Það er flottur leikur í beinni textalýsingu klukkan 14:00. Víkingur og Leiknir eigast við í 1. deildinni. Liðin mættust í fyrstu umferð bikarkeppninnar í ár og þá unnu Víkingar sannfærandi 2-0 sigur. Leikurinn í dag er í sjöundu umferð deildarinnar. Haukar eru í þriðja sæti með 13 stig en Víkingur nartar í hælana með 11 stig. Hvernig spáir Tómas Meyer á Stöð 2 Sport: Víkingar vija sýna sig og sanna og eru komnir áfram í bikarnum og ef þeir ætla að blanda sér af alvöru í toppbaráttuna þá verða þeir að landa sigri gegn Haukum. Mín tilfinning er að strákarnir hans Óla Þórðar verða í stuði, klári þetta dæmi og það örugglega 4-1.

Liðinn eru hér að labba inná völlinn. Leikurinn fer senn að hefjast.

Mínútuþögn fyrir Ólaf Rafnsson sem lést langt fyrir aldur fram, í Sviss í vikunni. Bæði lið spila með sorgarbönd. Samúðarkveðjur á fjöldskyldu Ólafs og vini.

Leikurinn er hafinn! Góða skemmtun.

Dofri Snorrason er búinn að krúnuraka sig og skartar glæsilegum skalla hér í dag.

Frábær sending hjá Sigurði Agli beint á kollinn á markamaskínunni Hirti Hjartar, en Hjörtur skallar boltann rétt framhjá.

Haukar hér stálheppnir. Dofri fer illa með Hilmar Trausta og Hilmar Trausti neyðist til að brjóta. Jóhann, aðstoðardómari, dæmir aukaspyrnu - en Halldór Breiðfjörð var að fara dæma víti. Víkingar voru ekki sáttir, en fengu aukaspyrnu sem ekkert kom úr.

Dofri Snorrason með fínt skot eftir samspil við Hirti, en skot Dofra framhjá.

Aðalfærin koma eftir hornspyrnur hér í dag! Ásgeir Þór með hornspyrnu, en Kristján Ómar þrumar boltanum framhjá. Flestir Haukarar hefðu líklega verið til í að það væri eitthver annar en Kristján Ómar þarna.

Hörkuskot hjá Dofra, en boltinn í hliðarnetið!

Frábær sending hjá Guðmundi Sævarssyni, en skallinn frá varamanninum Brynjari, rétt yfir markið!

Taskovic með fínt skot, en Sigmar er vandanum vaxinn í markinu.

Ásgeir Þór með skot, en hátt yfir markið. Haukarnir að hressast.

Ásgeir Örn Hallgrímsson, landsliðsmaður í handbolta, er mættur hérna klæddur sem David James. Verið er að steggja Ásgeir og vinur hans úr landsliðinu, Björgvin Páll, festir þetta allt á kameru.

Hálfleikur! Sjáumst í þeim síðari.

Síðari hálfleikur er hafinn.

Kale varði frábærlega úr dauðafæri, en þar var Hilmar Rafn sem fékk færið.

Ótrúlegt. Aron Elís með hörkuskot sem Hafþór varði bara innan teigs, en Halldór Breiðfjörð tókst á eitthvern óskiljanlegan hátt að dæma bara aukaspyrnu. Ótrúleg dómgæsla því ég held að allir á vellinum nema dómaratríóið hafi séð að þetta var inní teig.

Sigurður Egill með skot úr aukaspyrnunni, en Sigmar vel á verði í markinu.

Fín fyrirgjöf frá vinstri en skalli Andra Steins beint á markið.

Frábært skot hjá Brynjari Ben, en boltinn hárfínt framhjá! Fáum við jöfnunarmark?

Frábær endurkoma, en Víkingar geta verið hundsvekktir. Ólafur Þórðarson var brjálaður eftir leikinn og hljóp að Halldóri Breiðfjörð dómara leiksins og lét hann heyra það.