Elfar Árni átti fínan skalla en Ómar í markinu varði vel. Þorfinnur dómari flautar svo leikinn af. Góður sigur Þorlákshafninganna.

Bjarki Fannar fær gott færi. Steinþór leggur boltann út á Bjarka sem skýtur yfir úr góðu færi. Þarna hefðu heimamenn getað sett spennu í þetta.

Heimamenn liggja á gestunum þessa stundina. Fengu fjórar hornspyrnur í röð en Ægismenn ná að verjast þeim öllum frekar auðveldlega.

Völsungar fá hornspyrnu sem Arnar Pálmi tekur, Xabier flikkar boltanum áfram á nærstönginni og boltinn lekur framhjá markinu. Vantaði bara eina litla snertingu til að koma boltanum yfir línuna.

Steinþór fær boltann í teignum í fínustu stöðu en varnarmaður Ægis nær að komast í boltann á síðustu stundu.

Elfar Árni nálægt því. Fín fyrirgjöf og Elfar hársbreidd frá því að ná til boltans en aftur fyrir svífur hann.

Völsungar halda áfram að pressa. Fá tvær hornspyrnur strax í upphafi seinni hálfleiksins en ekkert kemur þó úr þeim.

Seinni hálfleikur er hafinn.

Ægismenn leiða með tveimur mörkum í hálfleik. Sanngjörn forysta hjá gestunum en heimamenn hafa þó vaknað til lífsins hér í lok hálfleiksins.
Nú fáum við okkur bestu borgara landsins hjá þeim félögum Fannari og Linda og komum svo aftur eftir korter.

Aftur skallar Elmar Örn rétt yfir eftir hornspyrnu.

Nú fær gestur færi. Völsungar eru aðeins að færa sig uppá skaftið. Gestur í fínni stöðu inní teig en skot hans beint á Ómar í markinu.

Arnar Pálmi skýtur rétt yfir. Fyrirliði Völsungs keyrir upp völlinn og lætur vaða rétt fyrir utan teig en skot hans flýgur rétt yfir.

Það er lítið um færi en heimamenn fá ágætisfæri eftir hornspyrnu. Elmar skallar rétt framhjá.

Aftur eru heimamenn nálægt því að minnka muninn. Mbye er í fínni stöðu rétt innan við teig en skot hans er ekki nógu gott og fer yfir markið.

Eftir darraðadans í teignum berst boltinn á Jordan Adeyemo sem er í dauðafæri en Stefán ver frábærlega frá honum.

Heimamenn nálægt því að minnka muninn. Arnar Pálmi gefur fyrir úr aukaspyrnu á Xabier sem skýtur í stöngina.

Það er mikið jafnræði með liðunum hér fyrstu mínúturnar. Lítið að gerast meðan liðin þreifa fyrir sér.

Fyrstu marktilraun leiksins eiga heimamenn. Gestur á fínasta skot rétt fyrir utan teig en Ómar ver án vandræða.

Þorfinnur dómari flautar í flautu sína og leikurinn er hafinn.

Það er allt að verða klárt hér á GPG-vellinum. Byrjunarliðin eru klár og má sjá þau hér til hliðar. Þetta er svokallaður 6 stiga leikur í dag. Liðin eru í tveim neðstu sætum deildarinnar og því er leikurinn mjög mikilvægur í botnbaráttunni.
Það er að sjálfsögðu rjómablíða hér á Húsavík í dag eins og alltaf og aðstæður til knattspyrnuiðkunnar eins og best verður á kosið.
Vonandi fáum við alvöru skemmtun inni á vellinum.

Góðan daginn og velkomin í beina textalýsingu frá GPG-vellinum á Húsavík þar sem að í dag mætast Völsungur og Ægir frá Þorlákshöfn í 7.umferð Lengjudeildar karla.