3-0 sigur Íslands staðreynd og Ísland heldur sér á toppi riðilsins. Viðtöl og umfjallanir væntanleg eftir leik. Ég þakka fyrir mig.

Gylfi liggur eftir og þarfnast aðhlyninngar.

Tsenov með fast skot en Hákon vissi allan tímann að boltinn væri á leið yfir.

Aukaspyrnan inn í teiginn og boltinn fer í höndina á Iliev og Ungverjinn bendir á punktinn.

VAR búið að fara yfir þetta. Vítið er staðfest og Orri stillir sér upp. Þrenna?

Mikael Neville vinnur boltann með góðri tæklingu en sendingin inn í teiginn ætluð Gylfa var ónákvæm.

Gylfi með misheppnaða sendingu og Búlgarar geta sótt hratt. Skotið úr sókninni varð ekki merkilegt, beint á Hákon sem grípur boltann.

Innkast Mikaels Egils dæmt af honum. Hann var of lengi að taka það og gestirnir fá innkastið.

Hákon Rafn grípur fyrirgjöf frá Dimitrov.

Daníel Leó með góða tæklingu inn í teig og boltinn endar hjá Hákoni.

Mikael Neville gerir vel og kemur boltanum svo á Jón Dag en fyrsta snertingin svíkur hann.

Ísland nær svo boltanum aftur og heldur sókninni áfram. Ísak Bergmann kemur með fasta sendingu inn í teiginn á Orra sem stýrir honum rétt framhjá. Munaði litlu.

Mikael Egill í hlaupinu inn í teignum og er tekinn niður. Ísland kallar eftir víti en Ungverjinn segir nei. Líklegast hárrétt.

Allt komið af stað aftur. Koma svo!

Með bolta
Ísland 55% - 45% Búlgaría
Skot
Ísland 5-3 Búlgaría
Sendingar
Ísland 218 - 194 Búlgaría
Hornspyrnur
Ísland 8 - 1 Búlgaría

Ísland búið að vera töluvert sterkari aðilinn hér og leiðir verðskuldað 1-0, þó færin hafi ekki verið mörg. Hákon sá til þess að Búlgarar jöfnuðu ekki undir lok fyrri hálfleiks. Tökum okkur korter.

Hákon Arnar missir boltann á stórhættulegum stað og Búlgarar ná skoti en Hákon Rafn ver frábærlega í horn.

Hann grípur svo boltann úr horninu.

Jón Dagur vinnur boltann á hættulegum stað og rennir honum svo á Ísak sem er of lengi að athafna sig og skotið beint á Daniel.

Jón Dagur aftur á ferðinni en fyrirgjöfin of há og endar í markspyrnu.

Hákon og Jón Dagur tengja vel á vinstri kantinum. Hákon vinnur síðan hornspyrnu sem ekkert verður úr.

Hörður Björgvin vinnur hornspyrnu.

Jón Dagur með spyrnuna en Daniel kýlir boltanum frá.

Andri Fannar reynir skotið af löngu færi en Daniel í markinu ver vel í horn. Þessi var á leiðinni upp í samskeytin.

Hornið frá Ísaki yfir allan pakkann.

Hákon gerir mjög vel og rennir boltanum svo á Arnór. Hann gefur boltann á hættusvæði inn í teignum en þar er enginn.

Þarna var tækifæri.

Gestirnir vinna boltann og sækja hratt. Fyrirgjöfin kemur inn í teiginn á Petkov sem leggur hann á Iliev sem er óvaldaður inn í teig. Hann er fljótfær og skýtur yfir markið.

Langbesta færi leiksins.

Misskilningur í vörn Íslands en Búlgarar ná sem betur fer ekki að refsa.

Frábært, hratt spil hjá okkar mönnum og Jón Dagur er kominn inn í teig. Hann reynir skotið sem fer af varnarmanni áður en það er hreinsað í horn.

Við sköpum okkur ekkert úr því.

Ísland hefur legið á gestunum þetta fyrsta korter en ennþá hefur ekki skapast almennilegt færi.

Heyrist úr Laugardalnum.

Hákon Arnar með hornspyrnu sem fengin var úr aukaspyrnunni. Ísland uppsker aðra hornspyrnu, nú hinum megin frá.

Og svo aftur hinum megin en Búlgarar ná valdi á boltanum.

Aron Einar með skiptinguna yfir völlinn á Jón Dag sem köttar og tekur skotið en í varnarmann.

Ísland fær hornspyrnu.

Hákon með fínan bolta inn í teiginn. Hann er skallaður áfram en það var enginn til þess að taka við honum. Markspyrna niðurstaðan.

Pressa Íslands skilar okkur innkasti. Stúkan tekur við sér.

Ísland í ágætis stöðu en sending Orra inn í teiginn of aftarlega.

Rusev með fyrirgjöfina sem er afar slök. Ísak skallar frá.

