Stórsigur Víkinga staðreynd á Hlíðarenda og þeir halda áfram að malla inn stigum!

Ég þakka samfylgdina í kvöld og minni á viðtöl og skýrslu sem detta inn seinna í kvöld. Þanngað til næst, takk fyrir mig og lifið heil.

Áfram allir!

Tryggvi með rosalega góða hornspyrnu sem Valsmenn ná ekki að gera sér mat úr.

Tryggvi Hrafn má eiga það að hann hefur komið með rosalega góðar hornspyrnur hér í kvöld en fátt um fína drætti inn í teig Víkinga hjá Valsmönnum.

Óskar Borgþórs, sem er búinn að skora þrennu í kvöld, er sem stendur með 9.8 í einkunn á Fotmob. Spurning hvort hann nái að toga sig upp í tíuna.

Loki Kristjánsson sem var að koma inn á er nýorðinn 15 ára.

Ætli Hemmi sé að reyna að beina athyglinni einhvert annað en á þetta afhroð sem er að eiga sér stað hjá Valsliðinu?

Vinnur boltann af Óskari ofarlega á vellinum og kemst einn á móti Frederik Schram sem ver skotið sem fer aftur í Óskar og útaf.

Það er átakanlegt að horfa á þetta hjá Val. Áhugaleysi finnst mér.

Leikurinn hefur róast heldur betur og lítið um að vera þessar allra seinustu mínútur.

Bæði lið skiptast á að halda í boltann.

Elías Már kemur með bolta í gegn á Valdimar sem reynir utanfótarskot í fyrsta en það fer rétt framhjá.

Þarna átti Valdimar að gera betur.

Aron Snær lá um andartak niðri eftir samstuð en er staðinn upp á ný. Það er enginn varamarkvörður á bekk Víkinga þannig þeir mega varla við því að Aron meiðist alvarlega.

Jakob Franz átti vægast sagt dapran leik í kvöld

Lúkas Logi með hörkuskot í hliðarnetið. Valsmenn aðeins að bíta frá sér.

Valsmenn fá hornspyrnu í tvígang en ná ekki að gera sér mat úr þeim.

Tryggvi fær boltann inn á teignum og reynir skotið á markið sem Aron ver í horn.

Víkingar verið yfir í allri baráttu innan sem og utan vallar í fyrri hálfleiknum.

Verðskulduð 3-0 forysta sem þeir taka með sér inn í hálfleikinn.

Tökum okkur korterspásu og mætum svo til baka með seinni hálfleikinn að vörmu spori.

Gylfi tekur spyrnuna inn á teiginn sem Ólafur Flóki skallar frá.

Leikurinn hefur verið ansi róleugr eftir þriðja markið.

Lítur allt út fyrir það að Víkingar fari með þriggja marka forskot inn í hálfleikinn.

Valsmenn standa vaktina vel og bægja hættunni frá örugglega.

Ólafur fer í hafsentinn með Markus og Jakob Franz í hægri bakvörðinn.

Leikurinn fer í gang og þá fer Hörður Ingi strax niður. Aron Óskar, sjúkraþjálfari Vals, stendur í ströngu að sinna leikmönnum Vals. Stendur hinum meginn á vellinum með Skoglund og kemur inn þar að sinna Herði.

Leikurinn stopp þar sem Albin Skoglund liggur meiddur niðri eftir árekstur frá liðsfélaga. Hins vegar dæmdi Ívar aukaspyrnu á Víkinga sem ég skil ekki.

Helgi Guðjóns tekur spyrnuna inn á teiginn sem Valsmenn hreinsa frá.

Gylfi tekur boltann inn á teiginn sem Daníel Hafsteins skallar á markið en Frederik nær að verja eða einhver varnarmaður bjargar á línu, sá það ekki fyrir þvögunni. En þeir fá aðra hornspyrnu sem þeir ná ekki að gera sér mat úr, sóknarpressar heldur samt áfram hjá gestunum.

Gylfi tekur skotið fyrir utan teig sem Frederik ver út í teiginn. Þar eru Helgi Guðjóns og Valdimar báðir mættir í frákastið í tvígang en ná ekki að gera sér mat úr þessu.

Valsmenn keyra síðan upp í sókn hinum meginn og Skoglund og Tryggvi eru komnir tveir á einn. Skoglund reynir að renna honum á Tryggva í stað þess að skjóta og Valsmenn tapa boltanum. Valsmenn í stúkunni allt annað en sáttir.

Víkingar skora ekki minna en 3 mörk í þessum leik. Stuðulinn á Víkingur yfir 3 mörk á Epic er 1.85. Takið það.

— Kristalkúlan (@kristalkulan) May 31, 2026

Daníel Hafsteins reynir skot af löngu færi sem Schram ver út í innkast. Ekki slæm tilraun hjá Danna þarna.

Tryggvi kemur með góðan bolta inn á teiginn sem Víkingar hreinsa frá.

Víkingar standa vaktina vel og hreinsa.

Tryggvi tekur spyrnuna inn á teiginn sem Karl Friðleifur skallar aftur fyrir í annað horn. Frábær bolti en enginn Valsari mættur á fjærsvæðið.

Helgi fær boltann inn á teignum og rennir honum á Elías Má sem hittir ekki boltann nægilega vel. Valsmenn sleppa með skrekkinn.

Valur (4-4-1-1)
Schram
Hörður - Jakob - Markus - Myles
Tryggvi - Samúel - Bjarni - Lúkas
Skoglund
Adam


Víkingur R. (4-4-2)
Aron
Karl - Gunnar - Oliver - Helgi
Ármann - Daníel - Gylfi - Óskar
Valdimar - Elías

Þá ganga liðin og dómarar leiksins til vallar, allir í treyjum merktum Ingvari Jónssyni sem er fallegt að sjá.

Það styttist óðum í að leikurinn hefjist.

Liðin rölta til búningsklefa og gera sig klár í slaginn. Sprinklerarnir eru að vökva völlin, fólkið að týnast í stúkuna og almennt góð stemning hér á Hlíðarenda.

Vonandi fáum við hörkuleik í kvöld.

Elmar Kári Cogic, leikmaður Aftureldingar, fékk það verðuga verkefni að spá fyrir leiki 9. umferðar Bestu deildarinnar.
Valur 0 - 1 Víkingur R. (19:15 í kvöld)
Eitthvað sem segir mér að Gylfi klíni honum í vinkilinn af 40 metrum og þeir taki þetta 0-1.

Dómari leiksins er Ívar Orri Kristjánsson, honum til halds og trausts verða þeir Birkir Sigurðarson og Þórður Arnar Árnason, fjórði dómari leiksins er hann Elías Ingi Árnason og eftirlitsmaður KSÍ er Halldór Breiðfjörð Jóhannsson.

Byrjun Víkinga á mótinu hefur verið frábær en þeir tróna á toppi deildarinnar taplausir. Þeir hafa unnið alla sína leiki nema einn leik sem þeir gerðu jafntefli í á móti Breiðablik í opnunarleiknum.

Það er því augljóst að Víkingar eru líklegri í að vinna leikinn en Valur í kvöld.

Byrjun Valsmanna á mótinu hefur verið bæði upp og niður. Seinast fóru þeir í fýluferð í Vesturbæinn þar sem þeir töpuðu 3-1 fyrir KR. Þar á undan höfðu þeir unnið KA og Breiðablik. Valur er sem stendur í 5. sæti deildarinnar.

Það verður áhugavert að sjá hvernig Valsmenn mæta til leiks í þetta stóra próf sem bíður þeirra.

Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Vals og Víkings í Bestu deild karla á Hlíðarenda.