Ótrúlegt en satt þá dugðu þrjú mörk ekki til í að ná að minnsta kosti í jafntefli hér í dag. Varnarleikur íslenska liðsins ekki til framdráttar. Frekari umfjöllun væntanleg.

Logi gerir vel og kemur með lúmska fyrirgjöf sem fer af varnarmanni og í horn.

Að fá fimm mörk á sig á heimavelli gegn Úkraínu er bara alls ekki boðlegt og bara sama gegn hvaða liði það er!
Grátlegt að missa þetta aftur niður eftir að hafa komið svona sterkir til baka.
Líklegast eini leikurinn sem mátti alls ekki tapast.
Klárum ???????? á mánudaginn.

— Orri Rafn Sigurdarson (@OrriRafn) October 10, 2025

6 skot á mark.
5 mörk.
Sú vörnin!!! ????#fotboltinet

— ParmaCalcio1913 -ISL ???????? (@ParmaIceland) October 10, 2025

Gísli Gotti með hörkuskot á markið en varnarmaður Úkraínu ver á línu.

Erum alltof fokking kærulausir. Bara hættum að spila í 3-3 #fotboltinet

— Guðmundur Auðun (@GummiAudun) October 10, 2025

Mikael Egill með stórhættulega fyrirgjöf sem Trubin rétt nær fingrunum í. Vantaði bara íslenskan sóknarmann til að reka tánna í þetta!

Gísli Gotti, Mikael Neville og Brynjólfur Willumsson gera sig klára í að koma inn á.

Úkraína fær hornspyrnu en Ísland kemur boltanum frá.

Dovbyk með þrumuskot í utanvert hliðarnetið og flaggaður rangstæður í kjölfarið.

VAMOS ALBERT

— Bomban (@BombaGunni) October 10, 2025

Ísland í góðri sókn, boltinn á Guðlaug Victor sem gefur fyrir en Trubin handsamar fyrirgjöfina.

Logi gerir vel, keyrir upp vinstri kantinn og kemur með hættulega fyrirgjöf en Úkraína skallar frá.

Hutsuliak með skalla rétt framhjá íslenska markinu.

Ísland fær hornspyrnu, Albert tekur en boltinn í gegnum pakkann og aftur fyrir. Þjóðverjinn dæmir svo aukaspyrnu á Guðlaug Victor sem hefur átt betri leiki.

Úkraína fær sínu fyrstu hornspyrnu, taka sér dágóðan tíma í að taka hana og Ísland kemur boltanum frá, loks þegar boltinn kemur í teiginn.

Ísland sækir hratt, boltinn á Jón Dag sem á arfaslaka fyrirgjöf sem fer aftur fyrir endalínu, boltinn í úkraínska markspyrnu.

Úkraína keyrir í skyndisókn, Vanat kemur boltanum á Voloshyn sem er einn gegn Elíasi í þröngri stöðu og lætur vaða en Elías lokar vel og ver. Íslenska liðið berskjaldað fyrir skyndisóknum.

Gestirnir hefja þennan síðari hálfleik.

Um leið og liðið er talað upp og hæpað… þá skíta þeir. Íslenska leiðin ??????????

Vonandi sokkaður í seinni ????????#fotboltinet

— Sindri Már Stefánsson (@sindrimarstef) October 10, 2025

Þessi varnarleikur í báðum mörkum Úkraínumanna hreinasta hörmung. Betur má ef duga skal. Megum ekki tapa þessum leik.

— Guðmundur Hilmarsson (@GummiHilmars) October 10, 2025

Með boltann: 61% - 39% Marktilraunir: 5-3 Hornspyrnur: 2-0 Heppnaðar sendingar: 278-132 Rangstöður: 1-1

Ég var létt að grínast hérna. Hinsvegar koma öll mörkin út frá því að Úkraínu menn sækja upp vinstri vænginn.
Við verðum að vera sterkari varnarlega en mér finnst Gulli og Sverrir hafa verið vel slakir í dag því miður #uppadekk https://t.co/pRD5b4fou9

— Orri Rafn Sigurdarson (@OrriRafn) October 10, 2025

From hero to zero.

