Daníel Smári Magnússon @danielmagg77

- Meðalaldur 26 ár

Textalýsing Skýrslan

Hvað réði úrslitum? Víkingar refsuðu KA mönnum fyrir að nýta ekki sín upphlaup og Daníel Hafsteinsson var fljótur að hugsa þegar hann setti Valdimar í gegn á móti Steinþóri þegar að markmaðurinn stæðilegi tók hann niður. Eftir vítaspyrnu Gylfa virtist aldrei spurning hvoru megin sigurinn myndi lenda, en leikurinn var baráttumikill og sigurinn að mörgu leyti torsóttur fyrir Íslandsmeistarana. Bestu leikmenn 1. Valdimar Þór Ingimundarson (Víkingur R.) Var virkilega sprækur og gerði vel í að vinna vítið fyrir gestina. 2. Kári Gautason (KA) Kom inná fyrir meiddan Birgi Baldvinsson og var bæði flottur á boltanum og tapaði varla návígi. Atvikið Vítaspyrnudómurinn. KA menn voru ekki par sáttir með Gunnar dómara og fékk Steinþór gult spjald fyrir sín mótmæli. Hallgrímur Jónasson setti einnig smá spurningamerki við "fair play" faktorinn í því að stinga boltanum inn fyrir eftir að boltanum hafði verið sleppt vegna meiðsla Steinþórs.

Hvað þýða úrslitin? Víkingar eru með 4 stig eftir fyrstu tvo leikina og geta nokkuð vel við unað með þá uppskeru. Þeir eiga eftir að spila talsvert betur en þeir gerðu í kvöld og þá er voðinn vís fyrir verðandi andstæðinga Íslandsmeistaranna. Uppskera KA eftir fyrstu tvo leiki Bestu-deildarinnar er 0 stig, en undirrituðum finnst leikur liðsins gefa ástæðu til talsvert meiri bjartsýni en undanfarin ár. Vondur dagur Danijel Djuric virtist á köflum þrá alltof mikið að standa sig vel í kvöld. Hékk stundum of mikið á boltanum og ákvarðanatökunni var oft ábótavant. Hann átti þó fína spretti og og var sýnilegur í leik KA þegar liðið hafði boltann. Dómarinn - 5 Bara allt í lagi í dag.

- Meðalaldur 29 ár