Ótrúlegum leik er lokið í Njarðvík, 5-4 lokatölur. Svakalegt. Viðtöl detta inn á síðuna seinna í kvöld.

Njarðvík fær horn þegar 30 sekúndur eru eftir. Þetta er búið.

Njarðvíkingar næstum því búnir að bæta við sjötta markinu. Oumar Diouck í mjög fínu færi. Það er ein mínúta eftir.

Christian Bjarmi missir boltann út af. Njarðvíkingar fagna.

Sindri Þór með áhugaverða skallatilraun sem fer fram hjá markinu.

Sjö mínútum er bætt við. Það er nóg eftir!

Christian Bjarmi með góða fyrirgjöf og Damir hoppar upp í þetta en nær ekki að koma boltanum á markið.

Uppbótartíminn er hafinn.

Gunnleifur Orri með fyrirgjöf sem fer beint aftur fyrir endamörk.

Gunnleifur Orri með skot sem fer í hliðarnetið. Munaði ekki miklu þarna.

Damir er bara kominn í fremstu víglínu.

Grindvíkingar eru farnir að henda fleiri mönnum fram á við. Skilar það sér?

Ruglaði fótboltaleikurinn sem þetta er.

Sigurjón setur fótinn í boltann upp úr hornspyrnu en Hjörvar Daði ver virkilega vel í markinu hjá Grindavík.

Sindri Þór fær tíma og pláss fyrir utan teig. Horfir upp, sér markið og lætur vaða en skot hans fer fram hjá markinu.

Ég er ekki frá því að það séu fleiri mörk í þessum leik.

Guy Smit virðist vera búinn hér í dag. Liggur í grasinu og þarf aðhlynningu.

Njarðvíkingar algjörir klaufar í uppspilinu, gestirnir vinna boltann og Stefán Jón er í frábæru færi en nær ekki að hitta boltann almennilega. Pirraður út í sjálfan sig.

Valur Þór vinnur boltann hátt uppi á vellinum og á skot sem fer langt yfir markið.

Það eru hlutir að gerast hérna sem enginn sá fyrir.

Magnað spil hjá Grindvíkingum upp völlinn en Sigurjón Már nær að koma boltanum frá á endanum.

Ótrúlegir hlutir að gerast í Lengjudeildinni í kvöld. Staðan er líka 3-4 í leik Ægis og HK.

Það er ótrúlegt að hérna eru tvö bestu varnarlið deildarinnar að mætast. Það hefði ekki talist heimskulegt að giska á markalaust jafntefli hér fyrir leik. Svona er fótboltinn nú ótrúlegur stundum.

Ég held að Oumar Diouck sé í sjokki að hann hafi ekki skorað þarna. Ótrúlegt.

Oumar Diouck kominn í dauðafæri og allir á vellinum halda að hann sé að skora en hann setur boltann í stöngina. Grindvíkingar setja hann svo aftur fyrir í horn.

Leikurinn er styrktarleikur fyrir Ingvar Jónsson sem berst við krabbamein. Bæði lið leika hér í sérstökum treyjum Ingvars til heiðurs. Á treyjunum má finna m.a. ártöl yfir hvenær Ingvar hefur orðið Íslands- og bikarmeistari. Treyjur beggja liða munu fara á uppboð sem fer fram í einkaskilaboðum til Knattspyrnudeildar Njarðvíkur á Facebook þar sem allur ágóðinn rennur til styrktar Ingvari Jónssyni og fjölskyldu.

Þetta er farið aftur af stað!

Ótrúlegur fyrri hálfleikur að baki hér á JBÓ vellinum í Njarðvík þar sem staðan er 3-3. Undirritaður biðst afsökunar á því að engin textalýsing var í fyrri hálfleiknum, en það verður bætt upp fyrir það í síðari hálfleiknum. Liðin eru að ganga aftur út á völlinn. Vonandi fáum við bara fleiri mörk í þetta.