0-0 jafntefli er niðurstaðan í þessum botnbaráttuslag.

Arnór Breki tekur spyrnuna meðfram jörðinni en Vestri hreinsar boltann.

Halldór Jón sækir aukaspyrnu alveg við vítateigslínuna.

Jeppe Pedersen tekur spyrnuna sem Óli grípur afskaplega vel.

Guðmundur tekur spyrnuna sem endar í annari hornspyrnu hinum megin.

Fylkir á aukaspyrnu í ágætis fyrirgjafarstöðu sem Arnór tekur en Eskelinen grípur boltann.

Benedikt Warén tekur spyrnuna en hún endar í markspyrnu.

Fylkir hreinsar hornspyrnuna út úr teignum.

Benedikt Warén tekur spyrnuna sem Óli blakar yfir markið.

Arnór tekur spyrnuna en Vestri hreinsar boltann. Þeir fara í hraðaupphlaup og Fatai reynir skot frá miðju en það fer yfir markið.

Fylkir fær aukaspyrnu í ágætis fyrirgjafarstöðu á hægri kantinum.

Eiður Aron fær smá aðhlynningu.

Nikulás Val með skottilraun fyrir utan teig sem fer framhjá marki.

Elmar Atli með fínan skalla á markið sem Óli handsamar.

Ekkert kom út úr þessari hornspyrnu.

Guðmundur tekur spyrnuna en ekkert kemur úr henni.

Benedikt Warén tekur spyrnuna sem Óli blakar yfir markið.

Ásgeir Eyþórs brýtur á Pétri miðsvæðis. Vestramenn taka síðan aukaspyrnuna og Ragnar Bragi brýtur strax á Silas.

Emil fær boltann við vítateiginn með bakið í markið. Hann snýr sér í 180 gráður og á skot sem fer framhjá.

Silas fær boltann frá Pétri Bjarna og hann reynir síðan skot sem fer framhjá.

Fylkismenn byrja með boltann í seinni hálfleik og það er Emil Ásmunds sem sparkar okkur af stað.

Ég hef alveg séð skemmtilegri fótboltaleiki...
Svei mér þá ef ég leggst ekki bara á bæn núna í hálfleik í þeirri von að seinni hálfleikurinn verði skemmtilegri.

Þórður Gunnar á fyrirgjöf inn í teiginn á Matthias sem reynir skot en það fer framhjá markinu.

Hornspyrnan endar í markspyrnu.

Elmar á fyrirgjöf inn í teiginn sem Birkir reynir að hreinsa. Boltinn endar hins vegar hjá Gunnari sem er við vítateiginn og reynir skot sem fer í varnarmann Fylkis.

Guðmundur með fastan bolta fyrir markið sem Óli ver.

Emil tekur spyrnuna en boltinn fer út fyrir endamörk vallarins, vindurinn að spila inn í.

Arnór Breki fær sendingu frá Emili inn í teiginn og hann reynir skot sem fer af varnarmanni Vestra og endar í hornspyrnu

Silas með fína sendingu inn fyrir vörn Fylkis af hægri kantinum yfir til Benedikts Warén á vinstri kantinum en Benedikt er hins vegar rangstæður.

Silas kemst í ágætis hraðaupphlaup eftir mistök í vörn Fylkis en hann nær ekki að nýta sér það almennilega og á skot hátt yfir markið.

Afskaplega lítið um færi fyrstu tuttugu mínútur leiksins.

Guðmundur tekur spyrnuna sem er hreinsuð úr teig Fylkis.

Elmar reynir fyrirgjöf en Ragnar Bragi kemur í veg fyrir hana.

Emil Ásmunds fer seint í Morten og brýtur á honum. Fær smá tiltal frá Ívari.

Emil tekur spyrnuna en hún fer út fyrir endamörk vallarins.

Emil lætur vaða úr aukaspyrnunni en Eskilenen á ekki í miklum vandræðum með það að handsama boltann.

Morten brýtur á Matthias á góðum stað fyrir Fylki við vítateig Vestra.

Silas með fyrirgjöf af hægri kantinum sem Ásgeir hreinsar.

Benedikt Warén tekur spyrnuna en Fylkir nær að hreinsa þetta.

Orri skallar fyrirgjöf í hornspyrnu.

Það er rosalega mikill vindur á Ísafirði í dag sem mun eflaust lita leikinn. Fylkir spilar með vindinn í bakið í fyrri hálfleik.

Guðmundur tekur spyrnuna en Fylkir nær að hreinsa.

Vestri byrjar með boltann og það er Silas sem sparkar okkur af stað

Vestri í dökkbláum búningum og Fylkir í appelsínugulu.

Davíð Smári Lamude, þjálfari Vestra, gerir eina breytingu á byrjunarliðinu eftir tapið gegn Val í síðustu umferð. Jeppe Gertsen kemur inn í byrjunarliðið fyrir Gustav Kjeldsen en hann er í leikbanni eftir að hafa litið rauða spjaldið í síðasta leik.

Rúnar Páll Sigmundsson, þjálfari Fylkis, gerir sömuleiðis eina breytingu á byrjunarliðinu eftir tapið gegn FH í síðustu umferð. Ásgeir Eyþórsson kemur inn í byrjunarliðið í stað Þórodds Víkingssonar sem tekur sér sæti á bekknum.

Jóhann Páll Ástvaldsson, íþróttafréttamaður á RÚV spáir í 21. umferð sem fer öll fram í dag.

Vestri 1-1 Fylkir
Það er flennistórt X skrifað á ennið á þessum Kraftgallaleik. Vestramenn komast yfir en skrokkurinn Þóroddur Víkingsson (algjört Íslendingasögunafn) jafnar. Þóroddur er markahæstur í liðinu en bara spilað 29% mínútna. Play him, Rúnar.

Í síðustu fimm leikjum hafa bæði lið fengið fimm stig. Vestri vann mikilvægan sigur fyrir botnbaráttuna gegn KR á dögunum og gerði jafntefli við ÍA og Víking. Fylkir vann einnig mikilvægan sigur fyrir botnbaráttuna gegn HK á dögunum og gerði jafntefli við KA og Fram.

Ívar Orri Kristjánsson er með flautuna í dag. Honum til halds og trausts á hliðarlínunum eru þeir Birkir Sigurðarson og Bergur Daði Ágústsson. Vilhjálmur Alvar Þórarinsson er varadómari og eftirlitsmaður er Þórður Georg Lárusson.

Liðin mættust í 10. umferð deildarinnar í Árbænum í miklum markaleik. Fylkir vann þann leik 3-2 eftir mörk frá Matthias Præst, Þóroddi Víkingssyni og Ómari Birni Stefánssyni. Mörk Vestra skoruðu Elmar Atli Garðarsson og Jeppe Gertsen.

Gustav Kjeldsen, varnarmaður Vestra, fékk að líta rautt spjald í síðasta leik gegn Val. Hann er því í leikbanni í dag. Það er hins vegar enginn leikmaður Fylkis í leikbanni.

Það er sannkallaður sex stiga leikur á Ísafirði hér í dag. Fylkir vermir botnsæti deildarinnar með 16 stig en Vestri situr í tíunda sætinu með 17 stig. Fari eitt lið með sigur af hólmi hér í dag gæti það reynst afar dýrmætt í lok tímabils þegar talið er stigin úr hattinum góða.

Komið sæl kæru lesendur og verið velkomin í beina textalýsingu í viðureign Vestra gegn Fylki á Kerecisvellinum í 21. umferð Bestu deild karla.