Allur vindur úr KA liðinu eftir seinna markið og Víkingar sigla þægilegum sigri í hús þegar á hólminn er komið. Viðtöl og umfjöllun koma von bráðar!

Gestirnir með boltann hátt uppi á vallarhelmingi KA. Þeir eru að landa þessu nokkuð þægilega.

Fjórar mínútur í uppbót. Hans í ágætis færi, en KA mönnum hafa verið mislagðir fætur inni í teig Víkinga.

Máttlitlar sóknartilraunir KA manna valda gestunum engum hausverk.

Daníel Hafsteinsson liggur eftir einhver viðskipti við Jóan Símun. Sýndist bæði Jóan og Marcel Römer segja eitthvað miður jákvætt við liggjandi Daníel.

Frábær fyrirgjöf frá Ingimar Stöle á fjær þar sem að Birgir Baldvinsson fær frían skalla. Hann stangar fastan skalla rétt yfir markið.

Endar með því að Hallgrímur Mar fær gott skotfæri fyrir utan teig Víkings, en það er blokkað í horn.

Gylfi með sturlaða hornspyrnu á fjær og þar stangar Færeyingurinn boltann í þverslá og aftur fyrir!

Gestirnir fá hornspyrnu.

KA menn fá hornspyrnu.

Marcel Römer með fast skot utarlega í teig Víkinga og boltinn flýgur rétt yfir samskeytin fjær!

Oliver Ekroth með hörkutæklingu á Hallgrím Mar úti á vinstri kantinum. Þessi var af gamla skólanum - bolti og maður. Hallgrímur fljótur á fætur, enda grjótharður eins og Ekroth.

En svo fer boltinn aftur fyrir og Víkingar geta hafið sókn. Við erum ekki að drukkna í gæðum þessa stundina.

Hallgrímur reynir fyrirgjöf, en gestirnir koma boltanum í burtu. KA halda pressunni.

Erlingur kemst aftur fyrir vörn KA úti hægra megin og setur boltann þvert fyrir markið, en þar er einfaldlega enginn mættur. Viðvörunarbjöllur að hringja hjá heimamönnum!

Karl Friðleifur er með allan hægri kantinn útaf fyrir sig. Hann setur boltann inná teig KA á dauðafrían Valdimar sem að reynir ömurlega hælspyrnu í stað þess að skjóta almennilega á rammann. Stórundarlegt!

Róbert Orri Þorkelsson vinnur aukaspyrnu inni á miðjum vallarhelmingi KA. Hallgrímur Mar sá brotlegi. Gylfi Þór með ágætis fyrirgjöf, en boltinn endar aftur fyrir.

Aukaspyrna dæmd á KA inni á teig Víkings. Þetta er Groundhog Day.

Brot dæmt á Víkinga og KA menn freista þess að skapa eitthvað. Og fá horn! Þetta er endurtekið efni.

Ekkert kemur úr horninu og Víkingar hefja sókn. Og fá horn.

Birgir Baldvinsson með glimrandi góða fyrirgjöf af vinstri kantinum og virtist boltinn stefna beint á pönnuna á Ásgeiri Sigurgeirssyni, en sýndist það vera Oliver Ekroth sem að náði gríðarlega mikilvægri snertingu á boltann og KA menn fá horn.

Víkingar eru fljótari á flesta bolta þessa stundina, en lítið flæði hefur komist í spil beggja liða í upphafi síðari hálfleiks.

Byrjað á ný!

Víkingar leiða 1-0 í hálfleik eftir glæsilegt skallamark Nikolaj Hansen. Jafnræði hefur verið með liðunum og KA menn geta í raun nagað sig í handarbökin að vera ekki búnir að láta reyna á Ingvar Jónsson í marki gestanna. Komum að vörmu með seinni hálfleikinn!

+3 Fyrirgjöf Hrannars endar hjá Degi og hann þarf að snúa uppá sig til að stýra boltanum að marki Víkings. Fer af varnarmanni og aftur fyrir.

Fær boltann inni í teig Víkinga, en nær engum krafti í skot sitt og það er blokkað. Þremur mínútum bætt við.

