Gott stig í pokann frá Sviss má vel segja. En það voru möguleikar til staðar og menn eflaust svekktir að hafa þau ekki þrjú.

Junior Zé í hörkufæri í teignum en setur boltann framhjá.

Corsin Konietzke liggur eftir á vellinum eftir ljótan snúning á ökkla. Þessar fjórar sem bætt var við verða ögn fleiri

Serbinn fær hóstakast á flautunni eftir einhver orðaskipti Eggerts og Junior og ræðir hvassyrtur við þá.

Junior Zé býr sér til pláss við teiginn og lætur vaða. Hittir ekki markið og er það vel.

Chipperfield með skot úr teignum eftir langa sóknarlotu Sviss. Boltinn af varnarmanni og í horn.

Alltof kærulaus með boltann undir pressu í eigin teig og setur boltann beint á Junior Zé. Hann bætir þó upp fyrir það með það að vera klár í að mæta Zé og verja frá honum úr úrvalsfæri.

Hlynur Freyr með hörkuskot úr spyrnunni sem stefnir í hornið en Silas Huber nær að slá boltann í horn.

Helgi Fróði sækir aukaspyrnu á ágætum stað.

Franz-Ethan Meichtry í dauðafæri af markteigshorni en setur boltann víðsfjarri markinu. Skiptir reyndar engu því hann var augljóslega rangstæður og hefði aldrei talið. En hann hitti ekki markið og það sest á sálinu.

Íslenska liðið stigið ofar á völlinn frá því í fyrri hálfleik og eru að ná upp fínum pressuköflum. Lítið að gerast á vellinum þó

Þung sókn Íslands sem þrýsta heimamönnum djúpt inn á eigin teig. Tekst þó ekki að gera sér mat úr því og heimamenn hreinsa að lokum.

Heimamenn rúlla þessu af stað á ný.

Fínasti fyrri hálfleikur hjá Íslandi í Sviss að baki. Þetta heimalið er alls ekki að heilla mig á þessum fyrstu 45 og með ögn meiri áræðni og krafti er dauðafæri á að hreinlega vinna þennan leik.

Tómas Orra hent niður úti við hliðarlínu og lendir illa á steyptum kanti. Algjör óþarfi hjá Svisslendingnum enda hitnar all verulega í kolunum. Sá serbneski tekur einhvern fund en ekkert er að gert.

Marc Giger brotlegur í teig Íslands eftir hættulega sókn Sviss. Boltinn fyrir markið frá hægri en Giger með fótinn hátt og beint í andlit varnarmanns. Ekki mikil snerting en nóg þó til að mér finnst hann heppinn að sleppa með spjald.

Hættulegur bolti fyrir mark Sviss frá vinstri. Róbert Frosti mættur á fjær en varnarmaður fyrstur á boltann og skilar honum í horn. Það sér Serbinn samt ekki og gefur Sviss markspyrnu.

Marc Giger með spyrnuna en setur boltann yfir markið.

Logi Hrafn brotlegur nánast á vítateigslínu vinstra megin við D-bogann

Roggerio Nyakossi galopinn á fjærstöng eftir hornspyrnu frá vinstri. Aleinn nánast inn í markinu þegar boltinn berst á hausinn á honum en hann hittir ekki markið. Stálheppnir þarna.

Alessandro Vogt reynir skot frá vinstra vítateigshorni en setur boltann vel yfir.

Völlurinn virkar grjótharður og skoppar boltinn á grasinu líkt og um steinsteyptan völl væri að ræða. Erfitt að vigta sendingar við slíkar aðstæður.

Ísland skallar boltann frá eftir horn og Benóný fyrstur á boltann. Hann keyrir upp völlinn í átt að marki Sviss með 3 á eftir sér. Kemst inn á teiginn en er búinn að þrengja skotvinkilinn um of og nær ekki að hitta markið fyrir vikið. Góð skyndisókn þó.

Athekame með skot sem Lukas heldur ekki. Boltinn út í teiginn aftur en Logi Hrafn fyrstur á boltann og hreinsar frá.

