Fylkismenn sýndu gæðin í seinni hálfleik og ná líklegast verðskulduðum sigri. Skýrsla og viðtöl detta inn seinna í kvöld, ég þakka fyrir mig.

Gestirnir búnir að vera í sókn undanfarnar mínútur, spurning hvort þeir nái að jafna metin.

Theodór nálægt því að bæta við sínu öðru marki. Fyrirgjöf inn í teig sem berst á hann en skotið meðfram jörðinni beint á Victor sem kemur honum frá.

Fylkir hafa verið miklir klaufar í þessum leik. Nú sparka þeir boltanum óvart í hvorn annan og Völsungur vinnur innkast.

Fyrirgjöf inn í teig þar sem Nikulás er óvaldaður en skallinn framhjá markinu.

Fylkir með köll eftir víti eftir að boltinn berst í hönd Mbye innan teigs. Höndin upp við líkama og ekkert dæmt.

Illa farið með góða stöðu. Heimamenn vinna boltann og eru komnir í 2 á 1 en skiptingin yfir of aftarlega og skyndisóknin rennur í innkast.

Sending inn í teiginn á Tómas sem kemst í frábæra stöðu en Arnór Breki með mikilvæga tæklingu áður en Tómas kemst í skotið.

Tómas Bjarni með flotta sendingu inn fyrir á Elfar en skotið Ólafur ver í horn.

Já seinni hálfleikurinn var ekki gamall þegar fyrsta markið datt inn. Nú geri ég ráð fyrir að leikurinn galoponist. Við þurftum á þessu að halda!

Twana flautar til hálfleiks í Árbænum. Þessi hálfleikur ekki merkilegur. Ég vona eftir meira fjöri í þeim síðari. Tökum okkur korter.

Nær annað liði marki fyrir hálfleik?

Fylkismenn halda betur í boltann en tapa oft boltanum klaufalega sem gefur gestinum séns.

Gestirnir í hættulegri sókn sem endar með fyrirgjöf á Elvar Baldvins sem er óvaldaður á fjær. Hann tekur skotið í fyrsta en skotið tiltölulega beint á Ólaf.

Arnar Pálmi fær sendinguna inn fyrir en Bjarki Steinsen nær mikilvægri tæklingu og stoppar sóknina. Þarna var tækifæri.

Máni með heiðarlega tilraun í fjærhornið en boltinn framhjá samskeytunum. Þarna mátti ekki miklu muna.

Fylkir fær aukaspyrnu á hættulegum stað.

Það hefur lítið verið að frétta síðustu mínútur. Bæði lið missa boltann klaufalega og leikurinn heilt yfir jafn.

Völsungar leysa vel úr þröngri stöðu á eigin vallarhelmingi og komast í stöðu en fyrirgjöfin ónákvæm og sóknin rennur út í sandinn.

Góð sókn heimamanna sem endar með fínasta skoti frá Degi en Victor ver mjög vel í horn. Það kom ekkert merkilegt úr því.

Birkir Eyþórsson í fínni stöðu og kemur boltanum út í teiginn á Mána sem tekur of stóra snertingu og nær ekki að koma sér almennilega í skotið.

Mbye reynir fyrirgjöfina en boltinn beint á Ólaf í markinu sem handsamar boltann.

Fylkir byrjar með boltann.

Tæpar 10 mínútur í upphafsflautið og allt er að verða klárt.

Fylkismenn sóttu 1-0 til Húsavíkur í fimmtu umferð deildarinnar. Guðmundur Tyrfingsson skoraði þar sigurmarkið úr vítaspyrnu.

Sjáðu það helsta úr leiknum

Jón Gísli Eyland leikmaður ÍA spáir öruggum 4-0 heimasigri í kvöld með mörkum úr öllum áttum.

"Fylkismenn mæta brjálaðir eftir tap í síðustu umferð og munu vinna öruggan sigur, mörkin koma úr óvæntri átt því Hlynur Sævar skorar tvö með skalla bæði eftir horn og Guðfinnur Þór skorar tvö bæði úr langskoti fyrir utan teig."

Völsungar hafa rólega náð að safna stigum á töfluna í undanförnum leikjum. Í síðustu umferð unnu þeir gríðarlega dýrmætan 2-0 sigur á Grindavík. Þeir setja því pressu á liðin fyrir ofan sig og vilja líklegast helst af öllu losna úr fallsæti. Þeir sitja í 11. sæti deildarinnar með 11 stig, þremur stigum frá öruggu sæti.

Undanfarin vika er vika sem Fylkismenn vilja líklegast gleyma. Eins og flestum er ljóst er það Afturelding sem leikur til úrslita Mjólkurbikarsins eftir sigur á Fylkismönnum í vítaspyrnukeppni hér í Árbænum. Fylkir náði ekki að svara fyrir svekkelsið gegn fallbaráttuliði ÍR en leikurinn endaði 2-0 fyrir Breiðhyltinga. Fylkir situr þrátt fyrir það í 3. sæti deildarinnar með 30 stig, einungis einu stigi frá toppnum og eru í góðri stöðu hvað umspilið varðar.

Twana Khalid Ahmed verður með flautuna í kvöld. Honum til halds og trausts verða þeir Egill Guðvarður Guðlaugsson og Mikael Ívan Axelsson. Dómaraeftirlitsmaðurinnkvöldsins er hann Ásgrímur Helgi Einarsson.

Leikurinn er þriðja viðureign 16. umferðar en tveir aðrir leikir hefjast seinna í kvöld.

Hér er 16. umferðin eins og hún leggur sig.



14. júlí
HK 5-1 ÍR
15. júlí
Ægir 0-1 Njarðvík
16. júlí
Fylkir - Völsungur 18:00
Grindavík - Leiknir 19:15
Þróttur - Afturelding 19:45
3. ágúst
Vestri - Grótta 14:00

Gott kvöld lesendur góðir og verið velkomin í þessa þráðbeinu textalýsingu frá tekk-vellinum. Fylkir og Völsungur munu hér eigast við í 16. umferð Lengjudeildarinnar.