SKÝRSLAN: Dramatískar lokamínútur á Hlíðarenda
Hvað réði úrslitum?
FH vildi þetta bara aðeins meira og kláruðu leikinn á lokamínútum leiksins þegar Thelma Karen var með fyrirgjöf úr efstu hillu og Margrét Brynja gat ekki annað en skorað og tryggt FH í úrslitaleik Mjólkurbikarsins
Bestu leikmenn
1. Maya Lauren Hansen
Erfitt val í kvöld en Maya Lauren Hansen var allt í öllu sóknarlega hjá FH í kvöld, einfaldlega frábær leikmaður
2. Arna Eiríksdóttir
Mjög margar sem gera hér tilkall en Arna Eiríksdóttir fyrirliði FH er eins og herforingi í vörn FH og gerði útrúlega vel í að stjórna sínu liði. Aðrar sem klárlega gera tilkall eru Thelmurnar og Elísa Lana.
Hjá Val var Fanndís sprækust
Atvikið
Gæti sett öll mörkin í þessum leik sem atvikið... En Dramatískt sigurmark FH á lokamínútum framlengingarinnar hlýtur þennan titil, held að allir hafi verið byrjaðir að spá í hvaða leikmenn færu á punktinn í vító.
Hvað þýða úrslitin?
Úrslitin þýða einfaldlega að FH eru komnar í úrslit í Mjólkurbikarnum en Valur situr eftir með sárt ennið.
Vondur dagur
Skrítið að setja þetta á leikmann í vinningsliðinu en Macy Elizabeth Enneking nýi markmaður FH gerir tvö mjög klaufaleg mistök í báðum mörku Vals í kvöld.
Dómarinn - 8
Vel dæmt hjá dómarateyminu í kvöld, ekkert út á það að setja