)
106. mín
Seinni hálfleikur í framlengingu hafinn Áfram gakk!
105. mín
Hálfleikur í framlengingu 15 mínútur eftir af þessum leik.
105. mín
Bergvin gerir vel inná teig KA í að koma sér í skotfæri, en það er beint á Steinþór.
104. mín
Þessi fyrri hálfleikur framlengingar virðist bara ætla að renna sitt skeið nokkuð tíðindalaust. ÍR með boltann...
100. mín
Mikil barátta þessar mínúturnar, en hvorugu liðinu tekst að koma boltanum af einhverju viti í spil.
97. mín
Aukaspyrna Daníels fer í hávaxinn vegg ÍR og Vilhelm grípur boltann.
95. mín
Frábær sprettur Daníels! Leikur á hvern ÍR-inginn á fætur öðrum og nær skoti rétt fyrir utan teig ÍR. Skotið er varið, en Sigurður dæmir aukaspyrnu þar sem að það var brotið á Daníel í skotinu.

Aukaspyrna á stórhættulegum stað.
93. mín Gult spjald: Andri Fannar Stefánsson (KA)
Rífur niður Punyed á miðjunni.
91. mín
Framlenging hafin!
90. mín
Við erum á leið í framlengingu! Ég skal segja ykkur það! Ótrúleg lokamínúta hér og við fáum 30 mínútur í viðbót.
90. mín MARK!
Bergvin Fannar Helgason (ÍR)
ÍR-INGAR JAFNA Í UPPBÓTARTÍMA!!! Boltinn kemur inn á teig KA og eftir smá kraðak að þá berst hann til Bergvins sem að setur boltann undir Steinþór úr nokkuð þröngu færi!

1-1 og það verður framlengt!
90. mín
ÍR með boltann og að drífa sig.
90. mín
Þrjár mínútur í uppbót. Fáum við dramatík eða sigla KA þessu?
90. mín
Renato Punyed reynir skot af sirka 50 metra færi þegar hann sér Steinþór af línunni, en skotið er lélegt og langt framhjá marki KA.
89. mín
Breki aftur! Og aftur er það Daníel sem að setur hann í gegn. Færið þrengra í þetta skiptið, en skotið betra og Vilhelm ver boltann í horn!
87. mín
Breki í dauðafæri! Fær sendingu inn fyrir frá Danna, en spurning hvort að taugarnar hafi sagt til sín. Hann nær engum krafti í skotið, einn á einn gegn Vilhelm.
86. mín
ÍR halda aðeins í boltann og freista þess að finna jöfnunarmarkið í þessum leik.
84. mín
Inn:Breki Hólm Baldursson (KA) Út:Sveinn Margeir Hauksson (KA)
Hrein skipting. Kemur inn á vinstri kantinn.
83. mín Gult spjald: Hans Viktor Guðmundsson (KA)
Gerði allt sem að hann gat til að stoppa skyndisókn ÍR.
81. mín
Bjarni vinnur aukaspyrnu inni á vallarhelmingi ÍR. Leikmenn virka þreyttir.
80. mín
Góð fyrirgjöf! Elfar Árni kemur boltanum út á vinstri kantinn á Ívar Örn sem að hamrar boltanum á fjær. Þar reynir Daníel að stýra boltanum á markið, en tilraun hans fer framhjá.
78. mín
ÍR ofan á Skyndilega er öll pressan á KA og ÍR-ingar finna lykt af blóði. Hér getur allt gerst.
76. mín
STÖNGIN BJARGAR KA AFTUR! Vonarbolti inná teig KA verður að dauðafæri! Hákon skallar boltann aftur fyrir sig og þar mætir Guðjón á ferðinni og stangar hann í stöngina. Þetta kom uppúr engu og aftur bjargar tréverkið KA!
75. mín
Inn:Róbert Elís Hlynsson (ÍR) Út:Alexander Kostic (ÍR)
Alexander hlaupið á við tvo í dag og orðinn þreyttur.
75. mín Gult spjald: Daníel Hafsteinsson (KA)
Stoppar skyndisókn.
73. mín
Daníel í færi! Hann vinnur boltann við vítateig ÍR og keyrir að marki gestanna. Hann hefði getað sett hann fyrir á Elfar, en reynir skotið sem að er blokkað. Daníel er allt í öllu í augnablikinu!
72. mín
Þá vinnur Ingimar horn. ÍR-ingar virka kraftlausir þessa stundina.