Tómas Orri reynir skot af löngu færi en hittir ekki á markið. Af um 30 metrum en fær engan á móti sér og um að gera að reyna.

Chipperfield með lúmska tilraun úr aukaspyrnu utan af væng. Lukas gerir vel í að verja boltann og Ísland kemur boltanum í horn.

Bung Meng Freimann með skelfilegt innkast til baka á markmann. Missir boltann sem drífur varla hálfa leið á Silas í markinu. Benóný kemst á milli og reynir að lyfta boltanum yfir Silas í marki Sviss sem er í einskinsmannslandi en hittir ekki markið. Svona stöður þurfum við að nýta

Chipperfield reynir skot að marki eftir langt innkast frá vinstri. Slæsar boltann allsvakalega sem svífur hátt yfir mark Íslands

Franz-Ethan Meichtry með fasta fyrirgjöf frá hægri inn á teig Íslands. Lukas við öllu búinn og grípur boltann af öryggi.

Silas Huber markvörður Sviss er mjög áhættusækin í markinu. Hikar ekki við að vaða langt út úr markinu þó hann sé undir pressu og er að taka sénsa. Væri frábært að sjá eins og ein mistök frá honum sem við gætum nýtt okkur.

Marc Giger tvívegis í prýðisstöðu í teig Íslands í sömu sókninni. Fær góðar fyrirgjafir fyrir markið en skorti áræðni í að ráðast af krafti á boltann. Sem er vel fyrir okkur.

Franz-Ethan Meichtry i skotfæri í teignum eftir hornið en boltinn af varnarmanni og aftur í horn.

Sviss sækir fyrstu hornspyrnu leiksins.

Lagleg skyndisókn Íslands. Boltinn innfyrir á Benóný Breka. Silas í marki Sviss mætir út í tæpt úthlaup og rétt nær snertingu á boltann áður en hann fer í Benóný.

Ólafur Ingi Skúlason, þjálfari íslenska liðsins, er búinn að velja byrjunarliðið sitt og má sjá það fyrir neðan. Hann gerir fimm breytingar á liðinu sem gerði jafntefli í Eistlandi í síðasta mánuði. Inn í liðið koma þeir Tómas Orri Róbertsson, Logi Hrafn Róbertsson, Nóel Atli Arnórsson, Helgi Fróði Ingason og Haukur Andri Haraldsson. Ágúst Orri Þorsteinsson er meiddur, Júlíus Mar Júlíusson er í leikbanni og þeir Kjartan Már Kjartansson, Jóhannes Kristinn Bjarnason og Hilmir Rafn Mikaelsson taka sér sæti á bekknum. Ágúst Orri dró sig úr hópnum í vikunni og í hans stað kemur Ómar Björn Stefánsson úr ÍA inn í hópinn og byrjar meðal varamanna.

Jökull Elísabetarson þjálfari Stjörnunar í Bestu deild karla var svekktur að sjá ekki Guðmund Baldvin Nökkvason lærisvein sinn í hópnum á dögunum en hann var með liðinu í síðasta glugga.

   04.10.2025 23:15

Jökull: Mjög erfitt að rökstyðja af hverju hann er ekki í U21

„Held það sé mjög erfitt að rökstyðja það. Hann er búin að vera einn besti miðjumaðurinn í deildinni í allt sumar. Þannig það hljóta að vera einhverjar góðar ástæður fyrir því".

Fótbolti.net ræddi við Ólaf Inga Skúlason, þjálfara U21 landsliðsins, fyrir komandi verkefni.

