Stórmeistarajafntefli hér í Árbæ. Bæði lið fengu sína sénsa en líklegast nokkuð sanngjarnt eftir alltsaman. Skýrsla og viðtöl birtast koma seinna í kvöld, ég þakka fyrir mig.

Fylkismenn líklegri.

Hlynur kemur boltanum í netið og allt tryllist hér á vellinum en flaggið á loft fullseint. Svekkjandi fyrir heimamenn.

Aron Snær næstum búinn að ná hausnum í boltann eftir fyrirgjöf en hann rétt missir af honum.

Fáum við sigurmark í þennan leik?

Það hefur færst alvöru hiti í þennan leik.

Fylkir vinnur boltann á miðjum vellinum, boltinn berst á Eyþór sem lætur vaða. Arnar hátt upp á vellinum og náði ekki til boltans en boltinn fer rétt framhjá.

Gestirnir hafa haft öll tök á vellinum í þessum seinni hálfleik.

Þarna skapaðist hætta en sem betur fer fyrir heimamenn fer boltinn framhjá.

Fylkir hefur byrjað leikinn verr en þeir enduðu þann fyrri. Eru sloppy á boltanum og virðast stressaðir.

Fylkir byrjar með boltann.

Allt jafnt í Árbænum í hálfleik. Afturelding hefur verið ívið sterkari aðilinn en bæði lið hafa fengið sín færi. Tökum okkur korter.

Leikurinn farinn af stað aftur.

Helgi stöðvar leikinn vegna höfuðmeiðsla hjá Joacim samstuð við Arnór Breka.

Fylkir uppsker innkast úr horninu.

Haukur með spyrnuna en skallað frá. Fyrir utan teiginn lúrir Birkir Már Sævarsson sem hamrar boltanum í Árbæjarlaug.

Bart með sendinguna inn í teiginn á Óðinn sem er rétt fyrir utan markteigshornið. Hann á hörkuskot sem smellur í þverslánni. Fylkismenn heppnir!

Theodór með sendingu á Guðmund inn í teignum en skotið yfir markið.

Misheppnuð sending hjá Fylki og Gestirnir allt í einu komnir í skyndisókn en Theodór vinnur vel til baka og vinnur markspyrnu.

Afturelding með yfirhöndina þessar mínútur og hafa haft hana meirihluta þessa leiks.

Fyrirgjöf kemur inn í teiginn þar sem Joacim Holtan rís manna hæst og á skallann rétt framhjá en flaggið fór á loft hvort sem er.

En ekkert merkilegt kom úr henni.

Þetta er búið að vera hraður og grófur leikur en Helgi hefur leyft leiknum að flæða.

Afturelding í góðri sókn. Sendingin inn í teiginn beint á Hauk sem á skotið beint á Ólaf. Þarna hefði hann mátt gera betur.

Theodór Ingi með háan bolta yfir hálfan völlinn ætlaðan Eyþóri Wöhler en Andi Hoti framkvæmir eitthvað fimleikastökk og potar boltanum á Arnar í loftinu.

Mikilvæg snerting.

Örlítið of föst sending á Joacim Holtan inn í teignum sem nær ekki valdi á boltanum.

Gestirnir sparka þessu af stað.

Miðjuhólfið í stúkunni hefur verið girt af með böndum eftir að allt fór úr böndunum í bikarleiknum. Öryggisráðstöfun.

Heimir gerir tvær breytingar frá tapinu gegn Leikni. Nikulás Val Gunnarsson og Kári Sigfússon setjast á bekkinn. Þeirra í stað koma Theodór Ingi Óskarsson og Bjarki Steinsen Arnarsson.

Maggi gerir jafn margar breytingar á sínu liði frá sigrinum á Grindavík. Haukur Örn Brink og Andi Hota koma inn í stað Gunnars Bergmanns Sigmarssonar og Elmars Cogic.

Eiður Gauti Sæbjörnsson er spámaður umferðarinnar en hann spáir 3-1 útisigri hér í kvöld.

"Verður leikur umferðarinnar, stórstjörnur út um allan völl en sú sem mun skína bjartast verður Óðinn Bjarka, setur tvö og leggur upp eitt á pönnuna á Aron Elí. Wöhlerinn svarar fyrir bikarleikinn, kjötar Axel Óskar og skorar eitt en það dugar ekki til. Afturelding með annan fótinn í Bestu og Bomban fer hamförum í stúkunni."

Liðin mættust í 7. umferðinni en þar vann Afturelding 5-1 stórsigur á Fylki.



Svo voru það auðvitað undanúrslit Mjólkurbikarsins sem áttu sér stað hér á Tekk vellinum fyrir um þremur vikum síðan. Þá var 1-1 eftir venjulegan leiktíma og framlengingu en Afturelding vann leikinn eftir hádramatíska vítaspyrnukeppni. Arnar Daði Jóhannesson varð hetjan þegar hann varði þrjár góðar vítaspyrnur.

Mosfellingar hafa verið á góðu skriði í deildinni undanfarið, með 6 sigra í síðustu 7 leikjum. Þeim tókst að svara fyrir þungt 4-1 tap gegn Þrótti með 4-1 sigri á varnarsinnuðum Grindvíkingum í síðustu umferð. Afturelding situr á toppnum með leik inni á næstu lið. Þeir eru með 34 stig, jafnir að stigum við Þrótt og stigi á eftir Fylki. Jafnari getur deildin eiginlega ekki verið.

Fylkismenn hafa verið kaldir í síðustu leikjum. Þeir hafa tapað tveimur af síðustu þremur leikjum sínum í deildinni, og það gegn liðum í neðri hlutanum. 2-0 tap gegn ÍR og 3-0 tap gegn Leikni. Þar á milli unnu þeir Völsung 3-1 á heimavelli. Fylkir situr í þriðja sæti deildarinnar með 33 stig, stigi frá Aftureldingu á toppnum.

Helgi Mikael Jónasson verður með flautuna í kvöld. Honum til aðstoðar verða Arnþór Helgi Gíslason og Þráinn Jón Elmarsson. Dómaraeftirlitsmaður þessa leiks verður Björn Guðbjörnsson.

Það er Lengjudeildarveisla í kvöld þar sem öll 18. umferðin verður spiluð. Stuðningsmenn liðanna verða líklegast með annað augað á leik Grindavíkur og Þróttar og vonast eftir að Grindvíkingar nái eitthvað að stríða Þrótturum.
Umferðin lítur svona út:

Vestri - ÍR (18:00)
Ægir - Völsungur (18:00)
Grindavík - Þróttur (18:00)
HK - Leiknir (19:15)
Fylkir - Afturelding (19:15)
Grótta - Njarðvík (19:15)

Verið velkomin í þessa þráðbeinu textalýsingu frá Tekk vellinum í Elliðaárdal þar sem Fylkir tekur á móti Aftureldingu í sannkölluðum toppslag.