Ívar Björgvinsson @

- Meðalaldur 24 ár

- Meðalaldur 20 ár

Textalýsing Skýrslan

Hvað réði úrslitum? Mosfellingar voru 0 - 2 yfir í hálfleik þrátt fyrir að hafa verið heldur daprir. Grindvíkingar spiluðu betur í fyrri hálfleiknum en klaufagangur í varnarleik veldur því að Afturelding skorar tvö nokkuð ódýr mörk. Að lokum er þriðja mark Mosfellinga einstaklingsmistök í öftustu línu heimamanna og eftir það var lítið sem Grindavík gerði. Heilt yfir voru það mistök Grindvíkinga sem réðu úrslitum. Bestu leikmenn 1. Bart Kooistra Fráber frammistaða hjá Hollendingnum sem var mikið í boltanum. Átti margar frábærar sendingar inn fyrir vörn heimamanna og skapaði mörg góð færi fyrir liðsfélaga sína. Grindvíkingar réðu ekkert við hann og er hann verðskuldað valinn maður leiksins. 2. Aron Elí Sævarsson Fyrirliðinn ávallt afar öruggur á boltanum og átti margar góðar sendingar í uppspili Aftureldingar og sá um að stjórna vörn gestanna. Atvikið Þriðja mark Aftureldingar kemur á mikilvægum tíma í síðari hálfleik og gerir í raun út um leikinn. Grindvíkingar sáu aldrei til sólar eftir það og eftirleikurinn varð nokkuð þægilegur fyrir Mosfellinga.

Hvað þýða úrslitin? Með þessum sigri er Afturelding að stimpla sig rækilega inn í þessa hörðu baráttu um toppsætið á meðan Grindvíkingar sitja um miðja deild eftir umferðina. Mosfellingar sitja í öðru sæti á eftir Fylkismönnum og er einmitt næsti leikur þeirra heima gegn Fylki sem er sannkallaður toppslagur. Vondur dagur Það er í raun bara varnarlína Grindvíkinga. Voru búnir að fá á sig fjögur mörk í fyrstu fimm leikjunum en fá á sig þrjú hér í dag og öll voru þau í ódýrari kantinum. Misheppnaðar sendingar og sofandaháttur inni í teig gerir út um leikinn. Dómarinn - 8 Róbert Þór var með góð tök á leiknum, leyfði honum að fljóta vel en spjaldaði menn þegar það átti við.

- Meðalaldur 25 ár

- Meðalaldur 21 ár