Sæbjörn Þór Þórbergsson Steinke @saebjornth

- Meðalaldur 25 ár

- Meðalaldur 24 ár

Textalýsing Skýrslan Viðtöl

Hvað réði úrslitum? Stjarnan skapaði sér fleiri hættulegar stöður í leiknum en náðu ekki að nýta þau, fyrstu tvö færin komu með skotum fyrir utan teig. Þórsarar byrjuðu loksins leik vel en frá svona 15. mínútu fannst mér Stjarnan betra liðið í leiknum. Stór færi sköpuð eru núll hjá heimamönnum en fimm hjá gestunum, það segir sína sögu. Bestu leikmenn 1. Emil Atlason (Stjarnan) Emil var illviðráðanlegur í leiknum og áttu Ragnar Óli og Ásbjörn í brasi með hann. Skorar svo algjört draumamark. 2. Daníel Finns Matthíasson (Stjarnan) Spilaði virkilega vel í leiknum, hefur mögulega verið skársti maður Stjörnunnar á tímabilinu. Skoraði beint úr aukaspyrnu. Fannst Jóhann Árni einnig góður. Atvikið Ætla setja þetta á markið hjá Emil Atla, smellhittir boltann í engu færi og kemur Stjörnunni yfir. Fannst sigurinn aldrei í raunverulegri hættu eftir það.

Hvað þýða úrslitin? Þór hefur tapaði sex leikjum í röð en Stjarnan vinnur sinn fyrsta deildarsigur eftir sjö leiki án sigurs. Stjarnan fer upp að hlið KA í 8. sætinu. Þór er með FH og ÍBV fyrir neðan sig. Vondur dagur Greko fær þetta, missir hausinn í mótlæti og lætur reka sig af velli. Lá nokkrum sinnum eftir í leiknum ósáttur að fá ekki aukaspyrnu og þegar hann henti sér niður eftir smá snertingu frá Gumma var hann það heitur að það nægði nokkur orð frá fyrirliða Stjörnunnar til að hausinn færi gjörsamlega. Greko þarf að nýta landsleikahléið og endurstilla höfuðið á sér, það er klárt. Hann býr yfir miklum gæðum, sýndi það í deild neðar í fyrra, en þarna skildi hann liðið eftir í mjög erfiðri stöðu. Hann á að vera lykilmaður og þarf að vera einn af leiðtogunum. Mér finnst svo Stjarnan eiga Birni Snæ gjörsamlega inni, hann var í krummafót í dag. Dómarinn - 4 Twana átti ekki frábæran dag, leyfir mönnum mjög lítið að pústa og er fljótur með spjöldin á loft. Hvernig Guðmundur Kristjánsson náði að fara af velli eftir skiptingu en ekki eftir rautt er skrítið, stálheppinn að fá ekki beint rautt í fyrri hálfleik, tuðar svo á spjaldi og ögrar Greko.

- Meðalaldur 28 ár

- Meðalaldur 19 ár