Allt jafnt á Hásteinsvelli og Valur stelur tveimur stigum af ÍBV í blálokin!

+2 í uppbótartíma.

Sesar með góðan sprett upp vinstra megin og kemur með boltann út í teiginn en Valsmenn ná að koma boltanum í innkast.

Vel spilað hjá ÍBV. Bjarki Björn kom svo boltanum á Vicente í hlaupið inn á teiginn. Hann tékkar inn völlinn og ætla að snúa boltann í fjærhornið en boltinn fer soldið langt fram hjá markinu.

Vicente með skot fyrir utan teig sem fer yfir markið.

Veldman gerir vel og kemst upp að endalínu og sendir boltann út á Lúkas Loga. Hann fer í skotið sem fer rétt fram hjá stönginni.

Alex með hornspyrnuna inn á teiginn og Arnór Ingi skallar boltann yfir markið.

Sesar vinnur horn fyrir ÍBV.

Vicente fær boltann á miðjum vallarhelmingi Vals og ákveður að skjóta en skotið fer yfir markið.

Boltinn barst svo út á Eið Atla sem fór í skotið sem Frederik nær að blaka yfir markið.

ÍBV fær aukaspyrnu á miðjum vallarhelmingi Vals, Vicente tók spyrnuna og boltinn barst svo til Sesars sem kom með fyrirgjöf sem Valsmenna hreinsa í burtu.

Alex með hættulegan bolta fyrir markið en Hörður ingi nær að koma boltanum í innkast.

Lúkas Logi með flotta fyrirgjöf á fjærstöngina á Dag Orra en skallinn frá honum beint í hendurnar á Ara.

Alex með aukaspyrnuna fyrir ÍBV. Kemur með fínasta bolta inn á teiginn en Halldór Jón nær ekki til boltans sem endar hjá Frederik.

Fínasta spil hjá Lúkasi Loga og Jónatan sem endar á því að Lúkas tekur skotið fyrir utan teig en það er beint á Ara í markinu.

Vicente kemur með boltann á Halldór Jón inn á teignum. Hann snýr með boltann og kemur sér í skotfæri en skotið er slakt og langt yfir markið.

Stöle með fínasta bolta inn á teiginn en Dagur Orri nær ekki til hans og Eyjamenn ná að koma boltanum frá.

Halldór Jón með fyrirgjöf en Frederik kemur út úr markinu og grípur boltann auðveldlega.

Dagur Orri er svona nánast sloppinn einn í gegn en er í mjög þröngu færi og er í litlu jafnvægi svo að skotið er eftir því og fer fram hjá.

Eiður Atli gerði vel í trufla hann aðeins í skotinu.

Bjarki Björn gerir mjög vel. Fær boltann hægra megin og kemur með frábæran bolta inn á teiginn á Róbert Elís sem stangar boltann yfir markið!

Róbert verður að gera betur þarna!!

Þetta er farið af stað aftur!

0-0 í hálfleik í frekar svona bragðdaufum leik.

Vonum að það lifni yfir þessu í síðari hálfleik og við fáum að sjá einhver mörk!

Bjarki Björn með aukaspyrnuna en Samúel Kári skallar boltann aftur fyrir og ÍBV fær horn.

+1 í uppbótatíma.

ÍBV fær aukaspyrnu á fínum stað, rétt fyrir utan teig úti hægra megin.

Aron Vokes með góða tilraun. Fékk boltann vinstra megin og keyrir að teignum og tekur lúmsk skot sem Frederik nær að slá til hliðar.

Róbert Elís tekur svo frákastið sem er úti við endalínu og setur boltann aftur fyrir markið en þar er enginnn frá ÍBV nálægt og Valmenn koma boltanum í burtu.

Róbert Elís með flottan bolta inn á Alex Freyr. Alex kemur svo boltanu á Aron. Hann kemur sér í skotfæri en skotið í hliðarnetið.

