Þessi lið eru að mætast í þriðja sinn í sögunni! Fyrsti leikur liðanna var 26. júní 2022 í 16-liða Mjólkurbikarsins, en þar sigruðu Ægismenn á heimavelli 1-0, þar sem Ágúst Karel Magnússon skoraði dramatískt sigurmark á 93. mínútu til að senda Ægi áfram í 8-liða úrslit. Lestu um leikinn Öskubuskusaga þeirra endaði þó í 8-liða úrslitum á KA-vellinum, en KA sigraði Ægi 3-0. Seinni viðureign þessara liða fór fram í 1. umferðinni í ar, en Fylkismenn sigruðu sannfærandi 3-0 sigur.

Fylkismenn hafa spilað 11 leiki á tímabilinu, en þeir hafa sigrað sjö leiki og tapað fjórum. Þeir sitja í 3. sæti með 21 stig. Seinasti leikur Fylkis var á heimavelli gegn HK en þar fóru gestirnir með sigur af býtum og sigruðu 0-2. Þeir hafa skorað 19 mörk og þeirra helsti markaskorari hefur verið Guðmundur Tyrfingsson með 6 mörk.

Ægismenn hafa átt erfitt tímabil hingað til, en þeir sitja í 11. sæti með aðeins 8 stig eftir 12 leiki. Seinasti leikur Ægis var alls ekki góður leikur fyrir þá, en þeir fóru í heimsókn til Aftureldingar, sem kjöldróg þá 8-1. Einnig fékk Stefan Dabetic rautt spjald fyrir mjög slæmt brot. Þeir hafa skorað 13 mörk, en þeirra helsti markaskorari hefur verið Harley Willard með 4 mörk. Þeir hafa sigrað tvo það sem er af deildarkeppninni, Völsung og ÍR.

Dómari leiksins er Brynjar Þór Elvarsson. Honum til halds og trausts eru Daníel Ingi Þórisson og Kristinn Freyr Victorsson. Dómaraeftirlitsmaður er Þórður Georg Lárusson.

Gott kvöld og verið hjartanlega velkomin í þráðbeina textalýsingu frá GeoSalmo vellinum á Þorlákshöfn, en hér munu Ægir og Fylkir takast á í 12. umferð Lengjudeildarinnar!