— Kristján Óli Sigurðsson (@kristjanoli) October 10, 2025

+5 Þjóðverjinn flautar til hálfleiks. Skelfilegar mínútur íslenska liðsins hér í lok fyrri hálfleiks. Heilt yfir hefur íslenska liðið ógnað meira en klaufagangur og lélegur varnarleikur hefur orðið okkur að falli í þessum fyrri hálfleik.

What????
Hversu klaufalegt var þetta???#fotboltinet

— ParmaCalcio1913 -ISL ???????? (@ParmaIceland) October 10, 2025

Ísak tekur horn sem fer á fjær, Andri er í baráttunni en það er ríghaldið í treyjuna á honum allan tímann. Boltinn fer þó til baka inn í teig þar sem Sverrir nær skallanum en framhjá.

Albert með frábæra sendingu á Guðlaug Victor sem er í frábærri skotsöðu í teignum en hann gefur fyrir og Úkraína hreinsar.

Mikael Egill horfir til himins og sendir kveðju á afa sinn sem lést fyrir nokkrum dögum. Hjartnæmt og fallegt ?? #FotboltiNet

— Maggi Peran (@maggiperan) October 10, 2025

Mikael Egill........ ég hef gagnrýnt hann 1x,2x og eflaust 3x. Það er svo sætt að hafa rangt fyrir sér. #fotboltinet

— Sverrir Ö Einarsson (@SEinarsson) October 10, 2025

Ísak Bergmann tekur hornið, Úkraína skallar frá en Ísland heldur í boltann.

Gott spil íslenska liðsins endar með skoti frá Sævari Atla sem fer í varnarmann og í hornspyrnu.

Sudakov liggur niðri og fær aðhlynningu, leikurinn stöðvaður í stutta stund.

Albert Guðmundsson fær sendingu inn fyrir, gerir vel og kemur sér langt inn í teiginn þegar hann þrumar boltanum í þverslána. Færin gerast varla betri!

Arnar Gunnlaugsson make the call?? pic.twitter.com/Zi6bfZ1aUd

— Orri Rafn Sigurdarson (@OrriRafn) October 10, 2025

Sævar Atli gerir vel og étur Zabarnyi, varnarmann PSG, en Þjóðverjinn á flautunni dæmir aukaspyrnu.

Úkraína gefur bolta inn fyrir beint á Daníel Leó en hann rennur. Sudakov sleppur í gegn en íslenska liðið fljótt að skila sér og sá úkraínski á slæma fyrirgjöf sem Elías handsamar. Þetta hefði getað endað mun verr.

Ísland fær aukaspyrnu af 25-30 metra færi, Ísak Bergmann gefur fyrir en Úkraínumenn skalla frá og fá aukaspyrnu í kjölfarið.

Tólfan stýrir hinu sívinsæla Víkingaklappi!

Úkraína fær aukaspyrnu í fyrirgjafastöðu. Þeir gefa fyrir en sendingin yfir allan pakkann og í markspyrnu!

ísak Bergmann með skot rétt framhjá eftir laglegt spil íslenska liðsins.

Ísak Bergmann með fyrirgjöf sem Trubin handsamar auðveldlega.

Andri Lucas á upphafsspyrnu leiksins!

Liðin ganga til vallar, leikmenn Úkraínu bera fána landsins á herðum sér og stuðningsmenn klappa fyrir liðunum. Við hlýðum á þjóðsöngva landanna.

Ef þið merkið X póstana ykkar undir myllumerkinu #fotboltinet gæti verið að þau komi fyrir í textalýsingunni okkar. Endilega látið heyra hvað ykkur finnst á meðan leikurinn stendur yfir.

Stuðningsmenn bíða í röðum eftir að komast inn á völlinn, fljóðljósin skína sínu skærasta og léttur úði hér í Laugardalnum.

„Ég hef hrifist af Sævari í vetur. Mikill kraftur. Daníel Tristan gerði mjög vel á móti Frakklandi, bara öðruvísi prófíll af leikmanni. Við eigum hann og fleiri góða inni á bekknum. Við þurfum áræðni, kraft og dugnað, mikið sjálfstraust í kvöld. Hans [Sævars] kraftur mun líka smita inn í stúkuna til stuðningsmanna og við þurfum orku frá áhorfendum í kvöld til að fara alla leið. Þetta er erfitt verkefni og hann mun hjálpa okkur mikið,“ sagði Arnar Gunnlaugsson í viðtali við Sýn fyrir leik.

