Afturelding mætir Keflavík í úrslitaleik um hvaða lið fer upp í Bestu-deildina næstkomandi laugardag.
Einvígið endar samtals 3-1.

Afturelding að ná að sigla þessu heim.
Stuðningsmenn Aftureldingar syngja ,,Sumarið er búið" til Fjölnismanna.

Fjölnismenn sækja og sækja en Mosfellingar verjast vel.

Jökull Andrésson með frábæra vörslu eftir skot Fjölnismanns úr teignum.

Mosfellingar halda stuðinu uppi í stúkunni.

Fjölnismenn skapa lítið sem ekkert, þrátt fyrir að halda betur í boltann.

Dagur Austmann liggur niðri eftir samstuð við Jökul.

Reynir Haralds með skot langt framhjá marki gestanna.

Ekki mikið að gerast hérna síðustu mínútur, Mosfellingar að ná að svæfa leikinn.
Sé ekki fyrir mér tvö Fjölnismörk á leiðinni en kraftaverkin gerast víst.

Gummi Kalli með skot að marki í tvígang en varnarmenn Aftureldingar fleygja sér fyrir boltann í bæði skiptin.

Sævar Atli með skot að marki sem fer í varnarmann en Vilhjálmur Alvar dæmir markspyrnu.

Sigurvin Reynisson með skot yfir mark gestanna.

Fjölnismenn meira með boltann en ná ekki að skapa sér færi. Mosfellingar eflaust sáttir með hvernig leikurinn er að spilast.

Fjölnir fá hornspyrnu sem ekkert kemur úr.

Bjarni Hafstein brýtur á Bjarti Bjarma, Villi Alvar flautar. Boltinn berst á Dag Austmann sem neglir boltanum í liggjandi Bjart eftir flautið.

Reynir Haralds með skot af löngu færi sem fer framhjá marki gestanna.

Gestirnir byrja með boltann.

Vilhjálmur Alvar flautar til hálfleiks, Afturelding ganga eflaust glaðari til búningsklefa enda leiða þeir einvígið 3-1.

Fjölnismenn meira með boltann en hafa ekki náð að skapa sér mikið af færum. Afturelding alltaf hættulegir í skyndisóknum en hafa líkt og Fjölnir ekki náð að nýta stöðurnar nægilega vel.

Fjölnir fá hornspyrnu, Reynir Haralds með góða spyrnu en Sævar Atli kemur boltanum frá.

Sigurvin Reynisson með frábæra tilraun frá um 30 metrum en boltinn fer rétt framhjá marki gestanna. Jökull illa staðsettur í marki gestanna og hefði ekki náð til boltans.

Jón Þór Hauksson þjálfari ÍA er á leiknum en Skagamenn hafa verið sterklega orðaðir við Júlíus Mar varnarmann Fjölnis.

Arnór Gauti með skot úr teignum sem Halldór Snær ver vel í marki Fjölnis.

Jónatan Guðni kominn í afbragðsfæri í teig Aftureldingar eftir gott spil en Jökull ver skotið vel.

Aron Elí hreinsar hættulega fyrirgjöf frá marki gestanna.

Góð mæting í stúkuna þrátt fyrir leiktímann.
Leikurinn hófst svona snemma begna birtuskilyrða en engin fljóðljós eru á Extra vellinum.

Fjölnismenn meira með boltann en eiga erfitt með að finna glufur í vörn gestanna.

Dagur Ingi með hættulega fyrirgjöf sem Gunnar Bergmann skallar frá og Fjölnir fá hornspyrnu.
Fjölnismenn ná ekki að skapa neitt úr hornspyrnunni.

Afturelding fær fyrstu hornspyrnu leiksins en heimamenn koma boltanum frá.

Baldvin Þór með hættulega fyrirgjöf sem Jökull kýlir frá.
Fjölnismenn halda vel í boltann.

Heimamenn byrja með boltann.

Sól og blíða hér í Grafarvoginum, Kristmundur Axel í botni og fólk að tínast í stúkuna.

Úlfur Arnar Jökulsson þjálfari Fjölnis heldur liði sínu óbreyttu frá fyrri viðureign liðanna.

Magnús Már Einarsson neyðist til að gera eina breytingu frá fyrri leik liðanna.
Elmar Kári Enesson Cogic er í leikbanni eftir umtalað rautt spjald, Sævar Atli Hugason kemur inn í byrjunarlið Aftureldingar.

Keflavík vann einvígið gegn ÍR samanlagt 6-4 og þar með tryggðu sér farmiða í úrslitaleikinn.
Sigurvegarar einvígisins hér í dag mætir Keflavík á Laugardalsvelli þann 28. september.

