Þakka samfylgdina í dag og minni á viðtöl og skýrslu sem koma síðar í kvöld.

Þangað til næst, takk fyrir mig.

Haraldur tekur spyrnuna inn á teiginn þar sem Gummi Magg er dæmdur brotlegur.

Seinasti sénsinn?

Tryggvi kemur með boltann inn á teiginn eftir gott samspil með Má Ægissyni. Freyr nær að stela boltanum og er aleinn á auðum sjó inni á teignum kominn einn gegn Jökli. Skotið fer hinsvegar út í skóg. Þarna var hann með meiri tíma en hann hélt geri ég ráð fyrir.

Langt innkast inn á teiginn sem Axel Óskar skallar á fjærstöngina þar sem Aron Jóh er. Boltinn fór yfir Viktor í markinu og Aron með markið fyrir framan sig en skallar í Framara og aftur fyrir.

Kennie Chopart með skot sem fer rétt framhjá. Framarar miklu líklegri þessa stundina.

Elmar Kári vinnur boltann ofarlega á vellinum og keyrir upp í skyndisókn. Hann tekur skotið rétt yfir markið við vítateigslínuna.

Haraldur tekur spyrnuna inn á teiginn en Mosfellingar skalla frá.

Kennie Chopart með heiðarlega tilraun fyrir utan teiginn sem sleikir þverslána og fer rétt yfir.

Aron Elí með fyrirgjöf á Aron Jóh sem skallar á markið en Viktor ver í slána og Framarar hreinsa.

Fred tekur spyrnuna inn á teiginn. Byström reyndi hjólhestarspyrnu en hann er dæmdur brotlegur.

Afturelding byrjar þennan seinni hálfleik.

Þá er þessum tíðindalitla fyrri hálfleik lokið.

Tökum okkur korterspásu og mætum svo til baka að vörmu spori með seinni hálfleikinn.

Elmar Kári keyrir með boltann upp völlinn og Afturelding er komið þrír á tvo. Hann rúllar boltanum í gegn á Aron Jóh sem er einn á móti Viktori. Aron reynir að klobba Viktor en hann lokar og ver frábærlega.

Það er lítið sem ekkert að frétta úr þessum leik. Mosfellingar halda meira í boltann þessa stundina, en eins og ég segi að þá er lítið sem ekkert að frétta.

Framrar hreinsa spyrnu Elmars Kára út í innkast.

Gunnar með skot við vítateigslínuna sem fer í varnarmann og aftur fyrir.

Jökull sendir boltann frá sér á hættulegum stað, Tibbling keyrir af stað og reynir skot fyrir utan teiginn sem Jökull ver.

Leikurinn hefur aðeins róast, mér finnst Framarar líklegri þó eins og er.

Elmar Kári tekur spyrnuna inn á teiginn en Framarar verjast þessu vel.

Þorri Stefán gerir mjög vel á boltanum og kemur honum upp á Róbert Hauks. Róbert tekur hann framhjá Jökli í markinu en hann missir boltann of langt frá sér og boltinn fer aftur fyrir í markspyrnu.

Þarna var Jökull stálheppinn í marki Aftureldingar.

Elmar Kári tekur spyrnuna inn á teiginn sem Viktor Freyr blakar í burtu.

Leikurinn fer afar rólega af stað, Framarar byrja ívið betur að mínu mati en erfitt að segja þessar upphafsmínútur.

Afturelding (4-3-3)
Jökull
Gunnar - Aron - Axel - Aron
Oliver - Bjartur
Hrannar - Aron - Elmar
Stokke

Fram (5-3-2)
Viktor
Kennie - Kyle - Sigurjón - Þorri - Haraldur
Már - Fred - Tibbling
Róbert - Vuk

Það eru gestirnir úr Úlfarsárdalnum sem sparka þessu í gang hér í kvöld.

Góða skemmtun.

Fram vann 3-0 sigur í deildarleik þessara liða í Úlfarsárdalnum í lok apríl. Kennie Chopart, Kyle McLagan og Vuk Oskar Dimitrijevic með mörkin í þeim leik. Í júní vann síðan Fram 1-0 sigur gegn Aftureldingu í 8-liða úrslitum bikarsins í júní en Freyr Sigurðsson skoraði sigurmarkið.

Þá ganga liðin til vallar og gera sig klár í slaginn.

Það viðrar vel í Mosó á þessu fína fimmtudagskvöldi og kjör aðstæður fyrir markaveislu. Að því sögðu er það bæði lið skora og yfir 2.5 mörk á stuðlinum 1.80 á Epic. Fyrir þá sem eru brattir þá er stuðullinn 4,00 á að bæði lið skora 2 mörk eða meira skemmtilegt.

Í leikmannaveðmálum má draga fram stuðulinn 4,00 á að Haraldur Einar fái spjald.

Magnús Már Einarsson, þjálfari Aftureldingar, gerir eina breytingu á sínu liði eftir jafnteflið við Breiðablik á dögunum. Enes Þór Enesson Cogic kemur úr liðinu fyrir Oliver Sigurjónsson.

Framarar gera tvær breytingar á byrjunarliði sínu eftir tapið í vítaspyrnukeppni við Vestra í undanúrslitum Mjólkurbikarsins í seinasta leik. Þorri Stefán Þorbjörnsson og Már Ægisson koma inn í liðið fyrir Frey Sigurðsson og Israel Garcia Moreno.

Gunnar Oddur Hafliðason dæmir þennan leik í kvöld en honum til aðstoðar verða þeir Ragnar Þór Bender og Bryngeir Valdimarsson. Fjórði dómari leiksins er Gunnar Freyr Róbertsson og eftirlitsmaður KSÍ er hann Ingi Jónsson.

Framarar duttu úr bikarnum eftir vítaspyrnukeppni á Ísafiðri við Vestra í undanúrslitunum. Í deildinni sitja þeir í 4. sætinu með 22 stig, 5 stigum á eftir Breiðabliki sem er í 5. sætinu. Í seinasta deildarleik Framara unnu þeir Skagamenn 1-0 á útivelli og eru með þrjá sigra og eitt jafntefli í seinustu fjórum leikjum.

Með sigri í kvöld getur Afturelding komið sér upp í efri hluta deildarinnar. Þeir eru sem stendur í 8. sæti með 18 stig. Þeir gerðu í seinasta leik 2-2 jafntefli við Blika eftir að hafa lent 2-0 undir.

Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Aftureldingar og Fram í Bestu deildinni.