SKÝRSLAN: FH vinnur enda spiluðu þeir á grasi
Hvað réði úrslitum?
Það var ekkert að frétta í þessum leik fram að stórkostlegu marki Sigurðar Bjarts. FH komu svo sterkir inn í seinni hálfleikinn og voru fljótir að bæta marki númer tvö við. Eftir það var leikurinn eiginlega bara búinn.
Bestu leikmenn
1. Björn Daníel Sverrisson (FH)
Björn Daníel var frábær í dag. Lagði upp og skoraði, en burtséð frá því var hann límið inn á miðsvæðinu og var tengdur öllu góðu sem FH gerði í dag.
2. Sigurður Bjartur Hallsson (FH)
Duglegur og vinnusamur, gerði ekkert gríðarlega mikið annað en markið sem hann skoraði. En þegar þú skorar svona mark, verður þú að fá hrós.
Atvikið
Fyrsta mark leiksins sem Sigurður Bjartur skorar, flikkar boltanum yfir varnarmanninn og stekkur svo á boltann með hinni löppinni og neglir honum í netið. Frábært mark.
Hvað þýða úrslitin?
FH fer upp í 7. sætið tímabundið með 14 stig. Vestri er enn í 3. sæti með 19 stig, en þetta var fyrsti leikurinn í deildini og það á margt eftir að gerast. Þannig taflan mun örugglega líta öðruvísi út.
Vondur dagur
Vestra liðið sem heild átti bara vondan leik. Þeir voru aldrei líklegir til neins, lélegasti leikur þeirra í sumar.
Dómarinn - 9
Ekkert við Jóhann Inga að sakast í dag, eina ástæðan sem hann fær ekki fullkomna einkunn, er bara því þetta var ekki beint erfiðasti leikurinn að dæma.