Margir leikmenn beggja liða eiga í hættu á að fara í leikbann í úrslitaleik umspilsins með gulu spjaldi í dag.
Elmar Kári Cogic kom sér frá leikbanni í mögulegum úrslitaleik með því með að fá beint rautt spjald í síðasta leik og tekur því út leikbann í dag.

Í banni í úrslitum:
Reynir Haraldsson (Fjölnir)
Daníel Ingvar Ingvarsson (Fjölnir)

Í banni í dag:
Elmar Kári Enesson Cogic

Á hættusvæði - Komnir með 3/6 spjöld:

Fjölnir:
Baldvin Berndsen (3)
Dagur Ingi Axelsson (3)
Guðmundur Karl Guðmundsson (3)
Sigurvin Reynisson (6)
Júlíus Mar Júlíusson (6)

Afturelding:
Oliver Bjerrum Jensen (3)
Gunnar Bergmann Sigmarsson (6)
Bjarni Páll Linnet Runólfsson (6)

Úlfur Arnar þjálfari Fjölnis var óánægður með færanýtingu sinna manna í fyrri leiknum en vongóður um úrslit í dag.

„Ef við spilum annan svona leik eins og við gerðum hérna á þeirra heimavelli. Þar sem við yfirspiluðum þá allan leikinn, ef við gerum það upp í Dalhúsum og nýtum þessi færi.
Ef við myndum nýta færin okkar eins og menn þá værum við búnir að vinna þessa deild fyrir svona mánuði síðan. Það eina sem vantar er að vera klínískari, klára þessi færi og þá bara slátrum við þeim í Dalhúsum."


Fjölnir er með gott tak á Aftureldingu á grasinu í Dalhúsum. Svona hafa síðustu fimm deildarleikir farið í Grafarvogi.

8. september, 2024
Fjölnir 2-0 Afturelding

31. ágúst, 2023
Fjölnir 4-2 Afturelding

9. júlí, 2022
Fjölnir 2-1 Afturelding

14. ágúst, 2021
Fjölnir 3-0 Afturelding

31. júlí, 2019
Fjölnir 1-1 Afturelding

Leikurinn hefst 15:45 en þjálfarar beggja liða hvetja stuðningsmenn til að hætta fyrr í vinnu/skóla og mæta í Grafarvog að styðja liðið sitt.

Úlfur Arnar Jökulsson

„Við þurfum að fá Fjölnisfólk á völlinn, það er bara að hætta fyrr í vinnunni og mæta dýrvitlaus og öskra okkur áfram.
Við þurfum á ykkur að halda. Þetta er bara tveggja marka forysta, þeir henda öðrum af tveim bestu mönnunum sínum í bann viljandi vegna þess að þeir halda að þetta sé komið.
Þetta er alls ekki komið, við erum að fara taka þá í Dalhúsum og við þurfum fólkið okkar með okkur, til að hjálpa okkur í þessu og fagna með okkur, og hjálpa okkur að komast á Laugardalsvöll."




Magnús Már Einarsson

„Ég hvet bara alla Mosfellinga að mæta á völlinn og ef menn þurfa að taka á sig að fara fyrr úr vinnu eða jafnvel skrópa í skóla.
Ég er nú ekki almennt að því að hvetja fólk að skrópa í skólanum en ef það er einhvertíman sem þú skrópar í skólanum þá er það þarna.
Fólk á að mæta á völlinn og hjálpa okkur í baráttunni."

Atvik síðasta leiks var eflaust er Elmar Kári Cogic fékk viljandi rautt spjald.

Elmar fékk gult spjald í leiknum og hefði verið í leikbanni mögulegum úrslitaleik.

Með því að fá rauða spjaldið fer hann hinsvegar í bann í seinni leiknum hér í dag gegn Fjölni en verður löglegur í mögulegum úrslitaleik.

Fyrri leikur liðanna fór fram síðastliðinn fimmtudag en þá höfðu Mosfellingar betur 3-1 í jöfnum leik.

Litlu munaði þó að leikurinn færi 4-1 en Afturelding brenndi af víti á lokamínútu leiksins.

Leikurinn hefst klukkan 15:45.

Ástæðan fyrir því að spilað er svona snemma dags er vegna birtuskilyrða en ekki eru fljóðljós við Extra völlinn.

Heilir og sælir lesendur góðir og verið velkomin í þráðbeina textalýsingu frá Extra vellinum þar sem síðari leikur undanúrslita Lengjudeildarinnar fer fram.

Afturelding leiðir einvígið 3 - 1.
Sigurvegarar einvígisins mætir Keflavík á Laugardalsvelli 28. september.