SKÝRSLAN: Díses Præst
Hvað réði úrslitum?
Bara það sem Framarar hafa verið geggjaðir í fyrstu 5 leikina, solid og clinical fyrir framan markið, fá ekkert mörg færi í leiknum en skora tvö og fá heldur ekki mörg færi á sig og það skilaði þremur stigum fyrir Fram.
Bestu leikmenn
1. Fred
Á sínum degi lang besti leikmaður Framara, virkilega flottur í dag, hélt vel í boltann var að taka menn, skemmtilegar sendingar og leggur upp fyrsta mark Framara
2. Haraldur Einar Ásgrímsson
Bakvörðurinn númer 8 flottur í dag með geggjað mark og var sérstaklega hrifinn af honum án bolta sóknarlega, var að taka skemmtileg hlauo og sinnti varnarvinnunni vel. Tryggvi Snær Geirsson gerði líka tilkall, hann var flottur
Atvikið
Vítaklúður Gumma Magg heldur betur kveikti í Fram liðinu, staðan var þá 1-0 fyrir Fylki en eftir klúðrið skora Framarar tvö mörk á stuttum tíma og það dugði í dag
Hvað þýða úrslitin?
Framarar sitja í 3.sæti Bestu Deildarinnar og eftir magnaðann sigur HK á Víkingum þá eru Fylkismenn komnir í neðsta sæti deildarinnar með aðeins eitt stig.
Vondur dagur
Matthias Præst verið sá leikmaður sem hefur heillað mig lang mest í þessu Fylkisliði en ef þú hefðir sagt mér fyrir leik að hann væri utan hóps þá hefði ég líklega trúað þér, hvergi sjáanlegur í dag. Hann þarf að eiga góðan leik ef Fylkismenn ætla að ná í góð úrslit.
Dómarinn - 8
Gef Ívari Orra áttu og sérstaklega fyrir vítaspyrnudóminn, lengi verið talsmaður þess að flauta á brot inn í teig eftir að leikmaður á skot í átt að marki, vel gert hjá Ívari og bara flottur leikur