Valur Gunnarsson sérfræðingur Fótbolta.net er spenntur fyrir landsleik Íslands og Úkraínu í kvöld. Hann var á Ölveri þar sem Arnar Gunnlaugsson tilkynnti byrjunarliðið og lýst vel á uppstillinguna. Sævar Atli Magnússon kemur inn og er það líklegast stærsta fréttin í byrjunarliðinu. Sævar hefur farið með himinskautum með norska liðinu Brann. „Þetta er spennandi. Hann er líklega heitasti leikmaðurinn okkar í félagsliðabolta. Sævar er taktískt sterkur, góður í pressu og varnarlega," segir Valur. Ísak Bergmann og Hákon Arnar eru saman á miðjunni. Orkumikil tvenna. „Þetta er spennandi þetta er létt miðja en tveir gaurar sem eiga að geta hlaupið og barist endalaust. Arnar vill hafa það þannig í heimaleikjunum." Valur segist skynja góða stemingu meðal íslensku þjóðarinnar en mun fleiri voru á Ölveri fyrr leikinn en fyrir leikinn gegn Aserbaídsjan. Sjáðu spjallið við Val í heild hér:

   10.10.2025 17:47

Valur Gunnars: Tveir gaurar sem geta barist og hlaupið endalaust

Miðað við stuðla veðbanka er búist við afar jöfnum og spennandi leik á Laugardalsvelli í kvöld þegar Ísland og Úkraína mætast í undankeppni HM. Veðbankar telja líklegast að Úkraína fagni sigri en Epicbet er með 2,97 á íslenskan sigur en 2,52 á að gestirnir vinni leikinn. Stuðullinn á jafntefli er 3,28. Íslenska þjóðin er spennt fyrir leiknum og hefur mikla trú á íslenskum sigri samkvæmt skoðanakönnun sem hefur verið á forsíðu Fótbolta.net. Um 69% spá því að Ísland vinni, um 18% spá jafntefli og aðeins um 14% spá því að Úkraína vinni. Samkvæmt Transfermarkt er hópur gestanna fjórfalt verðmætari en sá íslenski. Úkraínski hópurinn er metinn á 297 milljónir evra og þar af er Ilya Zabarnyi, varnarmaður PSG, metinn á 55 milljónir evra. Allur leikmannahópur Íslands er metinn á 78 milljónir evra.

„Ef við vinnum erum við komnir í mjög vænlega stöðu og mjög góða stöðu gagnvart Úkraínu. Ég held að allir geti séð að baráttan um annað sætið er á milli okkar og Úkraínu. Þótt við berum virðingu fyrir Aserbaísjan eru þeir held ég ekki nógu sterkir til að blanda sér í þá baráttu. Þannig við getum eyðilagt drauma Úkraínu,“ sagði Arnar Gunnlaugsson á fréttamannafundi. Hann var því næst spurður um hvernig hann velur leikkerfi Íslands. Gegn Aserbaídsjan lék liðið í 4-3-3 leikkerfinu en gegn Frökkum 4-4-2. „Það fer eftir styrkleika andstæðinganna, hvað við þurfum að gera. Á móti Aserbaídsjan vorum við að stýra leiknum, á móti Frökkum þurftum við að vera sterkari í varnarleiknum og þjást meira. Á móti Úkraínu verður þetta bland í poka.“ „Ég skil stundum ekki hvernig þessir strákar ná að meðtaka allar þessar upplýsingar sem við hendum í þá. En þeir eru vanir svona frá félagsliðunum, þetta eru elítuleikmenn. Þessi leikkerfi í dag eru margslungin, þetta er ekki eins og í gamla daga þar sem 4-4-2 voru 4-4-2. Eina sem ég get sagt er að við þurfum að vera sterkir í öllum föstum leiksins. Þannig er alvöru lið og þannig er alvöru fótbolti.“

