SKÝRSLAN: Omar S(h)owe í Laugardalnum
Hvað réði úrslitum?
Þessi 6 mínútna kafli um miðjan fyrri hálfleik þegar Leiknir kemst í 0-3 forystu. Þróttarar virtust brotna all svakalega þegar Leiknir komst 0-1 yfir og eftir að þeir lentu 0-3 undir þá sáu þeir ekki til sólar fyrr en leikurinn var að verða búinn.
Bestu leikmenn
1. Omar Sowe (Leiknir R.)
Hvað er hægt að segja um þennan gaur? Hann sagði það nú við undirritaðan eftir leik að hann hefði í raun átt að gera þriðja markið sitt og það fjórða fyrir Leikni stuttu eftir að Róbert Hauks kom þeim í þriggja marka forystu. Hann tók bæði mörkin sín vel og var atkvæðamestur í liði Leiknis.
2. Róbert Hauksson (Leiknir R.)
Tekinn út af í seinni en átti stóran þátt í því að Leiknir komst í 0-3 á 6 mínútna kafla í fyrri hálfleik. Var mjög góður í liði Leiknis, með mark og stoðsendingu. Honorable mention á Róbert Quental (Leikni R.) og Unnar Stein (Þrótti R.).
Atvikið
0-1 Omar Sowe 22. mínúta. Mörk breyta leikjum sagði einhver. Þegar Omar skorar þetta mark þá hafði í raun ekkert bent til þess að Leiknir væri að fara að gera neitt í þessum leik. Við þetta mark breyttist öll dýnamík leiksins og Þróttarar féllu aftar á völlinn, gerðu fleiri mistök á meðan að Leiknismenn gengu á lagið.
Hvað þýða úrslitin?
Núna eru möguleikar Þróttar á umspili alveg horfnir, en á meðan að þeir töpuðu fyrir Leikni þá vann ÍR sinn leik 2-1 gegn Gróttu. Leiknismenn jafna Þrótt að stigum í 27 stigum en hvorugt liðið hefur að einhverju að keppa í lokaumferðinni. Omar Sowe er þá kominn með 13 mörk í Lengjudeildinni í ár.
Vondur dagur
Andi Þróttar
Mér fannst í raun enginn einn leikmaður vera sökudólgurinn á þessum 6 mínútna kafla sem gerði út um leikinn. Öll vörnin hjá Þrótti var bara shaky og þess vegna fá þeir vondur dagur frá undirrituðum.
Dómarinn - 8
Mjög vel dæmdur leikur hjá Ívari og ef við tökum AD1 á orðinu og þessar rangstöður voru réttar þá gerðu dómararnir engin sjáanleg mistök í leiknum.