SKÝRSLAN: Stigu risastórt skref í átt að Bestu deildinni 2027
Hvað réði úrslitum?
Það var svakalegur andi í FH-ingunum og maður fann það alveg frá byrjun. Þeir hentu sér fyrir allt og börðust alveg svakalega fyrir hvorn annan. Þeir voru mjög sterkir í skyndisóknunum og refsuðu Stjörnunni grimmilega fyrir öll mistök. Á sama tíma voru Stjörnumenn linir og lélegir varnarlega. Mikil vonbrigði hjá Garðbæingum.
Bestu leikmenn
1. Kjartan Kári Halldórsson (FH)
Var allt í öllu í sóknarleik FH-inga. Skoraði tvö mörk og tók þátt í fleirum. Óheppinn að skora ekki þrennuna.
2. Ísak Óli Ólafsson (FH)
Skallaði gríðarlega marga bolta í burtu og henti sér fyrir allt sem kom í átt að marki. Fyrirliðinn leiddi með fordæmi.
Atvikið
Fyrsta markið sem Jóhannes Kristinn Bjarnason skorar setti tóninn fyrir FH-inga. Í kjölfarið komu þrjú mörk til viðbótar með stuttu millibili og Stjörnumenn voru svo gott sem slegnir í rot.
Hvað þýða úrslitin?
FH er komið í frábæra stöðu upp á að halda sér í deildinni, þeir eru núna sex stigum frá fallsæti þegar þrír leikir eru eftir. Stjarnan hefur þegar tryggt sér áframhaldandi sæti í deildinni og hefur ekkert að spila upp á í raun og veru.
Vondur dagur
Gustav Kjeldsen átti erfiðan dag og það sama má segja um Ara Leifsson en þeir lentu í vandræðum með spræka sóknarmenn FH-inga. Benedikt Warén dreif Stjörnuna áfram í seinni hálfleik en aðrir fylgdu ekki með honum.
Dómarinn - 5
Hefði mögulega átt að gefa Tómasi Orra, miðjumanni FH, rautt spjald um miðbik seinni hálfleikinn. Það var allavega gult. Það var í stöðunni 4-2 og hefði mögulega haft mikil áhrif á leikinn. Annars fínt.