SKÝRSLAN: Afturelding fallið eftir tap í frystikistunni á Akranesi
Hvað réði úrslitum?
Það sem réði úrslitum í dag var hreinlega bara það að ÍA náði að nýta einu fleira færi en Afturelding. Bæði lið hefðu hæglega getað sett boltann oftar í netið en leikmenn voru að koma sér í góðar stöður báðum megin á vellinum.
Bestu leikmenn
1. Gabríel Snær Gunnarsson
Markaskorarinn fær þennan titil í dag, skoraði frábært mark eftir flotta stungu frá Hauki. Hann var flottur í leiknum í dag, ungur leikmaður sem er skapandi og góður að koma sér í flottar stöður. Verður gaman að fylgjast með honum í Bestu deildinni að ári.
2. Rúnar Már Sigurjónsson
Nokkrir sem gera tilkall hér í dag, Gísli Laxdal, Ómar og Johannes voru allir flottir en fyrirliðinn Rúnar Már var eins og hertogi í vörninni hjá ÍA. Stjórnaði vörninni og liðinu vel og átti sinn þátt í að liðið hélt hreinu í dag.
Atvikið
Set þetta á fyrsta markið í leiknum. Haukur átti frábæra stungusendingu í gegn á Gabríel Snæ sem kláraði örugglega með því að setja boltann í fjærhornið framhá Jökli í markinu. Afturelding hafði mínúturnar á undan verið að fá miklu hættulegri færi og voru í raun frekar líklegri til að skora en ÍA.
Hvað þýða úrslitin?
Úrslitin þýða það einfaldlega að ÍA sigrar síðasta leikinn á tímabilinu 1-0 og enda í 2. sæti neðrihlutans með 34 stig. Afturelding hins vegar eru fallnir úr deild þeirra Bestu.
Vondur dagur
Enginn sem átti sérstaklega slæman dag hvað varðar spilamennsku en verður að segjast vondur dagur bara hjá leikmönnum, þjálfurum og stuðningsmönnum Aftureldingar.
Dómarinn - 5
Þokkalegur leikur hjá dómarateyminu í dag, fannst hann flauta full oft á soft brot sem hægði alltof mikið á leiknum. Leikurinn mátti alls ekki við því þar sem leikurinn var stoppaður svona 20x þar sem boltinn fór í loftið sem auðvitað má ekki inn í höllunum...