Eftir þunga pressu gestanna er Gunnar Vatnhamar einhverra hluta vegna fremsti maður hjá þeim og fær boltann inni í teig KA. Hann tekur hinsvegar alltof þunga snertingu og skýtur framhjá markinu einn gegn Tönning.

Tekur boltann niður í teig Víkinga, en hamrar honum hátt yfir markið.

Sýndist Ívar Örn skalla framhjá markinu.

Dagur Ingi vinnur aukaspyrnu af harðfylgi á vinstri kantinum. Þetta er í fínni fyrirgjafastöðu fyrir Hallgrím Mar.

Alvöru kraðak inni í teig Víkinga! Marcel Römer fær boltann inni í markteignum, reynir skot sem að er blokkað. Hann rennir svo boltanum út á Hrannar Björn sem að á bylmingsskot sem að einnig er blokkað. Dauðafæri fyrir KA menn!

Ívar tekur Almosawe niður rétt fyrir utan vítateig KA hægra megin. Fær aukaspyrnu fyrir Víkinga á frábærum stað!

Marcel Römer nælir í aukaspyrnu inná vallarhelmingi Víkinga. KA menn fylla teiginn. Boltinn fer á fjær þar sem að Ívar Örn nær til boltans, en skalli hans nær ekki að ógna af neinu ráði.

Dútlar alltof lengi á boltanum og Nikolaj Hansen kemst inní hreinsun danska markvarðarins. William Tönning er stálheppinn að boltinn berst aftur til hans og Nikolaj er full aðgangsharður þegar hann reynir að ná boltanum af honum og er dæmdur brotlegur. Þetta var full mikið kæruleysi!

Víkingum hefur tekist vel að þrýsta KA liðinu neðar á völlinn og heimamenn eiga í erfiðleikum með að spila sig útúr pressunni. Langir boltar fram sem að enda bara hjá miðvörðum Víkings.

Skallað frá, en Víkingar halda boltanum ofarlega á vallarhelmingi KA.

Gylfi Þór skeiðar að hornfánanum til að taka spyrnuna. Hornspyrna hans fer af KA manni og aftur fyrir. Taka tvö...

Sýndist það vera Hans Viktor sem að reis hæst í teignum, en skalli hans fer langt framhjá markinu.

Jakob Snær fær flugbraut upp hægri kantinn, en fyrirgjöf hans ratar ekki á liðsfélaga. KA menn fá þó hornspyrnu.

Stuðningsfólk KA baula á Daníel Hafsteinsson þegar hann fær boltann. Allt er þetta á léttu nótunum.

Ekkert kemur úr horninu, en KA menn halda boltanum.

Fyrirgjöf Bjarna fer af varnarmanni og aftur fyrir.

Viktor Örlygur fer illa með Jakob Snæ á vinstri kantinum og setur boltann á Gylfa inni í teig KA. Gylfi tekur aðeins of margar snertingar á boltanum og Hans Viktor blokkar skot hans.

Birgir Baldvinsson á góðan sprett upp völlinn áður en boltinn berst til Bjarna Aðalsteinssonar. Hann tekur snertingu áður en hann reynir langskot sem að fer víðsfjarri marki Víkinga.

Gylfi með skot fyrir utan teig KA, en boltinn fer talsvert framhjá markinu.

Viktor Örlygur Andrason veður á Hrannar Björn og reynir fyrirgjöf, en hún er hættulítil og fer yfir allan teiginn í innkast.

Það eru heimamenn í KA sem að koma leiknum af stað!

Víkingar og Blikar eru í sérflokki í deildinni og hafa verið það síðustu 4 ár, 2 i stuðul á Epic á Víking gegn liði i botnsæti er of vel boðið til að sleppa því

Daníel Hafsteinsson snýr aftur á Greifavöllinn, en KA heimilið hefur verið hans heimasvæði lengst af á ferlinum. Hann skipti yfir í Víking stuttu fyrir síðustu jól, ásamt Sveini Margeiri Haukssyni og hefur farið vel af stað í Víkingstreyjunni - 4 mörk í 11 leikjum. Það verður fróðlegt að sjá hvernig viðtökur Daníel fær frá stúkunni, en hann var gríðarlega drjúgur fyrir KA liðið þegar að það hampaði Mjólkurbikarnum síðastliðið haust. Daníel í bikarúrslitaleiknum 2024. Þar átti hann glimrandi leik þegar að KA menn urðu í fyrsta sinn bikarmeistarar.

