Sigurður Hjörtur flautar af áður en KR-ingar ná að taka miðjuna.

Sanngjarn og öruggur sigur Vals sem voru mjög góðir í dag.

Viðtöl og skýrsla á leiðinni.

Jakob Franz vinnur boltann af Finni Tómasi ofarlega á vellinum og reynir skotið strax sem Halldór ver nokkuð örugglega.

Adam Ægir tekur spyrnuna núna inn á teiginn sem Halldór Snær kýlir frá.

Adam Ægir tekur spyrnuna stutt á Kristinn Frey, fær hann aftur og reynir skotið sem fer langt framhjá.

Aron Sig tekur spyrnuna sem fer hátt yfir markið.

Atli Sigurjóns keyrir í átt að teignum og tekur gífurlega fast skot á markið sem Frederik Schram ver stórkostlega í horn!

Gabríel kemur með bolta á fjærsvæðið þar sem Aron Sig er mættur með markið galopið fyrir framan sig en skallar rétt yfir.

Það liggur KR mark í loftinu sem hafa byrjað fyrri hálfleikinn mun betur.

Fær boltann við vítateigslínuna og dúndrar í átt að markinu. Skotið fer í utanvert hliðarnetið.

KR-ingar að ógna.

KR-ingar keyra upp í skyndisókn. Matthias Præst rennir boltanum til hliðar á Gabríel sem keyrir í átt að teignum. Hann reynir skotið sem fer rétt framhjá.

Aron Sig með hörkuskot fyrir utan teiginn sem Frederik gerir vel í að verja og Valsmenn hreinsa svo út í innkast.

Það eru gestirnir úr Vesturbænum sem koma okkur í gang á ný.

Valsmenn leiða 3-1 í hálfleik og það sanngjarnt að mínu mati.

Tökum okkur korterspásu.

Valsmenn verjast þessu vel.

Leikurinn hefur aðeins róast þessa stundina. Ekki jafn mikill hraði í leiknum og var fyrir um það bil 10 mínútum síðan.

Aron Sig gerir frábærlega á vinstri vængnum og kemur með bolta fyrir markið á Eið Gauta sem skallar boltann rétt framhjá markinu.

KR-ingarnir eru að vinna sig hægt og rólega inn í leikinn. Ég sé fyrir mér KR mark fljótlega.

Sigurður Egill fer í tæklingu inni í teig og rennur örugglega lengra en hann ætlaði sér, og fer utan í Jóhannes Kristinn sem fer niður og er á leiðinni á punktinn!

Aron Sig með flotta takta við vítateigslínuna og reynir skotið sem fer af varnarmanni og aftur fyrir í horn.

Tryggvi Hrafn tekur enn eina gæða spyrnuna inn á teiginn sem fer ofan á þverslána. Valsmenn halda þó í boltann og halda sóknarpressunni áfram.

Mjög góð og hættuleg sókn Vals sem endar með löngum bolta yfir á Tryggva sem er allt í öllu í sóknarleik Vals, hann keyrir á Hjalta og vinnur hornspyrnu fyrir heimamenn.

Það er líf og fjör í þessu. Finnst KR-ingar vera að vinna sig inn í þetta. Með eitt hættulegt upphlaup núna sem fer forgörðum eftir að Sigurður Egill komst fyrir sendingu Arons Sig sem var á leiðinni á Atla Sigurjóns með markið fyrir framan sig.

Tryggvi Hrafn fær sendingu inn fyrir varnarlínu KR og rennir boltanum fyrir markið á Pedersen. Áður en hann nær til boltans kemst Finnur fyrir sendinguna en hann setur boltann í slána og aftur fyrir.

Patric Pedersen fær boltann rétt fyrir utan vítateig KR og reynir volley á markið sem Halldór ver í horn.

Það eru heimamenn sem koma okkur í gang.

Þá ganga liðin til vallar og gera sig klár í slaginn.

El Classico og var fyrri leikur liðana galopinn.
Sóknarleikur verður í fyrirrúmi hjá KRingum eins og vanalega og eitthvað segir mér að Jónatan og Tryggvi Hrafn muni ógna inn fyrir varnarlínu KRinga ítrekað með hraða sínum og krafti og skapa fjölmörg færi.

Gögnin benda á mörk hér í dag og er stuðullinn á að valur skori yfir 2,5 mörk 2,15.

Þá er stuðullinn á yfir 4,5 mörk í leiknum hjá Epic 2,34. Sjáum hvað setur.

Srdjan Tufegdzic, þjálfari Vals, gerir þrjár breytingar á liðinu sínu frá seinasta leik sem tapaðist gegn Stjörnunni 3-2. Tómas Bent Magnússon, Albin Skoglund og Sigurður Egill Lárusson koma inn í liðið fyrir þá Bjarna Mark Antonsson, Lúkas Loga Heimisson og Orra Hrafn Kjartansson. Bjarni Mark er í leikbanni.

Óskar Hrafn Þorvaldsson, þjálfari KR-inga, gerir einungis eina breytingu á sínu liði eftir 3-2 tapið gegn Víkingi Reykjavík í seinustu umferð. Júlíus Mar Júlíusson kemur inn í byrjunarliðið fyrir Ástbjörn Þórðarson.

Valur vann 0-1 útisigur á ÍBV í 8-liða úrslitum Mjólkurbikarsins á fimmtudag. Það var Hólmar Örn Eyjólfsson sem skoraði eina mark leiksins. Það var einmitt ÍBV sem sló KR út í 16-liða úrslitunum.

Valur tapaði 3-2 gegn Stjörnunni í síðustu umferð og KR tapaði líka 3-2, gegn Víkingi, í síðustu umferð.

Valur er með átján stig eftir ellefu leiki og KR er með þrettán stig. Valur er í fimmta sæti og KR er í tíunda sæti. Með sigri gæti KR farið upp um fjögur sæti. Valur færi með sigri upp um þrjú sæti.

Andrea Rut Bjarnadóttir, leikmaður kvennaliðs Breiðabliks, spáir útisigri í markaveislu.

Valur 3 - 4 KR (mán, 19:15)
Þetta verður skemmtilegur og opin leikur, mikið af mörkum. Ég spái því að KR taki þetta 3-4.

Bjarni Mark Duffield, leikmaður Vals, fékk rauða spjaldið gegn Stjörnunni og tekur því út leikbann í dag.

KR endurheimtir Aron Þórð Albertsson úr leikbanni.

Fyrri leikur liðanna endaði með 3-3 jafntefli.

Dómari: Sigurður Hjörtur Þrastarson
Aðstoðardómarar: Patrik Freyr Guðmundsson og Eðvarð Eðvarðsson
Fjórði dómari: Þórður Þorsteinn Þórðarson
Eftirlitsmaður KSÍ: Halldór Breiðfjörð Jóhannsson

Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Vals og KR í Bestu deildinni.