Túfa ekki ánægður og vildi að uppbótartíminn yrði lengri eftir gífurleg töf gestanna en niðurstaðan er 2-1 tap Valsmanna. Viðtöl og fleira á leiðinni.

Adam Ægir tekur spyrnuna inn á teiginn og Zalgiris hreinsa, Lúkas tekur svo skotið sem fer langt yfir.

Adam tekur spyrnuna stutt á Tryggva Hrafn sem kemur með boltann inn á teiginn. Hólmar Örn er fyrstur á boltann og skallar yfir markið.

Romualdas með skot rétt fyrir utan teig sem er hársbreidd frá því að fara á markið og fer framhjá sem betur fer.

Valsmenn eru líklegir að skora núna. Eru meira með boltann og Zalgiris færast aftar og aftar á völlinn.

Einhver útfærsla af æfingasvæðinu. Adam Ægir tekur spyrnuna út fyrir teiginn þar sem Lúkas Logi er mættur og tekur skotið í fyrsta en það fer framhjá.

Fær boltann við vítateigslínuna og tekur skotið í fyrsta sem Tomas ver í horn. Það liggur mark í loftinu hérna!

Adam tekur spyrnuna inn á teiginn sem Tomas nær að blaka í burt.

Varamennirnir að tengja vel! Aron Jóh með frábæran bolta inn á teiginn sem fer beint á pönnuna á Adami Ægi sem skallar boltann rétt framhjá. Þarna munaði engu að varamennirnir hefðu jafnað einvígið!

Jónatan Ingi með stórkostlegan bolta inn á teiginn sem fer beint á ennið hans Patrick Pedersen. Hann skallar á markið en Tomas gerir vel í að grípa skallann í erfiðri stöðu. Valsmenn eru að lifna aðeins við. Gestirnir lítið sót seinustu mínútur.

Tryggvi sleppur einn í gegn en þar er Haymenn mættur og fer fyrir skotið. Valsmenn eru að vakna!

Eftir að gestirnir komust yfir hefur Valur náð að halda meira í boltann og leikurinn hefur róast talsvert.

KA var að jafna einvígið við Silkeborg. Hver annar en Viðar Örn Kjartansson! Kári Snorrason er á Akureyri.

Hann flautar til hálfleiks um leið og Orri skorar. Einhvernveginn er allt jafnt þegar liðin ganga til búningsklefa. Gestirnir frá Litáen búnir að vera mikið betri í dag en Valsmenn náðu þessu gífurlega mikilvæga marki rétt fyrir hálfleik og liðin skilja jöfn eftir fyrstu 45. Tökum okkur korterspásu og mætum með seinni hálfleikinn að vörmu spori.

Tryggvi tekur spyrnuna inn á teiginn sem Bjarni Mark skallar á markið en gestirnir hreinsa í horn.

Amine er kominn inn á teig Valsmanna og reynir skotið við endalínuna sem Frederik ver. Valsmenn bruna svo upp í sókn og Tryggvi nær skotinu á markið sem Tomas ver.

Temur er enn eina ferðina kominn einn í gegn og á bara eftir að rúlla boltanum framhjá Frederik í markinu en skotið fer rétt framhjá. Hvernig gestirnir eru ekki búnir að skora fleiri mörk er bara ransóknarefni.

Valsmenn eru bara ekki vaknaðir! Damjan gerir frábærlega og keyrir upp völlinn framhjá tveimur Valsmönnum. Hann rúllar boltanum í gegn á Amine sem er kominn einn á móti Frederik en Frederik ver þetta frábærlega. Valsmenn eru ekki mættir til leiks.

Enn og aftur er Temur að sleppa einn í gegn en núna nær Bjarni Mark að teygja sig í boltann á undan honum áður en Temur kemst einn á móti Frederik. Augnablikið er svo sannarlega með gestunum þessa stundina.

Amine kemur boltanum inn á teiginn þar sem Haymenn er mættur og er kominn einn á móti Frederik. Hann tekur skotið á markið sem Frederik ver mjög vel. Reyndar ekki besta afgreiðsla sem ég hef séð en Valsmenn stálheppnir að vera ekki búnir að fá á sig mark.

