Helgi Mikael bætir akkúrat núll mínútum við og flautar til leiksloka. KA-menn fara með sigur af hólmi og eru tveimur stigum frá fallsæti.

Viðtöl og skýrsla væntanleg.

Markús Máni með þrumuskot af löngu færi sem fer langt framhjá marki Stjörnunnar.

Gestirnir fá hornspyrnu en Garðbæingar skalla frá.

Djuric með snyrtilegan klobba en missir boltann í kjölfarið.

Hár fyrirgjöf frá vinstri, Valdimar battar boltann á Jakob Héðinn sem er vel inni í markteig en einhvern veginn kemur Árni Snær í veg fyrir að boltinn fari ekki í netið.

Guðmundur Baldvin með tilraun rétt framhjá marki gestanna.

Jeppe Pedersen vinnur boltann í tæklingu og kemur honum á Adam Ægi sem skorar, í millitíðinni flautar Helgi brot á þann danska.

Er á báðum áttum með þennan dóm, tæklingin virkaði harðari við fyrstu sýn en í endursýningu. Árni Snær var þó hættur í marki Stjörnunnar og hefði hugsanlega varið tilraun Adams.

Stjörnumenn færa boltann vel frá vinstri til hægri. Boltinn á Bjarka Hauks sem á tilraun rétt framhjá marki gestanna.

Stjörnumenn hefja leik.

Þórsarar eru að vinna ÍBV fyrir norðan og KA leiðir hér í Garðabæ. Eins og staðan er núna eru Eyjamenn fallnir.

Bein stöðutafla:
KA - 26 stig - mt: -11
Þór - 24 stig - mt: -33
ÍBV - 19 stig - mt: -16

Helgi Mikael flautar til leikhlés, KA með tveggja marka forystu í hálfleik!

Einni mínútu bætt við.

Mikael Breki með skot rétt framhjá marki Stjörnumanna. Gestirnir hamra járnið!

KA keyrir upp í skyndisókn eftir hornspyrnuna. Sókninni lýkur með skoti Jakobs Snæs sem fer í varnarmann og þaðan í hlýjan faðm Árna Snæs.

Markús Máni hamrar boltanum í hausinn á Hallgrími Mar og boltinn aftur fyrir endalínu KA-manna. Warén tekur hornspyrnuna en gestirnir koma boltanum frá.

Guðmundur Baldvin með mjög svo heimskulega tæklingu í teignum og brýtur á Hallgrími. Réttur dómur.

KA með gott upphlaup. Birgir með fasta fyrirgjöf og Jakob Snær nær örlítilli snertingu á boltann sem fer rétt framhjá stöng Stjörnunnar.

Voðalega rólegt yfir þessu.

Jakob Snær fellur við í teig Stjörnunnar og kallar eftir vítaspyrnu en nákvæmlega ekkert í þessu. Helgi Mikael lætur leikinn réttilega halda áfram.

Stjörnumenn búnir að halda betur í boltann en KA hefur þó verið hættulegra liðið.

Birgir Baldvins vinnur boltann hátt uppi og boltinn berst á Adam Ægi sem er sloppinn einn í gegn en flaggið á loft. Hárrétt metið hjá AD1!

KA fær sína þriðju hornspyrnu. Bltinn á nær á Jakob Snæ sem skallar boltann frá markinu og út af.

Örvar Eggerts fer í harkalega tæklingu á Jeppe Pedersen, KA-menn vilja sjá það gula fara á loft, en Helgi Mikael flautar ekki einu sinni brot. Áhugavert.

KA-menn fá aukaspyrnu á miðjum velli. Hallgrímur Mar tekur hana hratt og þræðir Birgi Baldvins í gegn.

Birgir ætlar að koma boltanum fyrir mark Stjörnunnar en setur boltann beint í varnarmann og Garðbæingar bægja hættunni frá.

Heimamenn fá nú hornspyrnu. Benedikt Warén með bolta á Gustav Kjeldsen sem skallar boltann beint í lúkurnar á Stubbi.

KA fær hornspyrnu. Hallgrímur tekur en Árni Snær blakar boltanum frá marki Garðbæinga.