Veseli tekur skotið lengt fyrir utan og Alex Freyr bókstaflega hendir sér fyrir það og boltinn fer í innkast.

Eiður Atli bjartsýnn tekur skotið í volly lengst utan af velli sem fer hátt yfir markið eða fram hjá.

Aron Vokes brunar upp með boltann vinstra megin og kemur boltanum á Róbert Elís. Hann tékk til baka og tekur skotið fyrir utan teig en það er beint á Frederik.

Frekar rólegt yfir þessu þessa stundina!

Alex með hornspyrnuna beint á hausinn á Róbert Elís sem stangar boltann yfir markið.

Alex með spyrnuna sjálfur og Valsmenn koma boltanum aftur fyrir og ÍBV fær hornspyrnu.

ÍBV fær aukaspyrnu á miðjum vallarhelmingi Vals, Alex keyrður niður.

Aron Vokes fær boltann vinstra megin og keyrir inn völlinn og kemur sér í skotfæri. Skotið er hins vegar slakt og fer beint á Frederik Schram í markinu.

Góð sókn hjá Val! Jónatan Ingi fékk boltann hægra megin og keyrir inn á teiginn. Hann kemur svo með góða sendingu út í teiginn á Lúkas Loga sem tekur skotið í fyrsta en skotið er laust og nánst beint á Ara.

Kom langur bolti fram sem virtist vera á leiðinni útaf en Aron Vokes gerir vel í halda þessu inná. Kemur með boltann inn á teiginn á Róbert Elís sem er í mjög góðu færi inn á markteig en skallinn hans fer fram hjá markinu.

Alex gerir vel og vinnurr boltann inn á miðsvæðinu af Degi Orra. Hann brunar svo upp og tekur skotið en Valsmenn koma sér fyrir boltann.

Lúkas Logi með skot yfir utan teig sem fer í hliðarnetið.

Hörður Ingi kom með fyrirgjöf inni á teiginn og boltinn barst til Myles sem kemur sér í skotið en það er laust og Eiður Atli kemur boltanum frá.

Alex Freyr keyrir upp miðjuna og Aron Vokes tekur hlaupið. Alex ætlar að lauma boltanum inn á hann en Valsmennn lesa þetta og koma boltanum í burtu.

Jónatan fékk boltann inn á teignum frá Herði og kemur sér í skotið en Alex nær að koma sér fyrir skotið.

Arnór Ingi með hættulega fyrirgjöf inn á teig Vals en þeir ná að hreinsa frá.

ÍBV skartar búningum eins og ÍBV spilaði í 1998 þegar þeir unnu tvöfalt.

Þetta er farið af stað!

Gestirnir byrja!

Enginn Hólmar, Enginn Tryggvi og Patrick á Bekk, ef Eyjamenn vinna þennan ekki gegn lítið mótiveruðum Völsurum geta þeir bara gleymt þessu. ÍBV jafntefli ekki með er 1.89, þessir hörðustu taka sigur á 2.47. Allt á Epic.

— Kristalkúlan (@kristalkulan) September 20, 2026

Byrjunarlið ÍBV
33. Ari i Haraldstovu (m)
4. Mattias Edeland
8. Bjarki Björn Gunnarsson
11. Aron Lucas Vokes
22. Eiður Atli Rúnarsson
23. Arnór Ingi Kristinsson
25. Alex Freyr Hilmarsson (f)
26. Felix Örn Friðriksson
27. Róbert Elís Hlynsson
30. Vicente Valor
80. Halldór Jón Sigurður Þórðarson

Byrjunarlið Vals:
1. Frederik Schram (m)
3. Hörður Ingi Gunnarsson
4. Markus Nakkim
5. Kristófer Dagur Arnarsson
7. Samúel Kári Friðjónsson
10. Jónatan Ingi Jónsson (f)
11. Ingimar Torbjörnsson Stöle
17. Lúkas Logi Heimisson
19. Dagur Orri Garðarsson
24. Myles A Veldman
29. Shkelzen Veseli

Það er sama uppi á teningnum hjá Val sem gerir einnig tvær breytingar frá 4-1 sigrinum á Þór.

