Alexander Tonini @fotboltinet

- Meðalaldur 27 ár

Textalýsing Skýrslan Viðtöl

Hvað réði úrslitum? Jafn fyrri hálfleikur á Hlíðarenda í dag en í þeim seinni voru Valsmenn betri og áttu sigurinn á endanum skilið. ÍBV var aldrei nálægt því að jafna og ef eitthvað er þá munaði engu að Lúkas Logi hefði bætt við þriðja markinu. Bestu leikmenn 1. Lúkas Logi Heimisson Var virkilega öflugur á miðjunni í dag og gæðin sáust langar leiðir. Einstaklega góð afgreiðsla líka til að jafna leikinn þegar hann platar tvo varnarmenn ÍBV og Marcel með sömu snertingu. 2. Hólmar Örn Eyjólfsson og Adam Ægir Pálsson Var öflugur í vörn liðsins og skoraði sigurmarkið. Manni leið aldrei eins og ÍBV var að fara að jafna leikinn. Valið var hins vegar erfitt á milli hans og Adams Ægis sem var líka mjög öflugur á miðjunni og átti margar góðar fyrirgjafir og sendingar. Þannig að ég ætla að velja þá báða. Atvikið Atvik dagsins er klárlega sigurmark Valsmanna, þegar Dagur Orri og Tryggvi voru báðir með dauðafæri í sömu sókn en inn vildi boltinn ekki. En Valur fékk þó hornspyrnu sem Adam Pálsson tók og sendi boltann beint á kollinn á Hólmari Erni og reyndist það sigurmarkið.

Hvað þýða úrslitin? Valur tekur sín fyrstu stig á tímabilinu og Hemmi sýndi það að góð frammistaða getur líka skilað þremur stigum í hús. Fyrir Eyjamenn þá þurfa þeir því miður að sigla frá Þorlákshöfn ( löngu leiðina ) án stiga sem verður að teljast súr föstudagur. Vondur dagur Bjarki Björn Gunnarsson fær þennan titil og það alls ekki vegna þess að hann var lélegur í þessum leik heldur vegna þess hversu oft var brotið á honum. Ég man ekki eftir leik þar sem einn og sami leikmaðurinn hafi þurft aðhlynningu fjórum sinnum en það varð raunin. Leiðinlegast atvikið verður þó að teljast vera þrumuskotið frá Jakobi utan af velli sem var aldrei að fara að rata í netið fer í staðinn beint í andlitið á Bjarka. Þetta minnti mann smá á það sem Michael Jordan upplifði eftir Detroit Pistons leik í gamla daga. Dómarinn - 8 Góð frammistaða hjá Sigurði hér í kvöld. Man eftir einu atviki þegar hann dæmi brot á Myles sem ég var ósammála en að öðru leiti hafði hann góða stjórn á leiknum. Betri frammistaða en í síðast leik það er alveg á hreinu

- Meðalaldur 25 ár