Já góðan daginn, hér mun fara fram bein textalýsing frá leik Fjölnis og Völsungs í 7. umferð 1. deildar á þessum sólríka laugardegi.

Fjölnismenn gera tvær breytingar á liði sínu frá 1-0 sigri sínum gegn Tindastóli í síðustu umferð. Ásgeir Aron Ásgeirsson er meiddur en Árni Kristinn Gunnarsson tekur út leikbann og sæti þeirra taka Aron Sigurðarson og Kolbeinn Kristinsson.

Völsungar gera hins vegar fjórar breytingar á sínu liði. Markvörðurinn Sveinbjörn Ingi Grímsson, Ásgeir Sigurgeirsson og Sveinbjörn Már Steingrímsson detta út í stað Dejan Pesic, Halldórs Fannars Júlíussonar og Sindra Ingólfssonar.

Dregið hefur fyrir sólu, vonandi tímabundið. Í sömu andrá halda liðin og dómarar út á völlinn og ná góðum 35 mínútum af toppupphitun.

Þórður Ingason, varamarkvörður Fjölnismanna í dag, mætti langfyrstur út á völl og er búinn að reyna við sláarskot í rúmt korter. Enn hefur ekki gengið hjá honum að hitta slánna.

Nýliðar Völsungs eru fyrir leik neðstir í deildinni með einungis 2 stig eftir 6 leiki. Fjölnismenn eru hins vegar í 7. sæti með 7 stig eftir þessa fyrstu 6 leiki. Þeir hafa sýnt ágætis takta á köflum en hafa átt erfitt með að ná stöðugleika í sinn leik.

Þá eru liðin haldin til búningsherbergja. Dragan Stojanovic og Ágúst Þór Gylfason koma mönnum sínum vonandi í góðan gír.

Þetta er fyrsti leikurinn sem að Jan Eric Jessen dæmir frá eftirminnilegum leik Þróttar og Leiknis þann 6. júní síðastliðinn þar sem níu gul spjöld og eitt rautt voru gefin Þrótturum.

Fyrir leik mun vera 1. mínútu þögn vegna fráfalls Ólafs Rafnssonar, forseta ÍSÍ.

Leikmenn halda inn á völlinn. Sem stendur eru fleiri manns á skýrslu en í stúkunni.

Fjölnir hefur leik!

Aron Sigurðarson með ágætis takta en skot hans fer af varnarmanni og afturfyrir.

Guðmundur Pétursson búinn að eiga tvær misheppnaðar sendingar í góðum stöðum í uppbyggingu sókna Fjölnis. Vonandi nær hann að snúa þessu við.

Þetta fer nokkuð rólega af stað. Fjölnismenn halda boltanum betur eins og við var að búast. Færin hafa þó staðið á sér.

Illugi á skot úr aukaspyrnu, framhjá fer boltinn.

Marko Blagojevic tekur markspyrnur Völsungs í dag en Dejan Pesic er að stíga upp úr meiðslum.

Fyrsta færi leiksins lítur dagsins ljós. Kolbeinn Kristinsson á góða fyrirgjöf frá hægri á fjærstöngina, Guðmundur Pétursson skallar boltann þaðan fyrir markið og hársbreidd munar um að Ómar Hákonarson nái að pota boltanum í autt markið.

Völsungar eru að komast betur inn í leikinn. Þeir ná þó ekki að skapa sér færi frekar en Fjölnismenn.

Hafþór Mar sleppur í gegnum vörn Fjölnismanna en skýtur slöku skoti fyrir utan teig beint á Steinar í markinu. Þarna hefði hann getað farið miklu nær. Slök ákvörðun.

Hilmar Þór á fína fyrirgjöf frá vinstri á fjærstöngina þar étur Guðmundur Pétursson Dejan Pesic, markmann Völsunga, í loftinu en skalli hans hafnar í slánni.

Það virðist loksins sem fjör sé að færast í þetta. Hærra tempo og meiri ákefð.

Völsungar vildu fá vítaspyrnu er hrint var í bakið á Hafþóri Mar eftir fast leikatriði. Vafasamt atvik sem hefði getað farið í báðar áttir.

Hálfleikur! - Vægast sagt tilþrifalitlum 45 mínútum af knattspyrnu lokið.

Þá hefja Húsvíkingar síðari hálfleikinn!

Vladisa Dodevic á skalla í stöng úr góðu færi. Góð sókn hjá Völsungum, seinni hálfleikurinn byrjar vel.

Völsungar fá aukaspyrnu á stórhættulegum stað í kjölfarið. Marko Blagojevic skýtur úr henni föstu skoti í markmannshornið en Stinar ver vel í horn.

Arnþór Hermannsson kemst í ágætis færi. Varnarmenn Fjölnis komast fyrir skot hans.

Þetta hefur aðeins róast niður eftir mörkin tvö. Leikurinn að vissu leyti kominn í sama miðjumoðið.

Gunnar Sigurður Jósteinsson í góðu færi eftir klaps í teignum í kjölfar fasts leikatriðis. Steinar ver vel í markinu.

Fjölnismenn hafa stýrt þessu meira og minna í síðari hálfleik. Skyndisóknir Völsunga hafa ekki verið nægilega góðar, rétt eins og sóknir Fjölnismanna. Þessi leikur hefur ekki verið gæðamikill.

Rosalegt samstuð milli Steinars, markvarðar Fjölnis og Peter Odrobena, miðjumanns Völsungs í kjölfar aukaspyrnu. Þeir steinliggja báðir.

Jan Eric dæmdi aukaspyrnu á Odrobena. Þó virtist sem Peter hefði náð í boltann á undan og hefði þar með átt að dæma víti. Spurning hvað hefði átt að gera.

Peter Odrobena er líklega á leið útaf og er staðinn upp. Steinar er borinn útaf í þessum töluðu orðum. Fjölnismenn eru búnir með breytingarnar sínar sem gerir að verkum ap Bergsveinn Ólafsson fer í rammann og Fjölnir verður einum færri út leikinn.

Bergsveinn ver vel stuttu eftir að hann kom í rammann. Skotið frá Hafþóri Mar.

Bergsveinn kýlir boltann frá eftir fast leikatriði. Hann byrjar vel í rammanum.

Við skulum ekki gleyma því að a.m.k. 6 mínútur verða í uppbótartíma.

Júlíus Orri klúðrar sannkölluðu dauðafæri, labbaði í gegnum slaka vörn Völsungs en skot hans frá markteig beint á Dejan Pesic.

Seigla í Fjölnismönnum að landa þremur stigum manni færri.