Birgir Baldvinsson með góða fyrirgjöf á Adam Ægi sem stangar boltann rétt framhjá marki Stjörnumanna.

Gestirnir fá hornspyrnu strax á fyrstu mínútu. Ekkert kemur upp úr henni en Norðanmenn halda í boltann.

Í tilefni af Bleikum október.

Liðin ganga til vallar. Aðeins búið að bætast í stúkuna, við nálgumst 60 manns!

Mætingin alls ekki upp á marga fiska, 5 mínútur í leik og ekki fleiri en 30 í stúkunni. Vona að Siggi Dúlla sé með ofurtilboð á Dúllubarnum og fólk feli sig þar.

Um er að ræða fyrsta leik karlaliðs Stjörnunnar á nýju gervigrasi á Samsungvellinum. Mun léttara yfir nýja grasinu, sem er í skærgrænni lit.

Í græjunum ómar Engin Önnur, lag eftir Hauk Brink, leikmann Stjörnunnar. Haukur var lánaður frá liðinu í sumarglugganum til Aftureldingar.

Stjörnumenn gera þrjár breytingar á byrjunarliði sínu frá 5-2 tapi gegn FH í síðustu umferð fyrir landsleikjahlé.

Inn í byrjunarliðið koma þeir Sindri Þór Ingimarsson, Ibrahim Turay og Christian Bjarmi Alexandersson, sem er í byrjunarliði í fyrsta sinn í treyju Stjörnunnar.

Christian gekk í raðir Stjörnunnar frá Grindavík í sumar og hefur hann spilað tvo leiki fyrir liðið.

Úr liðinu víkja Daníel Finns, Ari Leifsson og Alex Þór Hauksson. Daníel er utan hóps.

Eiður Smári Guðjohnsen og Hallgrímur Jónasson gera engar breytingar á byrjunarliði sínu frá 3-0 sigri liðsins á Þór í síðustu umferð.

KA vann erkifjendurna í Þór, 3-0, í síðustu umferð í sannkölluðum sex stiga leik. Liðið er nú í 10. sæti með 23 stig, tveimur stigum fyrir ofan Þór, sem er í 11. sæti.

Þór mætir ÍBV fyrir norðan og hefst sá leikur sömuleiðis klukkan 14:00. ÍBV er á botni deildarinnar með 19 stig.

Hér að neðan eru allir molar um KA sem birtist í risastóra slúðurpakka Fótbolta.net í vikunni.

KA
Óljóst er hver mun stýra KA á næsta tímabili. Eiður Smári Guðjohnsen kom inn og samdi út tímabilið og ólíklegt þykir að Hallgrímur Jónasson verði áfram þjálfari liðsins.

Einhverjar sögur eru um að Haddi gæti tekið að sér skrifstofustarf hjá KA, þá sem yfirmaður fótboltamála hjá félaginu og sömuleiðis er Haddi orðaður við Þór ef Þorparar kjósa að breyta til hjá sér.

Heimir Guðjónsson hefur verið orðaður við KA en háværari orðrómur er um að hann taki við Stjörnunni.

Það þykir ólíklegt að Adam Ægir Pálsson verði áfram á Akureyri þegar samningur hans við KA rennur út í lok árs.

Steinþór Már Auðunsson, Stubbur, fer frá KA og verður mögulega spilandi aðstoðarþjálfari Magna.

Rodri, sem sleit krossband snemma sumars, gæti verið áfram hjá KA. Spánverjinn hefur verið lengi hjá félaginu og er öflugur í að miðla til yngri leikmanna.

Þorri Mar Þórisson er með áframhaldandi samning við Stjörnuna en hann er orðaður við KA.

Framtíð leikmanna hjá KA, Þór og ÍBV mun betur koma í ljós á næstu vikum þegar ljóst verður hvaða lið nær að halda sæti sínu í Bestu deildinni.

Hér að neðan eru allir molar um Stjörnuna sem birtist í slúðurpakkanum vígalega á Fótbolta.net fyrr í vikunni. Heimir Guðjóns, Viðar Ari og Bjarni Þór Viðarsson eru meðal nafna sem koma við sögu.