   02.10.2025 16:30

Uppskeran eitt stig eftir fyrstu tvo leikina - „Fengum á okkur fjögur skot á markið og þrjú af þeim fóru inn“

„Við erum náttúrulega ekki ánægðir með uppskeruna í síðasta glugga en erum bjartsýnir fyrir komandi verkefni. Þetta eru tvö hörkulið sem við mætum Sviss og Lúxemborg.“ „Sviss er hörkulið, unnu Eistana í sínum fyrsta leik í riðlinum. Vel spilandi og gott lið eins og við mátti búast. Lúxemborg átti keimlíkan leik og við gegn Færeyjum, þar sem þeir voru töluvert betri aðilinn í leiknum en Færeyingarnir unnu.“ Frammistaðan í síðasta glugga „Við erum búnir að horfa aftur á leikina í síðasta glugga og það var margt mjög gott. Allir tölfræðiþættir voru okkur í hag, en það skiptir ekki máli. Það skiptir máli að ná úrslitum. Við erum búnir að fá á okkur fjögur skot á markið og þrjú af þeim fóru inn. Okkur hefur verið refsað fyrir mistök og við þurfum að fækka þeim og taka sénsana þegar þeir gefast.“

Frá síðasta verkefni eru nokkrar breytingar: Galdur Guðmundsson verður ekki með í lekjunum vegna meiðsla og Guðmundur Baldvin Nökkvason er ekki með. Inn koma þeir Haukur Andri Haraldsson og Framararnir Freyr Sigurðsson og Þorri Stefán Þorbjörnsson. Júlíus Mar Júlíusson tekur út leikbann í leiknum gegn Sviss og kemur svo inn í hópinn fyrir leikinn gegn Lúxemborg ásamt þeim Arnari Daða Jóhannessyni og Ómari Birni Stefánssyni. Lúkas J. Blöndal Petersson - TSG 1899 Hoffenheim Halldór Snær Georgsson - KR Logi Hrafn Róbertsson - NK Istra Hilmir Rafn Mikaelsson - Viking FK Hlynur Freyr Karlsson - IF Brommapojkarna Eggert Aron Guðmundsson - SK Brann Benoný Breki Andrésson - Stockport County F.C. Ágúst Orri Þorsteinsson - Breiðablik Helgi Fróði Ingason - Helmond Sport Jóhannes Kristinn Bjarnason - Kolding IF Róbert Frosti Þorkelsson - GAIS Hinrik Harðarson - Odds BK Baldur Kári Helgason - FH Haukur Andri Haraldsson - ÍA Kjartan Már Kjartansson - Aberdeen FC Tómas Orri Róbertsson - FH Ásgeir Helgi Orrason - Breiðablik Nóel Atli Arnórsson - AaB Fodbold Freyr Sigurðsson - Fram Þorri Stefán Þorbjörnsson - Fram

Það má segja að byrjun íslenska liðsins í þessari undankeppni hafi valdið vonbrigðum. 1 stig úr fyrstu tveimur leikjum liðsins gegn andstæðingum sem fyrirfram voru talin lökustu lið riðilsins er uppskeran. Liðið hóf keppnina á því að tapa á heimavelli gegn spræku liði Færeyja 2-1. Ísland var mun meira með boltann í leiknum en fann ekki leiðir framhjá skipulögðu og kraftmiklu færeysku liði sem hélt heim á leið með 3 góð stig. Staðráðnir í að bæta upp fyrir slakan fyrsta leik mætti liðið til Tallinn í Eistlandi til leiks við heimamenn næst. Eftir rólega byrjun á leiknum fór allt á versta veg fyrir Ísland eftir þegar skammt var eftir af fyrri hálfleik. Júlíus Mar Júlíusson fékk þá að líta sitt annað gula spjald og þar með rautt eftir brot við vítateig Íslands. Til að bæta gráu ofan á svart þá skoruðu Eistar beint úr aukaspyrnunni og leiddu í hálfleik. Þegar um 3 mínútur voru eftir að venjulegum leiktíma og allt stefndi í sigur Eista bjargaði Benóný Andrésson þó stigi fyrir Ísland með góðu marki og tryggði liðinu sitt fyrsta stig í riðlinum.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Sviss og Íslands í undankeppni EM U-21 liða. Flautað verður til leiks á Svosspoarena í Lucern klukkan 16:45 að íslenskum tíma.