Hornspyrna Daníels er ekki góð.
71. mín
Daníel vinnur horn fyrir KA. Verið miklu betra í seinni hálfleik hjá KA.
66. mín
Inn:Andri Fannar Stefánsson (KA) Út:Harley Willard (KA)
66. mín
Inn:Elfar Árni Aðalsteinsson (KA) Út:Viðar Örn Kjartansson (KA)
63. mín
Bragi með hörkuskot í stöngina! Gerir frábærlega þegar hann fær boltann rétt fyrir utan miðjan vítateig KA og þrumar boltanum í stöngina fjær! KA menn stálheppnir þarna.
63. mín
Inn:Bergvin Fannar Helgason (ÍR) Út:Stefán Þór Pálsson (ÍR)
Tvöföld skipting
63. mín
Inn:Renato Punyed Dubon (ÍR) Út:Marteinn Theodórsson (ÍR)
61. mín
Sveinn Margeir með skot í stöngina! Fær boltann úti hægra megin og klippir inn völlinn. Hann á fast skot sem að fer af varnarmanni og í stöngina! KA fær horn sem að ekkert kemur úr.
55. mín
KA fara agalega með skyndisókn! Daníel veður upp allan völlinn eftir hornspyrnu ÍR og getur valið sér sendingamöguleika þegar hann hleypur á öftustu þrjá. Hann velur að renna honum í hlaup Harley í gegnum miðjan vítateiginn, en vigtin er ekki rétt á sendingunni og Vilhelm handsamar boltann.
55. mín
En þá fá ÍR horn...
54. mín
Allt annað að sjá KA menn í seinni hálfleik Fá hér hornspyrnu. Daníel mikið í boltanum þessa stundina og að valda usla.
52. mín
Ekki beinlínis óskabyrjun fyrir ÍR-inga eftir lofandi fyrri hálfleik. KA menn halda ágætlega í boltann þessa stundina og freista þess að skora annað.

Bjarni Aðalsteinsson fær boltann fyrir utan teig ÍR og hleður í skot, en það er hátt yfir markið.
47. mín MARK!
Harley Willard (KA)
KA MENN KOMAST YFIR! Hræðileg mistök hjá Arnóri Gauta! Hann rennur þegar hann ætlar að drepa niður langan bolta fram völlinn. Harley Willard er fljótur að hirða boltann af honum og fíflar sig inn á teig ÍR og klárar framhjá Vilhelm í markinu með vinstri fæti - mjög vel gert hjá Willard.

1-0!
46. mín
Inn:Rodrigo Gomes Mateo (KA) Út:Valdimar Logi Sævarsson (KA)
Önnur breyting KA manna Bjarni Aðalsteinsson virðist taka sér stöðu úti hægra megin.
46. mín
Seinni hálfleikur hafinn! Þá förum við aftur af stað.
45. mín
Hálfleikur
Gestirnir geta gengið sáttir til búningsherbergja. Þeir hafa valdið usla með hraða og vinnusemi, á meðan að KA liðið er nánast að spila á hægri stillingu.

Þetta verður áhugaverður seinni hálfleikur!
45. mín
ÍR-ingar fá aukaspyrnu úti á vinstri kantinum á vallarhelmingi KA hér í lok fyrri hálfleiks. Ingimar brýtur klaufalega á Guðjóni.