   09.10.2025 14:15

Getum eyðilagt drauma Úkraínu - „Megum ekki vera klaufalegir eða heimskir“

„Ég er búinn að bíða eftir þessum glugga frá því þeim síðasta lauk. Ég hef aldrei verið svona spenntur fyrir landsliðsverkefni," segir Ísak Bergmann Jóhannesson í samtali við Fótbolta.net. Síðasti gluggi var mjög góður og margt jákvætt sem hægt var að taka úr honum. Þjóðin tók við sér eftir það og er uppselt á báða leikina sem framundan eru. „Við ætlum okkur á HM og ætlum að gera allt til þess að ná því markmiði. Það er geggjað að fá fólkið með okkur í þá vegferð. Síðasti gluggi var mjög góður og við ætlum að byggja ofan á það," segir Ísak.

   08.10.2025 17:03

Ísak Bergmann: Maður þarf stundum að klípa sig

Sævar Atli Magnússon, leikmaður Brann og íslenska landsliðsins, segir að leikmenn finni vel fyrir auknum áhuga og stuðningi frá þjóðinni. „Skemmtilegustu gluggarnir eru þegar það eru tveir heimaleikir í röð og við þurfum ekki að ferðast neitt, vera bara á Íslandi. Tveir mikilvægir leikir og uppselt á þá báða. Þetta gæti eiginlega ekki verið betra," segir Sævar. Hann segir að það gefi liðinu mikið að það sé uppselt. „Það var síðast uppselt þegar Ronaldo mætti. Það er mikilvægt að það sé uppselt á Úkraínuleikinn. Það er stórleikur og fólk finnur fyrir því. Við finnum fyrir því að áhuginn á liðinu er orðinn miklu meiri og það er geðveikt fyrir okkur. Við getum ekki beðið eftir því að spila." Erum að þróa eitthvað og erum að verða betri Ísland er í öðru sæti riðilsins en það mun gefa þátttökurétt í umspili fyrir HM. „Fólk sér að það er eitthvað í gangi, við erum að þróa eitthvað og erum að verða betri í því sem við erum að æfa okkur í. Eins og sást í síðasta glugga þar sem við vorum nálægt því að fá stig gegn Frökkum. Áhuginn á Íslandi á að vera mikill og það er líka undir okkur komið að spila vel," segir Sævar. Úkraína ætlar sér annað sætið í riðlinum. Hvernig mun leikurinn í kvöld þróast? „Þeir munu örugglega koma rólega inn í þetta og sjá hvernig við munum spila, það verða örugglega þreifingar fyrst en svo er þetta mjög mikilvægur leikur. Ég held að þetta verði góður leikur, völlurinn er orðinn mjög góður og hægt að spila flottan fótbolta. Ég býst við hörkuleik." Í viðtalinu, sem má sjá hér að neðan, tjáir Sævar sig einnig um leikinn gegn Frökkum og segir ljóst að það verði ekkert vanmat í þeim eftir leikinn gegn Íslandi í París í síðasta glugga.

   07.10.2025 15:20

Kallaður Evrópu-Sævar í Bergen - „Segja að ég spili best undir Freysa“

Sven Jablonski, dómari úr þýsku Bundesligunni, mun dæma leikinn í kvöld. Jablonski var með flautuna þegar Ísland sigraði Svartfjallaland á útivelli 2-0 í Þjóðadeildinni í fyrra en Orri Steinn Óskarsson og Ísak Bergmann Jóhannesson skoruðu mörkin. Jablonski er einn fremsti dómari Þýskalands og fékk til dæmis það verkefni að dæma leik Dortmund og Bayern München á síðasta tímabili. Hann verður með sömu aðstoðardómara með sér og í Svartfjallalandi; Lasse Koslowski og Eduard Beitinger. Fjórði dómari verður svo Florian Badstübner og Benjamin Brand verður VAR dómari.

Ísland mætir Úkraínu í kvöld og svo Frakklandi á mánudaginn í undankeppni HM. Báðir leikirnir eru á Laugardalsvelli og uppselt á þá. Ísland er í öðru sæti riðilsins sem stendur en það sæti gefur umspilssæti fyrir HM.