Sverrir Örn Einarsson @SEinarsson

Textalýsing Skýrslan

Hvað réði úrslitum? Frederik Schram? Örskömmu áður en Valur jafnar á hann frábæra vörslu úr 1 á 1 stöðu sem er auðvelt að færa rök fyrir að hafi ráðið úrslitum. Hvort heimamenn geti svo nagað sig í handarbökin fyrir að hafa ekki nýtt sín færi verða þeir að spá í. Við erum Íslendingar og spáum í að Valur náði í jafntefli á útivelli og er í frábærum séns að klára einvígið á heimavelli. Bestu leikmenn 1. Frederik Schram Bjargaði Val á ögurstundi í dag og var traustur þegar á þurfti að halda. Fátt meira um það að segja. 2. Tryggvi Hrafn Haraldsson Þegar þú spilar framarlega á vellinum þarftu stundum að sætta þig við að sjást minna en þú myndir sjálfur vilja. Þú þarft samt að vera klár á réttu augnabliki og það var Tryggvi svo sannarlega þegar hann skoraði mark sitt eftir frábæra fyrirgjöf Adams Ægis. Atvikið Jöfnunarmark Vals án efa. Þeirra eina skot sem hitti markið i leiknum og dýrmætt var það. Smá Tufa lykt af því að liggja til baka lengst af og þjást undir pressu frá andstæðingnum en ganga á brott með góð úrslit í farteskinu.

Hvað þýða úrslitin? Allt hnífjafnt fyrir seinni leik liðanna á N1 vellinum að Hlíðarenda að viku liðinni. Staða sem Valur hefði eflaust þegið fegins hendi fyrir leik. Vondur dagur Andstæðingurinn í dag er ekkert slor skulum ekkert taka neitt af þeim með það. Ég saknaði samt lengst af í ´leiknum meiri árásargirni frá leikmönnum Vals. Að setja aðeins meira púður framar á vellinum. Framlína liðsins sást ekki lengst af í leiknum og vil ég meina að Valur sé alls ekki lakara lið en Zalgiris. Vonandi að Patrick Pedersen sé svo heill heilsu en hann kenndi sér meins og þurfti að yfirgefa völlinn. Þess utan kom það mér á óvart að Patrick sem er á mörkum þess að slá markametið í efstu deild á Íslandi hafi ekki fundið fjölina sína með Val í Evrópu. Aðeins eitt mark í 18 leikjum í Evrópu fyrir leik dagsins og ekki bætti hann við í dag. Dómarinn - 7 Ekki frábært en ekkert hræðilegt heldur hjá þeim norður Írska. Gerði sitt bara eins og við var að búast.

- Meðalaldur 30 ár

- Meðalaldur 24 ár