Fjörugum leik lokið. Sanngjarn sigur. Ég þakka fyrir mig, viðtöl og skýrsla væntanleg

Vestri betri aðilinn þessa stundina

Mér sýnist þetta vera rétt, Nökkvi togar aðeins í Gunnar Jónas sem ætlar á punktinn sjálfur

HK fær horn sem Jóhann Þór fiskar, hann hefur komið vel inn í þetta

Þórður Gunnar í góðu færi, fór nógan tíma til þess að athafna sig inn í teig en skýtur yfir

Tumi keyrir upp vinsri kantinn og rennir honum fyrir á Radic en Thibang Phete nær til boltans á undan Radic. Frábær tækling, Radic hefði skorað

Viktor Helgi skallar hann inn eftir sendingu Arons Kristófer en er réttilega dæmdur rangstæður. Frábært mark engu að síður

Flott spil hjá heimamönnum. Tumi með fasta sendingu þvert fyrir markið á Radic. Hann er í raun með allt markið fyrir framan sig en þarf að teygja sig aðeins í boltann og skotið fer naumlega framhjá

HK fær hornspyrnu, flott spyrna hjá Ívari Erni en nafni hans skallar framhjá

Heimamenn byrja þetta, spennandi að sjá hvað gerist í þeim síðari

Twana flautar fyrri hálfleik af. Yfirburðirnir hjá heimamönnum verið miklir og ég verð að hrósa þeim fyrir að keyra yfir Vestraliðið eftir að fyrsta markið kom. Við skulum vona að Daniel Badu haldi svipaða ræðu og Didier Deschamps hélt um helgina

HK-ingar með fullkomna stjórn á leiknum. Gestirnir þurfa að passa sig því heimamenn gætu klárað leikinn.

Tumi með flotta tilraun fyrir utan teig. Marvin ver

Radic búinn að vera mjög sprækur. Á fínt skot sem fer framhjá

Atli Hrafn brýtur frekar greinilega á Gunnari Jónasi. Twana dæmir ekkert og þá keyrir Breki Þór í Atla eftir að hann losar boltann frá sér.

Bæði lið vildu brot en Twana gleypti flautuna

Atli Hrafn með hornspyrnu sem ratar á Þorstein Aron á nærstönginni. Skalli hans fer í stöngina

Viktor Helgi með innkast inn í teig á Radic. Hann er með mann í baking sem hann snýr af sér og á gott skot rétt framhjá markinu.
Í næstu sókn leikur hann á varnarmann og er kominn í góða stöðu. Skotið fer hins vegar beint á Marvin

Flott sókn Vestra endar með skoti Guðmundar Arnars í hliðarnetið úr þröngri stöðu.

Stuðningsmenn Vestra taka við sér

Ívar Örn með lúmska skottilraun úr aukaspyrnunni sem fer framhjá

Atli Hrafn og Edson Gomes í baráttu um skallabolta. Atli Hrafn nær fyrr til boltans en Edson fer af miklu harðfylgi í loftið og keyrir inn í Atla sem liggur eftir.

Aukaspyrna á vænlegum stað

Gestirnir sparka þessu af stað

Gunnar Heiðar Þorvaldsson, þjálfari HK, teflir fram óbreyttu liði frá 5-1 sigurleiknum gegn ÍR.

Daniel Badu, þjálfari Vestra, gerir tvær breytingar frá síðasta deildarleik. Edson Dias Gomes og Sergine Fall koma inn fyrir Konstantin Cheshmedjiev og Emmanuel Duah.

Balvin Már Borgarsson var fenginn til þess að spá í 14. umferð Lengjudeildarinnar.

HK 3 - 1 Vestri
HK í Kórnum, Radic að spila fyrir Gunnar Heiðar, þarf ég eitthvað að rökstyðja þetta meira?

HK er í 4. sæti deildarinnar með 25 stig, fjórum meira en Vestri. Að sögn Gunnars Heiðars, þjálfara HK, hefur verið stígandi í leik liðsins eftir því sem hefur liðið á tímabilið. Liðið hefur unnið tvo leiki í röð, síðast gegn ÍR í leik sem fór 5-1. Gengi HK á heimavelli hefur verið frábært, í sjö leikjum hefur liðið unnið sex og gert eitt jafntefli.

Vestri situr í 6. sæti deildarinnar 21 stig. Tímabil þeirra hefur að mörgu leiti litast af þáttöku þeirra í Evrópu. Liðið er sigurlaust í síðustu fimm leikjum, þrír þeirra voru í deild og tveir í einvígi gegn Qarabab í forkeppni Evrópudeildarinnar. Á fimmtudag heimsækja Ísfirðingar topplið lettnesku deildarinnar, RFS.

Dómari leiksins er Twana Khalid Ahmed. Aðstoðardómarar eru Guðni Freyr Ingvason og Óliver Thanh Tung Vú. Krisinn Jakobsson er dómaraeftirlitsmaður.

Góðan dag kæru lesendur og verið þið velkomnir í textalýsingu frá Kórnum. Hér munu HK og Vestri mætasti í 14. umferð Lengjudeildarinnar.