Búlgarar fá aukaspyrnu alveg við vítateigshornið. Metri innar og þetta hafði verið víti.

Ilia Gruev sparkar leiknum af stað.

Áfram Ísland!

Liðin ganga inn á völlinn undir Þjóðadeildarstefinu. Það er að mér sýnist, fínasta mæting á völlinn.

Logi Tómasson er veikur og getur því ekki byrjað. Gylfi Þór Sigurðsson, Andri Lucas Guðjohnsen, Stefán Teitur Þórðarson, Daníel Leó Grétarsson og Guðlaugur Victor Pálsson fara sömuleiðis úr byrjunarliðinu og taka sér allir sæti á bekknum.

Inn í liðið koma þeir Aron Einar Gunnarsson, Hörður Björgvin Magnússon, Andri Fannar Baldursson, Mikael Neville Anderson, Jón Dagur Þorsteinsson og Arnór Sigurðsson.

Íslenska landsliðið er mun sigurstranglegra í leik dagsins og sést það vel hjá veðbönkum. Epicbet er með 1,46 í stuðul á sigur Íslands en 7,00 á Búlgaríu. Stuðullinn 4,48 er á jafntefli.

Íslenski landsliðshópurinn er aðeins breyttur frá síðasta leik, en Kristall Máni Ingason meiddist og Daníel Tristan Guðjohnsen kom inn í hópinn í staðinn. Hann verður þó aðeins með gegn Búlgaríu í dag og fer svo aftur í U21 hópinn.

„Hann hefur fengið sjálfstraust og þess vegna er hann með okkur núna. Ég hef alltaf sagt ef hann fer niður (í U21) þá á hann að líta á sig sem A-landsliðs mann og sýna hversu sterkur og öflugur hann er, og hversu langt hann er kominn. Svo mætir hann með okkur núna og vonandi getur hann hjálpað okkur núna á laugardaginn, ég hef enga trú á öðru. Svo fer hann aftur út til móts við U21 árs landsliðið, því það er hrikalega mikilvægt verkefni sem býður þeirra að tryggja sér sæti á móti," sagði Arnar Gunnlaugsson landsliðsþjálfari á fréttamannafundi.

Eftir 1-1 vonbrigða jafntefli gegn Eistlandi í síðasta heimaleik kom frábært svar gegn Lúxemborg á þriðjudaginn.

Ísland er á toppi riðilsins með 4 stig og getur komið sér í enn betri stöðu þegar liðið fær Búlgaríu í heimsókn á laugardag.

„Leikurinn á undan leit hræðilega út og það er rosalega stutt á milli í þessu. Segjum að við náum góðum úrslitum heima á móti Búlgaríu erum við í toppmálum, jákvæðir og glaðir. Við þurfum að byggja á þessu og sjá til að við náum í úrslit og þá er þessi Eistlands-leikur gleymdur," sagði Kári Árnason, sérfræðingur á Sýn Sport, eftir síðasta leik.

Lúxemborg var meira með boltann á þriðjudag en Ísland samt með fulla stjórn á leiknum og þá segir Kári einnig að það hafi verið mikilvægt að halda hreinu.

„Ef þú lítur á tölfræðina eftir leik er Lúxemborg meira með boltann og ég veit að ef þessi leikur hefði farið illa þá hefði okkar maður ekki verið ánægður með það en þessi leikur leit frábærlega út. Aldrei vorum við ekki með fullt kontról á þessum leik. Pressan var frábær, holning góð og þeir að reyna eitthvað sem hentaði okkur frábærlega og hraðar sóknir."

Árið 1994 komst Búlgaría í undanúrslit heimsmeistaramótsins með því að vinna óvæntan sigur gegn Þýskalandi. Meðal leikmanna var Hristo Stoichkov sem hlaut Ballon d'Or Gullboltann það ár. Búlgaría kleif hæst upp í 8. sæti heimslistans.

En nú er öldin svo sannarlega önnur.

Staðan eftir 2 umferðir
1. Ísland 4 stig
2. Lúxemborg 3 stig
3. Eistland 2 stig
4. Búlgaría 1 stig

Ungverski dómarinn Balazs Berke mun dæma leikinn.

Berke var fjórði dómari þegar Valur og Nordsjælland mættust á Hlíðarenda í forkeppni Sambandsdeildarinnar í sumar (í leik sem endaði 0-2). Hann endaði með flautuna því hann tók við sem aðaldómari í lok fyrri hálfleiksins eftir að Gergo Bogar tognaði aftan í kálfa. Berke, sem dæmir mikið í Evrópudeildinni, er því að fara að dæma annan leik sinn á Íslandi þetta árið.

Allt teymið á leik Íslands og Búlgaríu kemur frá Ungverjalandi en Tamas Bognar verður VAR dómari.

Eftir flottan 3-0 útisigur gegn Lúxemborg er komið að þriðja leik Íslands af fjórum í þessum glugga. Nú er það heimaleikur á móti Búlgaríu.