Aukaspyrnan verður að engu þegar að Marc McAusland skallar yfir markið.
42. mín
ÍR miklu grimmari þessa stundina Gestirnir eru fljótari á alla seinni bolta og framherjarnir tveir, Guðjón Máni og Stefán Þór, vinna þrotlausa vinnu til þess að gefa liðinu möguleika ofarlega á vellinum - bæði með og án boltans.
39. mín
Bragi Karl í ágætis færi! Guðjón Máni vinnur skallaeinvígi og fleytir boltanum inn fyrir vörn KA. Þar er Bragi einn á einn gegn Hans og í stað þess að taka varnarmanninn á þá reynir Bragi skot. Það er hreinlega afleitt og fer langt framhjá marki KA.
37. mín
Sveinn Margeir reynir klippu! Enn einu sinni fær Ingimar pláss úti hægra megin og á viðstöðulausa fyrirgjöf inn í teig ÍR. Þar mætir Sveinn Margeir boltanum og reynir glæsilega klippu, en nær engum krafti í skotið og Vilhelm grípur boltann.
36. mín Gult spjald: Kristján Atli Marteinsson (ÍR)
Brýtur á Bjarna og stoppar skyndisókn.
34. mín
Inn:Hákon Atli Aðalsteinsson (KA) Út:Kári Gautason (KA)
Fyrsta skipting leiksins Ívar Örn fer í vinstri bakvörð og Hákon við hlið Hans í hjarta varnarinnar.
32. mín Gult spjald: Bjarni Aðalsteinsson (KA)
Brýtur á miðjum vallarhelmingi KA. Það örlar á pirringi hjá heimamönnum.
31. mín
Einhæfur sóknarleikur KA ÍR eiga ekki í miklum vandræðum með að verjast KA liðinu. Heimamenn komast lítið aftur fyrir Breiðhyltinga og þurfa yfirleitt að fara utan á þá til þess að skapa einhvern usla.
25. mín
Viðar Örn í fínu færi! Sveinn Margeir á frábæran sprett upp vinstri kantinn og klippir inn. Hann á flotta sendingu á Viðar inn í miðjum teig ÍR. Viðar tekur eina snertingu áður en hann lætur vaða, en McAusland er mættur í hann og blokkar skotið.
24. mín Gult spjald: Stefán Þór Pálsson (ÍR)
Brot inn á miðjunni. Hárrétt hjá Sigurði.
23. mín
Guðjón Máni með tilþrif! Guðjón eltir boltann upp í horn hægra megin og skilur Ívar Örn eftir í ryki. Hann brunar inn í teig KA og á sendingu þvert fyrir markið, en Steinþór er vel með á nótunum og kemst inn í sendinguna.
19. mín
KA í hættulegri sókn! Aftur opna KA hægri kantinn vel og Ingimar Stöle fær mikið pláss til að koma með boltann inn í teig. Hann hefði mögulega getað beðið örlítið með sendinguna þar sem að Viðar Örn og Sveinn Margeir voru að koma á blússandi siglingu, en sending Ingimars er aðeins of föst og fer bara þvert fyrir auðan vítateig ÍR.
17. mín Gult spjald: Kári Gautason (KA)
Brýtur á Braga Bjarkasyni. Bragi gerði vel í að leika á Kára og bakvörðurinn ungi fær réttilega gult.
12. mín
KA menn í færi! Eftir langa sókn að þá fær Valdimar Logi boltann úti hægri megin. Hann setur boltann blindandi út í teig ÍR þar sem að Harley Willard mætir honum, en tilraun Skotans er laflaus og auðveld fyrir Vilhelm í markinu.
6. mín
ÍR-ingar beinskeyttir Gestirnir eru ekki komnir til þess að liggja í skotgröfunum. Þeir mæta KA mönnum fast og eru ofan á í baráttunni hér á upphafsmínútunum.
4. mín
Stefán Þór Pálsson er nálægt því að setja Guðjón Mána Magnússon í gegn, en fyrsta snerting Guðjóns svíkur hann og Kári Gautason gerir vel í að leysa úr mögulegum vandræðum KA.
3. mín
Ingimar Stöle kemst í fyrirgjafarstöðu og setur fastan bolta á nærstöngina, en Marc McAusland fylgir Viðari Erni eins og skugginn og kemur í veg fyrir að eitthvað verði úr þessu.
1. mín
Leikur hafinn
Keyrum þetta í gang! Það eru KA menn sem að koma þessu af stað.
Fyrir leik
Leikmenn að gera sig klára í slaginn KA menn í gulu og bláu, en gestirnir í ÍR eru ekki í sínum hvítu og bláu treyjum. Þeir spila í vínrauðu og ljósbláu í dag. Skemmtilegt!
Fyrir leik
Dómarateymi dagsins Sigurður Hjörtur Þrastarson er á flautunni í dag og honum til aðstoðar eru Jovan Subic og Nour Natan Ninir.

