Jafntefli niðurstaðan hér í Keflavík. Tækifæri á að koma sér í annað sætið fer þar með forgörðum. VIðtöl og skýrsla væntanleg.

Eiður Orri vinnur boltann við teig Fram og Keflavík 2 á 2. Hann velur að fara strax í skotið og setur boltann himinhátt yfir markið.

Kristófer Konráðs með skot úr teignum eftir snögga sókn. Boltinn beint á Ásgeir í markinu,

Uppbótartími er að lágmarki þrjár mínútur.

Eiður með fast skot af vítateigslínu sem Viktor handsamar af öryggi.

Kennie með skot úr D-boganum. Beint í fang Ásgeirs.

Frábær samleikur hjá Axel og Eið sendir þann síðarnefnda í dauðafæri á markteigshorni. Viktor með sterka hendi og ver gríðarlega vel í horn.

Ásgeir Páll með langan sprett upp völlinn og kemur sér inn á teig Fram. Lætur vaða en setur boltann framhjá markinu.

Fred með lúmskt skot frá vinstra vítateigshorni, boltinn stefnir niður í hornið fjær en Ásgeir ver í horn.

Fram fær hornspyrnu. Sína fjórtándu í leiknum.

Bera boltann vel upp hægra megin, Már með fyrirgjöfina sem Vuk mætir á endan á en skóflar boltanum yfir frá markteig.

Vuk með frábær tilþrif er hann leikur inn á teiginn frá vinstri. Skilur varnarmenn eftir í rykinu og nær góðu skoti sem Ásgeir ver vel. Boltinn beint fyrir fætur Kennie sem er með opið mark fyrir framan sig en setur boltann yfir.

Eiður reynir skotið en setur boltann yfir markið.

Gestirnir hefja hér leik í síðari hálfleik. Engar breytingar að sjá á liðunum.

Hálfleikur hér í Keflavík og staðan markalaus. Gestirnir átt fleiri tækifæri heilt yfir en þó ekki þannig að kalla megi stöðuna ósanngjarna.

Fáum þrjár mínútur í uppbótartíma

Eiður Orri reynir skot úr aukaspyrnu en setur boltann framhjá.

Egill Valur lendir í hörkuárekstri við Kyle í kapphlaupi um boltann og steinliggur

Kyle að ég held dæmdur brotlegur.

Í baráttu við Kennie um boltann alveg á miðlínu við hliðarlínu og sparkar vel frá sér. Elías sér ekki neitt á veifar leikinn áfram.

Þorri Stefán með skot fyrir Fram, heimamenn komast fyrir og hornspyrna niðurstaðan.

Frans Elvarsson með tilþrif leiksins til þessa, fellur um sjálfan sig á vellinum í kapphlaupi um boltann en bjargar sér með stórfenglegum kollhnís. Íþróttakennarinn alveg með þetta.

Freyr með hörkusprett upp völlinn fyrir Fram. Kemur sér inn á teiginn og nær skoti/sendingu sem Keflvíkingar rétt komast fyrir.

Kennie brýst upp hægri megin og kemur boltanum fyrir markið, Marin Brigic fyrstur á boltann og setur hann afturfyrir hárfínt framhjá eigin marki.

Leikurinn verið sveiflukenndur. Færin koma í bunkum en leikurinn dettur nokkuð niður þess á milli

Kennie í fínu færi en hittir boltann illa og gerir Ásgeiri í marki Keflavíkur auðveldara um vik að verja boltann. Sem hann nær þó aðeins að gera með herkjum. Fram fær hornspyrnu.

Alpha í hörkufæri í teignum eftir snögga sókn, leikur inn á teiginn frá vinstri og lætur vaða í hornið nær. Viktor ver boltann í teiginn þar sem Dagur Ingi mætir í frákastið en aftur ver Viktor.

Fred með aukaspyrnu frá hægri inn á teiginn, Keflvíkingar skalla frá.

Stefan Ljub með skot úr D-boganum eftir snögga sókn Keflavíkur. Boltinn þægilegur viðfangs fyrir Viktor sem handsamar hann næsta auðveldlega.

Brýst af harðfylgi inn á teig Fram frá vinstri og nær skoti úr mjög þröngri stöðu. Skotið fast en Viktor ver í horn.