Stjarnan
Heimir Guðjónsson verður ekki áfram við stjórnvölinn í Árbænum. Þjálfarinn er sterklega orðaður við þjálfarastöðuna hjá Stjörnunni og sumar sögur eru á þá leið að það sé frágengið að hann verði næsti þjálfari Stjörnunnar.

Þrátt fyrir að hafa endursamið við Gróttu er Rúnar Páll Sigmundsson áfram orðaður við þjálfarastarfið í Garðabænum.

Bjarni Þór Viðarsson er orðaður við starf yfirmanns fótboltamála hjá Stjörnunni ásamt sömu stöðu hjá Val. Bróðir hans sinnir sama starfi hjá FH. Stjarnan ætlar að ráða mann í þá stöðu á næstu vikum, en Stjörnumenn hafa ekki verið með það stöðugildi áður.

Stjarnan á enn eftir að ráða í stöðu yfirþjálfara yngri flokka sem er nokkuð stórt starf í íslenska fótboltaheiminum.

Kristófer Konráðsson verður samningslaus eftir tímabil en Fram vill halda honum. Slúðrað hefur verið um mögulega endurkomu í Garðabæinn en það er líka áhugi frá öðrum liðum í Bestu.

Kantmaðurinn Theodór Ingi Óskarsson hjá Fylki er sömuleiðis á óskalista Stjörnunnar.

Viðar Ari Jónsson er á heimleið frá HamKam og er Stjarnan með hann á óskalista sínum. Þá hafa Garðbæingar sömuleiðis augastað á Hjörvari Daða Arnarssyni, markverði Grindavíkur.

Arnór Ingi Kristinsson (ÍBV) er á óskalista Stjörnunnar. Hægri bakvörðurinn er uppalinn hjá Stjörnunni. Þá hefur félagið jafnframt áhuga á því að kaupa Aron Lucas Vokes frá Selfyssingum en hann lék á láni með ÍBV seinni hluta sumars. Selfyssingar vilja halda honum.

Andri Rúnar Bjarnason mun yfirgefa Stjörnuna þegar samningur hans við félagið rennur út eftir tímabilið.

Árni Snær Ólafsson, Damil Dankerlui, Sindri Þór Ingimarsson og unglingalandsliðsmarkvörðurinn Ðuro Stefan Beic eru sömuleiðis með lausa samninga.

Fyrirliðinn Guðmundur Kristjánsson hefur þá tilkynnt að hann muni leggja skóna á hilluna í lok tímabils. Svo er spurning hvort Árni Vilhjálmsson og Daníel Finns Matthíasson verði áfram í Garðabæ.

Halldór Snær Georgsson, markvörður KR, er orðaður við Stjörnuna skyldi Árni Snær Ólafsson yfirgefa Garðabæinn.

Þorri Mar Þórisson er með áframhaldandi samning við Stjörnuna en hann er orðaður við bæði KA og ÍBV.

KA vann 3-0 sigur á erkifjendunum í Þór í síðasta leik fyrir hlé. Eiður Smári Guðjohnsen stóð ekki á svörum er hann var spurður út í landsleikjahléið langa í viðtali eftir leik. „Það er sennilega það síðasta sem ég myndi óska mér að fara í þriggja vikna frí núna.“

Heilir og sælir lesendur góðir og veriði hjartanlega velkomin í þráðbeina textalýsingu frá Samsungvellinum í Garðabæ.

Hér klukkan 14:00 mun hefjast viðureign Stjörnunnar og KA í 25. umferð Bestu deildarinnar.


laugardagur 10. október

Besta karla - Efri hluti
19:15 Fram-KR (Lambhagavöllurinn)

Besta karla - Neðri hluti
14:00 Stjarnan-KA (Samsungvöllurinn)
14:00 Valur-FH (N1-völlurinn Hlíðarenda)
14:00 Þór-ÍBV (VÍS völlurinn)

sunnudagur 11. október

Besta karla - Efri hluti
19:15 Víkingur R.-ÍA (Víkingsvöllur)
19:15 Breiðablik-Keflavík (Eikarvöllurinn)