Kæru Víkingar. Það er komið að AK City - round 2. Strákarnir mæta Bikarmeisturunum á Greifavellinum og það eru 3 rándýr stig í boði fyrir bæði lið. Það er enn tími til að bruna úr bænum og mæta, en annars er leikurinn að sjálfsögðu í beinni á Sýn Sport. Áfram Víkingur! pic.twitter.com/Iam2uZ7iQz

— Víkingur (@vikingurfc) June 22, 2025

Það er Gunnar Oddur Hafliðason sem að dæmir leik dagsins. Honum til aðstoðar eru Guðmundur Ingi Bjarnason og Antoníus Bjarki Halldórsson. Valdimar Pálsson er eftirlitsmaður og varadómari er Elías Ingi Árnason. Gunnar Oddur mundar flautuna.

Bikarmeistarar KA sitja hjá í 1. umferð Sambandsdeildar Evrópu, en þeirra bíður athyglisvert verkefni í 2. umferðinni - danska liðið Silkeborg IF. Liðið endaði í 7. sæti Superliga, en vann umspilsleik við Randers um Evrópusæti og komst því í Sambandsdeildina. Víkingar mæta til leiks í 1. umferð Sambandsdeildarinnar og etja þar kappi við FC Malisheva frá Kósovó. Liðið hafnaði í 3. sæti í efstu deildinni í Kósovó. Ef Víkingar komast áfram þá bíða þeirra annaðhvort Vllaznia frá Albaníu eða Daugavpils frá Lettlandi. Víkingar voru grátlega nálægt því að slá út gríska stórliðið Panathinaikos í Sambandsdeildinni á síðasta tímabili.

Víkingar urðu fyrir blóðtöku þegar ljóst var að vængmaðurinn öflugi Stígur Diljan Þórðarson væri rifbeinsbrotinn og yrði frá keppni í allt að 8 vikur. Stígur hefur tekið þátt í öllum deildarleikjum Víkings til þessa og skorað í þeim eitt mark. Stígur mun missa af allavega sjö deildarleikjum og forkeppni Sambandsdeildar Evrópu.

Það var Sveinn Margeir Hauksson, núverandi leikmaður Víkings R., sem að skoraði sigurmark KA þegar að liðin mættust á þessum velli í fyrra. Hann fór að honum loknum í nám til Bandaríkjanna og söðlaði svo um ásamt KA manninum Daníel Hafsteinssyni og skipti yfir í Fossvoginn. ,,Þetta var gaman! Leiðinlegt að vera að fara, en geggjað að enda þetta á þessum nótum,'' sagði Sveinn Margeir eftir leikinn. Hann er þó fjarri góði gamni í dag, þar sem að hann er að glíma við leiðinleg hnémeiðsli. Sveinn Margeir skoraði sigurmark KA í leik liðanna á Greifavellinum í fyrra.

Hvort sem að horft er á KA liðið eða gestina úr Fossvoginum er óhætt að fullyrða að lítið svigrúm sé fyrir töpuð stig. KA mönnum bráðvantar stig í blóðugri botnbaráttu þar sem að liðið lafir stigi fyrir ofan fallsæti og á sama tíma tróna Víkingar á toppi deildarinnar - stigi fyrir ofan ríkjandi Íslandsmeistara Breiðabliks. Það er því ljóst að lítið verður gefið eftir í leik dagsins, en rimmur þessara liða hafa oftar en ekki verið harðar og tíðindamiklar hér á Akureyri.

Hér mun fara fram textalýsing á leik KA og Víkings R. Leikurinn er liður í 12. umferð Bestu-deildar karla og fer fram á Greifavellinum - heimavelli KA. Úr síðasta leik liðanna á Greifavellinum. Hér eigast Danijel Dejan Djuric, þáverandi leikmaður Víkings R. og núverandi leikmaður Istra 1961, og Jakob Snær Árnason, leikmaður KA.