Petrick Pedersen fer á bekkinn og Tryggvi Hrafn Haraldsson er ekki með. Samúel Kári Friðjónsson og Shkelzen Veseli koma inn í byrjunarliðið, en Samúel Kári tók út leikbann í síðasta leik.

Tvær breytingar eru á liði Eyjamanna. Halldór Jón Sigurður Þórðarson og Róbert Elís Hlynsson koma inn fyrir Viggó Valgeirsson, sem fer á bekkinn, og Omar Sowe sem fór meiddur af velli í síðasta leik og er ekki í hópnum.

Það var rosalegur gærdagur í Bestu deildinni þar sem Víkingur innsiglaði meistaratitilinn á Meistaravöllum og KA fór illa með Þór. Fjallað var um leikina í Innkastinu og þá er einnig hægt að sjá það helsta úr þeim hér að neðan.

„Við þurfum að fara safna stigum, getum ekki bara horft á KA og Þór. Ennþá fjórir leikir eftir, tólf stig og ég held að þetta verður slagur til síðustu umferðar," sagði Aleksandar Linta, þjálfari ÍBV, eftir tap gegn Stjörnunni á dögunum.

ÍBV hefur mætt Stjörnunni í Garðabæ í síðustu tveimur leikjum, gerði fyrst 2-2 jafntefli í Miðgarði og tapaði svo 2-0 á Samsungvellinum.

ÍBV er án sigurs í síðustu níu leikjum, liðið vann síðast þann 4. júlí en það var einmitt heimaleikurinn gegn Val. Það eru því 78 dagar liðnir síðan ÍBV vann síðast leik.

Eyjamenn eru í neðsta sæti, fimm stigum frá öruggu sæti, og þurfa nauðsynlega á öllum stigunum þremur að halda í dag.

Valsmenn sigla lygnan sjó. Það var mikið áfall fyrir félagið að enda í neðri hlutanum en liðið vann 4-1 sigur gegn Þór Akureyri í fyrsta leik sínum eftir skiptingu.

„Á þessari næstu viku og næsta mánuði held ég að það sé alveg ljóst að við erum að keyra á frekar fáliðuðum hópi. Jafnvel í dag sá maður leikmenn inni á vellinum sem eru ekki hundrað prósent. En ég held að þetta sýni karakter hjá strákunum. Sumir hafa dregið hann í efa, en þeir hafa aftur látið verkin tala inni á vellinum, eins og þeir hafa gert þessar síðustu vikur," sagði Chris Brazell, þjálfari Vals eftir sigurinn gegn Þór.

Brazell stýrir Val til bráðabirgða en Halldór Árnason tekur við liðinu eftir tímabilið.

ÍBV vann Val á Goslokahátíð fyrr í sumar. Alex Freyr Hilmarsson skoraði eina markið. Þegar liðin mættust á Hlíðarenda voru það hinsvegar þeir rauðu sem fögnuðu sigri.

Það er öflugt dómarateymi á leiknum hér í Vestmannaeyjum í dag. Þórður Þorsteinsson Þórðarson dæmir leikinn. Aðstoðardómarar eru Antoníus Bjarki Halldórsson og Guðni Freyr Ingvason. Fjórði dómari er Stefán Ragnar Guðlaugsson.

Besta karla - Efri hluti
16:00 Keflavík-Fram (HS Orku völlurinn)
16:00 ÍA-Breiðablik (ELKEM völlurinn)

Besta karla - Neðri hluti
16:00 ÍBV-Valur (Hásteinsvöllur)
16:00 FH-Stjarnan (Kaplakrikavöllur)

Það eru fjórir leikir í Bestu deildinni í dag, áður en kemur að landsleikjaglugganum langa sem spannar þrjár vikur að þessu sinni! Hér fylgjumst við með leik ÍBV og Vals á Hásteinsvelli.