Eftirlitsmaður í dag er hinn eini sanni Bragi Bergmann. Mætur KA maður sagði að búast mætti við góðum uppbótartíma í dag og vitnaði þar í bikarúrslitaleik KA og Vals 1992. Sum sár gróa hægt og illa.

Mynd: Fótbolti.net - Hafliði Breiðfjörð

Sigurður Hjörtur stýrir flautukonsert í dag.
Fyrir leik
Viðar Örn byrjar KA róterar nokkuð duglega frá tapleiknum gegn Vestra. Steinþór Már Auðunsson kemur í markið í stað Kristijan Jajalo. Þá koma Kári Gautason, Harley Willard og Valdimar Logi Sævarsson einnig inn í byrjunarliðið.

Stóru fréttirnar eru hins vegar þær að stjörnukaup sumarsins hjá KA, Viðar Örn Kjartansson, byrjar í dag og vonast til þess að finna netmöskvana í fyrsta sinn á tímabilinu.

Mynd: Fótbolti.net - Sævar Geir Sigurjónsson

Skorar Viðar sitt fyrsta KA mark í Mjólkurbikarnum?
Fyrir leik
Tilboði hafnað Haft var eftir Alberti Brynjari Ingasyni að KA hefði gert tilboð í Adam Ægi Pálsson, leikmann Vals. Þessu greindi Albert frá í hlaðvarpsþættinum Gula Spjaldið.

Lið kepptust við að leggja lokahönd á hópa sína í gærkvöldi, þar sem að félagaskiptaglugginn lokaði í gær. KA á að hafa boðið Völsurum drjúga upphæð fyrir Adam, en tilboðinu var hafnað.

Adam hefur komið inn af bekknum í öllum leikjum Vals, en það er ljóst að Arnar Grétarsson sér fyrir sér að hann muni komi að góðum notum þegar að líður á tímabilið.

Mynd: Fótbolti.net - Sævar Geir Sigurjónsson

Verða ekki liðsfélagar í sumar.
Fyrir leik
ÍR fá einn uppalinn á láni frá Íslandsmeisturunum Það var tilkynnt í gærkvöldi að Hákon Dagur Matthíasson væri genginn til liðs við ÍR á láni sumarið 2024.

Hákon er miðjumaður að upplagi, en getur einnig leyst stöðu kantmanns og framherja. Hann spilaði með 2. flokki Víkings á síðustu leiktíð, en á að baki nokkra leiki fyrir meistaraflokk ÍR í 2. deildinni og í Mjólkurbikarnum svo að það verður athyglisvert að sjá hvað hann færir Breiðhyltingum í sumar.

Mynd: Víkingur

Kominn á heimaslóðir.
Fyrir leik
Kokhraustir ÍR-ingar í lokaprófi fyrir fyrsta deildarleik Breiðhyltingar mæta með kassann útþaninn í þennan leik, enda spilað vel á undirbúningstímabilinu og sýnt að þeir geti vel gert sig gildandi í Lengjudeildinni í sumar. Liðið leikur í næst efstu deild í fyrsta sinn síðan 2018, en þá féll liðið eftir hreinan úrslitaleik við Magna frá Grenivík um hvort liðið myndi halda sér uppi og voru árin sem að á eftir fylgdu ekki merkileg.

