SKÝRSLAN: Tindastóll áfram í 8-liða
Hvað réði úrslitum?
Tindastólsmenn voru vel stilltir og mættu grimmir til leiks. Mikill hiti var í leiknum og liðin áttu sín færi en grimmdin og baráttugleði Tindastólsmanna var það sem í lokin skipti sköpum og unnu sanngjarnt 3-2
Bestu leikmenn
1. Manuel Ferriol Martínez
Margir sem gera tilkall í 1. og 2. sætið en set þetta á Manuel, er frábær á miðjunni hjá Stólunum, er mikið í boltanum, leikinn með boltann og á góðar spyrnur, átti síðan frábæra stoðsendingu
2. Nikola Stoisavljevic
Aftur mjög margir sem gera tilkall í bestu leikmennina í dag, Kolbeinn, Jónas og Viktor voru allir solid en Nikola hins vegar varði allavega 2 dauðafæri, annað undir lok leiksins sem hefði getað reynst jöfnunarmark Þróttar V. með tilheyrandi framlengingu
Atvikið
Þetta var fjörugur leikur í kvöld og kannski ekki beint eitt atvik en set þetta á fyrsta mark Tindastóls sem kom mjög snemma í leiknum og setti svolítið tóninn fyrir leikinn, hefur líklega komið mörgum á óvart en Tindastóll hefur þó verið að gera mjög vel á heimavelli. Annars má líka nefna jöfnunarmark Þróttar V. sem þó varði ekki lengi en strax í næstu sókn voru Stólarnir komnir yfir.
Hvað þýða úrslitin?
Úrslitin í kvöld þýða einfaldlega það að Tindastóll fer áfram í 8-liða úrslit Fótbolta.net bikarsins en Þróttur V. situr eftir með sárt ennið.
Vondur dagur
Set þetta á Auðun þjálfara Þróttar V. gerir 7 breytingar á byrjunarliði sínu frá því síðasta leik og leikmenn virkuðu ekki rétt stilltir þegar leikur hófst svo Tindastóll nær forystunni snemma. Veit ekki hvort það hafi verið eitthvað vanmat í gangi? En Þróttur V. er toppbáráttu í deild fyrir ofan lið Tindastóls
Dómarinn - 6
Dómaratríóið hafði í nógu að snúast í dag, brotin komu á færibandi hjá báðum liðum en heilt yfir bara nokkuð flott