Brjótast upp hægri kantinn og inn á teiginn. Róbert Hauksson leggur boltann út á Fred sem nær fínu skoti sem Ásgeir setur fingur á og afturfyrir.

Fred fær boltann hægra megin í teignum og reynir skotið en boltinn vel framhjá markinu.

Fyrsta skotið eftir um 40 sekúndur. Ljubicic reynir það af töluverðu færi en setur boltann fram hjá.

Þetta er farið af stað í Keflavík. Það eru sem hefja hér leik.

Það var rosalegur gærdagur í Bestu deildinni þar sem Víkingur innsiglaði meistaratitilinn á Meistaravöllum og KA fór illa með Þór. Fjallað var um leikina í Innkastinu og þá er einnig hægt að sjá það helsta úr þeim hér að neðan.

Hinrik Harðarson, leikmaður Egersund í Noregi, spáir í leikina í þessari annari umferð eftir skiptingu. Um leik Keflavíkur og Fram sagði hann.

Keflavík 1 - 3 Fram
Keflavík er komið með hausinn á lokahófið, það er ljóst. Eftir að Breki Baxter yfirgaf skútuna þá hefur botninn farið úr tertunni. Fram virðast einnig vera með hausinn við Tene. Fram taka þennan 1-3.

Elías Ingi Árnason er með flautuna á HS Orkuvellinum í dag. Honum til aðstoðar eru þeir Kristján Már Ólafs og hinn 17 ára gamli Þráinn Jón Elmarsson sem er sannarlega á hraðferð upp stigan hjá KSÍ.

Guðmundur Páll Friðbertsson er fjórði dómari og eftirlitsmaður KSÍ er Viðar Helgason.

Er öllum markmiðum sumarsins náð hjá Keflavík?

Nánast öllum að óvörum er Keflavík í efri hlutanum og er vel að því komið. Tap gegn Víkingum 4-1 í fyrstu umferð eftir skiptingu er kannski ekki eitthvað sem ætti að lesa um of úr ég sit þó eftir með spurningu. Að hverju hefur Keflavík að keppa?


Breyting varð á leikmannahópi liðsins í vikunni þegar Muhamed Alghoul var seldur frá félaginu til Homs Al-Fidaa í Sýrlandi. Mua líkt og hann er kallaður hefur verið öflugur fyrir Keflavík í sumar en kom sér einnig í fréttir fyrir átök við liðsfélaga á æfingu sem leiddu af sér nefbrot.

Það verður fróðlegt að sjá hvernig lið Keflavíkur mætir til leiks gegn Fram í dag. Er hungrið enn til staðar eða eru menn þegar komnir upp í vél til Tene í kollinum.

Gestirnir úr Úlfarsárdal mæta til leiks í hörkufæri til þess að endurheimta annað sæti deildarinnar af KR sem þurfti að gera sér að góðu að lúta í gras gegn Víkingum á Meistaravöllum í gær.


Þótt baráttan um titilinn sjálfan sé að baki og Víkingar orðnir meistarar munar töluvert um fyrir Fram eða KR að enda í öðru eða þriðja sæti. Liðið sem endar ofar sleppur við fyrstu umferð forkeppni Sambandsdeildarinnar og mætir til leiks í aðra umferð en fær þó borgað fyrir fyrstu umferðina líkt og liðið hafi í henni leikið.

Rúnar Kristinsson hefur því varla verið að ræða skoðun sína á fyrirkomulagi Bestu deildarinnar á fundum með liðinu fyrir leik heldur bent á þá staðreynd að það skiptir máli að annað sætið verði Fram og að mun betri frammistöðu þurfi í dag en í 3-1 tapinu gegn Breiðablik á dögunum.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Keflavíkur og Fram í Bestu deild karla.

Flautað verður til leiks í Keflavík klukkan 16:00
sunnudagur 20. september

Besta karla - Efri hluti
16:00 Keflavík-Fram (HS Orku völlurinn)
16:00 ÍA-Breiðablik (ELKEM völlurinn)

Besta karla - Neðri hluti
16:00 ÍBV-Valur (Hásteinsvöllur)
16:00 FH-Stjarnan (Kaplakrikavöllur)