Stefán Ragnar flautar til leiksloka, HK fer með sigur af hólmi.

Viðtöl og skýrsla væntanleg.

HK-ingar koma hornspyrnunni frá en áfram sækja Leiknismenn.

Leiknismenn fá hornspyrnu. Allir inn í teig, þar á meðal Ólafur Íshólm, markvörður. Þeirra síðasti séns?

Alexander Örn og Ólafur Íshólm lenda saman og Óli virðist vera sárþjáður. Liggur niðri og veltist um grasið. Ólafur getur haldið leik áfram.

Alexander Örn kemst í frábæra stöðu í teig Leiknis og lætur vaða en Ólafur Íshólm ver frábærlega!

Ívar Örn tekur hornspyrnuna og boltinn fer beint á Þorstein Aron sem skallar beint á Ólaf Íshólm í marki Leiknis. Hefði getað farið betur með þetta færi!

Boltinn berst aftur á Atla Þór fyrir utan teig. Hann tekur viðstöðulaust skot sem fer í varnarmann og aftur fyrir endalínu.

Leiknismenn ógna en ná ekki að koma skoti á markið. Allt nokkuð opið hjá HK þessa stundina.

Tumi fær frábæra sendingu í gegn og er einn gegn Ólafi Íshólm. Tumi lætur vaða en Óli ver meistaralega!

Kári Steinn með skot af löngu færi sem fer hátt yfir mark HK.

HK fær hornspyrnu. Boltinn ekki yfir fyrsta varnarmann og gestirnir bægja hættunni frá.

Allt til reiðu og seinni hálfleikurinn farinn af stað!

Stefán Ragnar flautar til hálfleiks. Eftir fjöruga byrjun dró aðeins undan þessu. Takmörkuð skemmtun frá 30. mínútu.

Tökum okkur 15 og vonumst eftir að menn reimi á sig markaskóna fyrir seinni hálfleikinn.

+2

HK-ingar æða upp í skyndisókn. Tumi sker inn á hægri og lætur vaða úr góðri stöðu en boltinn framhjá marki Leiknis.

+2

Ívar Örn með fyrirgjöf á Radic sem stangar boltann rétt yfir mark gestanna.

Lítið gerst síðastliðnar fimmtán mínútur, leikurinn stopp núna vegna meiðsla Rúriks Gunnarssonar.

Leiknismenn í skyndisókn sem endar með skoti Jóhanns Kanfory yfir mark HK-inga.

Tumi Þorvars æðir upp völlinn og keyrir í átt að marki Leiknis. Hann á gott skot sem Ólafur Íshólm ver vel í marki gestanna. Boltinn berst þá út á Karl Ágúst sem lætur vaða en aftur ver Óli meistaralega!

Aron Kristófer fellur við sem einn af öftustu mönnum HK. Leiknismenn sjá þá sér leik á borði og þræða Jóhann Kanfory í gegn. Hann æðir í átt að marki og lætur vaða en Ólafur ver vel.

Aron Kristófer liggur enn niðri eftir sókn gestanna og þarfnast aðhlynningar.

Leiknir fær aukaspyrnu í skotstöðu. Kári Steinn lætur vaða en tilraun hans beint í vegginn.

Leiknismenn fá hornspyrnu, Axel Freyr nær skalla að marki en boltinn í HK-ing og þeir koma hættunni frá.

Aron Kristófer með langt innkast í teig Leiknis. Boltinn á Karl Ágúst sem lætur vaða en Óli Íshólm ver vel.

Boltinn fer manna á milli í teignum og loks nær Radic skoti á markið en aftur ver Óli vel! Radic þó flaggaður rangstæður í kjölfarið.

Ólafur Örn með gloríur í marki HK og Axel Freyr fær boltann á stórhættulegum stað. Tilraun hans þó nokkuð fjarri lagi og vel framhjá - Ólafur getur andað léttar.

Frábærlega spilað hjá HK-ingum, Aron Kristófer með fasta fyrirgjöf en Radic nær ekki að reka stóru tána í boltann!

Kári Steinn á skot beint á Óla í marki HK. Ólafur gerir sér lítið fyrir og þrumar boltanum fram á Tuma Þorvars sem gerir vel og á tilraun rétt fram hjá marki Leiknis.

Leiknir í góðri sókn og uppskera hornspyrnu. Þorsteinn Aron skallar hornið frá marki HK.

Leiknismenn sækja í átt að Guðmundarlundi. Fyrir áhugasama verður Mugison með tónleika þar síðar í mánuðinum.

Bæði lið hita vel upp, sælkeraborgari HK-inga upp á tíu og Siggi vallarþulur er búinn að setja hágæða rapptónlist frá tíunda áratugnum á fóninn. Þetta stefnir í meiriháttar veislu!

Af þeim átta heimaleikjum sem HK hefur spilað hefur liðið unnið sjö þeirra. Eini heimaleikurinn sem liðið hefur ekki sótt sigur í var 2-2 jafntefli gegn Grindavík.

Árangur HK-inga á útivelli hefur aftur á mótið verið arfaslakur og hefur liðið aðeins unnið tvo af níu útileikjum.

Leiknismenn unnu heldur betur óvæntan 3-0 sigur á Leikni í síðustu umferð. Uppaldni HK-ingurinn Birnir Brekir Burknasonfór þar á kostum og skoraði fyrsta mark liðsins.

HK-ingar heimsóttu Völsung heim á Húsavík síðastliðinn sunnudag og tapaði liðið 3-2.

Farið er að síga á seinni hluta Lengjudeildarinnar. Sæti 2-5 tryggja liðum í umspil um að komast upp í Bestu deildina.

HK er í 5. sæti með 28 stig, tveimur stigum á undan Gróttu sem er í 6. sæti. Þar fyrir aftan eru Leiknismenn með 22 stig.

Njarðvík er í 4. sæti með 29 stig en Njarðvíkingar heimsækja Gróttu í kvöld.

Spilað er eftir þessu fyrirkomulagi í fjórða sinn í ár. Leiknir komst í umspilið á fyrsta ári fyrirkomulagsins. HK-ingar fóru alla leið í úrslitaleikinn í fyrra en töpuðu þar sannfærandi gegn Keflavík.

Eiður Gauti Sæbjörnsson, leikmaður KR, er spámaður umferðarinnar og hann spáir HK sigri. Eiður er uppalinn HK-ingur.

HK 3-2 Leiknir
HK-ingar sáttir að komast aftur heim í hlýjuna eftir fýluferð norður. AHA10 búinn að ströggla aðeins í golfinu undanfarið og tekur reiði sína út á greyið Leiknismönnum, skorar og leggur upp og fer síðan í eina tveggja fóta tæklingu sem dómari missir af. BBB og Axel Freyr svara fyrir Leiknismenn en Birgir Steinn setur sigurmarkið með marki úr horni í home debut og rífur sig á kassann.

Góðan og gleðilegan fimmtudag lesendur góðir, veriði velkomin í þráðbeina textalýsingu frá Kórnum þar sem HK tekur á móti Leikni.


Lengjudeild karla
18:00 Vestri-ÍR (Kerecisvöllurinn)
18:00 Ægir-Völsungur (GeoSalmo völlurinn)
18:00 Grindavík-Þróttur R. (Stakkavíkurvöllur)
19:15 HK-Leiknir R. (Kórinn)
19:15 Fylkir-Afturelding (tekk VÖLLURINN)
19:15 Grótta-Njarðvík (Vivaldivöllurinn)