Nosa gerir vel á vinstri kantinum og kemur boltanum fyrir á Dejan sem nær skotinu á markið en Frederik gerir mjög vel í að verja það áður en Valsmenn hreinsa út í innkast. Gestirnir hafa byrjað leikinn betur og eru að fá færin.

Leikurinn fer mjög skemmtilega af stað. Mikill hraði og bæði lið vilja vinna greinilega. Zalgiris ívið betri að mínu mati. Bara spurning hvenær fyrsta mark leiksins kemur.

Tryggvi tekur spyrnuna inn á teiginn en gestirnir gera vel í að hreinsa frá.

Tryggvi með hörkuskot sem Tomas ver með herkjum út í vítateiginn þar sem Patrick Pedersen er við það að ná í frákastið en þá koma gestirnir boltanum aftur fyrir í horn.

Jónatan Ingi er eiginlega bara ýtt í bakið inni á teig gestanna og fellur niður. Skil eiginlega ekki hvernig þetta gat ekki verið vítaspyrna við fyrstu sýn. Valsmenn skiljanlega mjög ósáttir.

Amine kemur boltanum fyrir á Temur sem er við það að skjóta boltanum á markið en þá mætir Bjarni Mark til bjargar og gerir frábærlega að fara fyrir skotið.

Dejan með hörkuskot rétt fyrir utan teiginn sem Frederik Schram ver í horn. Gestirnir vildu eitthvað fá aukaspyrnu í aðdragandanum en tékkinn góði gefur lítið fyrir það.

Nosa keyrir upp hægri kantinn og kemur með bolta fyrir á Amine sem tekur á móti boltanum í staðinn fyrir að skjóta í fyrsta. Hann missir boltann langt frá sér og það myndast mikið klafs inni á teignum. Að lokum er dæmt hendi á leikmann Zalgiris og Valsmenn geta andað léttar.

Gestirnir frá Litáen koma okkur í gang.

Valsmenn hafa verið í miklu stuði í undanförnum leikjum og mikilvægt að þeir loki þessum leik. Valssigur gefur 2.00 í stuðul hjá Epic eða tvöföldun.

Dalibor ?erný dæmir leik kvöldsins, hann kemur frá Tékklandi. Honum til aðstoðar eru landar hans Jan Paták og Pavel Pospíšil, fjórði dómari kvöldsins er Stanislav Volek.

„Leikurinn leggst bara fínt í mig, þetta er hörku lið, við sáum það úti; auðvitað vorum við að spila á móti þeim á þeirra heimavelli og með þeirra aðdáendur á bak við sig, en maður sá að þetta er mjög alþjóðlegt lið og við vitum að þeir eru búnir að spýta miklum peningum í þetta. Þetta er í raun körfuboltafélag sem ákvað að taka fótboltann aðeins alvarlega núna og settu saman í raun nýtt lið fyrir þetta tímabil. Þetta er hörku lið og góð áskorun fyrir okkur," segir Hólmar Örn Eyjólfsson, fyrirliði Vals, við Fótbolta.net. Lestu viðtalið við hann í heild sinni hér:

   31.07.2025 11:05

Hólmar Örn: Það er stóri munurinn samanborið við síðustu tímabil hjá Val

Valsarar hafi gert mjög vel undarfarið í Bestu deildinni og eru á toppnum. Í síðustu umferð unnu þeir FH-inga 3-1 í mjög svo áhugaverðum leik þar sem Frederik Schram, markvörður Valsara, átti stórleik. Hann hefur reynst Völsurum mjög vel í seinustu leikjum vægast sagt. Túfa, þjálfari liðsins, fékk mikla gagnrýni í upphafi móts og í fyrra þegar hann tekur við en það virðist eins og hann hafi náð að mynda öfluga liðsheild og góðan anda aftur í Val. Sigurhugarfarið er komið aftur á Hlíðarenda.

Fyrri leikur liðanna sem var spilaður í Litáen fór 1-1 þar sem Tryggvi Hrafn Haraldsson skoraði jöfnunarmark Valsara eftir góðan undirbúninga Adam Ægis Pálssonar. Fínústu úrslit fyrir Valsara úti í Evrópu sem þurfa að vinna leikinn í dag til þess að komast áfram.

Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Vals og Zalgiris í forkeppni Sambandsdeildarinnar.