SKÝRSLAN: Hetjulegri verður baráttan ekki
Hvað réði úrslitum?
KA-menn eins og gefur að skilja voru varnarsinnaðir, upplegg sem hentar þeim vel. Eftir því sem leið á leikinn uxu KA-menn og voru að mínu mati sterkara liðið í framlengingunni. Silkeborg sköpuðu sér ekkert voðalega mikið, en Tonni litli Adamsen var því miður á skotskónum í dag. KA-menn geta þó verið stoltir að hafa tekið danskt úrvalsdeildarlið alla leið í framlengingu á Greifavellinum.
Bestu leikmenn
1. Hallgrímur Mar Steingrímsson
Hallgrímur dansaði með boltann jafn mikið og ef ekki meira, þrátt fyrir að leika gegn dönsku úrvalsdeildarliði. Gæðin sem hann býr yfir eru mögnuð.
2. Ásgeir Sigurgeirsson
Kom sterkur inn af bekknum, frábær stoðsending í seinna marki KA og var grátlega nálægt því að jafna metin í stöðunni 2-3.
Atvikið
Viðar Örn Kjartansson valdi heldur betur tímasetninguna á fyrsta marki sumarsins, jafnaði í stöðuna 2-2.
Hvað þýða úrslitin?
KA eru úr leik í Evrópu í ár.
Vondur dagur
Ekki ætla ég henda einhverjum KA-manni undir rútuna eftir þennan leik, allir frábærir. Skellur fyrir Viðar Örn að þurfa að fara af velli eftir að hafa komið inn sem varnarmaður. Nicolai Larsen, markvörður Silkeborg braut af sér þegar KA fékk vítaspyrnu. Í seinna marki KA hefði ég gert kröfu á að hann myndi ná boltanum, spurning hvort að ég sé of kröfuharður en það er annað mál.
Dómarinn - 6
Sá finnski á flautunni byrjaði brösulega, sýndist vítið sem KA fékk á sig vera hendi fyrir utan teig. Svo voru nokkrir furðulegir dómar, en hann vann sem betur fer á.