Núverandi þjálfari liðsins, Árni Freyr Guðnason, hefur aftur á móti myndað ákaflega sterka heild úr liðinu og hafði sérfræðingur Fótbolta.net, Baldvin Borgarsson, orð á því í spá vefsins fyrir sumarið að honum hefði tekist að mynda vel samsettan hóp og að hugmyndafræði liðsins væri skýr.

Þrátt fyrir að vera spáð 11. sæti í næst efstu deild munu gestirnir úr neðra Breiðholti líta á arfaslaka byrjun KA sem kjörið tækifæri til þess að nudda salti í sárin og auka á volæði heimamanna. Það væri ágætis veganesti inn í deildarkeppnina.

Mynd: Fótbolti.net - Jónína Guðjörg Guðbjartsdóttir

Samheldnir ÍR-ingar hafa allt að vinna í dag.
Fyrir leik
Löturhæg byrjun KA Það verður ekki sagt að byrjun norðanmanna þetta knattspyrnusumarið gefi mikla ástæðu til bjartsýni fyrir stuðningsfólk liðsins. Liðið hefur nælt í 1 stig í fyrstu þremur leikjum sumarsins og hafa leikirnir allir farið fram á heimavelli liðsins.

Nú síðast voru það nýliðar Vestra sem að hirtu öll stigin á Greifavellinum, þegar að danski varnarmaðurinn Jeppe Gertsen skoraði sigurmarkið á 93. mínútu og hausverkur Hallgríms Jónassonar, þjálfara KA, versnaði svo um munaði.

Nú mætir KA liði sem að er deild neðar en þeir og þar að auki nýliðar í Lengjudeildinni, svo að Hallgrímur mun mögulega líta á leikinn sem stökkpall fyrir lærisveina sína sem að leita að einhverjum neista til þess að koma tímabilinu almennilega af stað.

Mynd: Fótbolti.net - Sævar Geir Sigurjónsson

Tekst Daníel Hafsteinssyni og félögum hans í KA að rífa sig upp eftir erfiða byrjun?
Fyrir leik
Góðan daginn! Hér mun fara fram textalýsing á leik KA og ÍR í 32-liða úrslitum Mjólkurbikars karla. Leikurinn fer fram í veðurblíðunni á Akureyri og vonandi fáum við að sjá glimrandi góðan fótboltaleik.

Mögulegt verður að horfa á leikinn í beinni útsendingu á KA-TV og mun slóð á útsendinguna koma hér inn skömmu fyrir leik. Aðgangur að útsendingunni kostar 1000 krónur.
Byrjunarlið:
1. Vilhelm Þráinn Sigurjónsson (m)
Stefán Þór Pálsson ('63)
6. Kristján Atli Marteinsson
8. Alexander Kostic ('75)
11. Bragi Karl Bjarkason
13. Marc Mcausland (f)
14. Guðjón Máni Magnússon ('114)
17. Óliver Elís Hlynsson
23. Ágúst Unnar Kristinsson ('106)
25. Arnór Gauti Úlfarsson
77. Marteinn Theodórsson ('63)

Varamenn:
27. Jóhannes Kristinn Hlynsson (m)
3. Einar Karl Árnason ('106)
9. Bergvin Fannar Helgason ('63)
15. Hrafn Hallgrímsson
18. Róbert Elís Hlynsson ('75)
19. Hákon Dagur Matthíasson
22. Sæþór Ívan Viðarsson ('114)
30. Renato Punyed Dubon ('63)

Liðsstjórn:
Árni Freyr Guðnason (Þ)
Jóhann Birnir Guðmundsson (Þ)
Helgi Freyr Þorsteinsson
Andri Magnús Eysteinsson

Gul spjöld:
Stefán Þór Pálsson ('24)
Kristján Atli Marteinsson ('36)

Rauð spjöld: