Kveðja Bestu deildina með tapi hér á Akureyri. Þór lfir enn en það er ljóst að það verður annað Akureyrarliðanna sem mun fylgja ÍBV niður.

Eyjamenn eiga hornspyrnu,

Fyrstir á boltann eftir hornið en skallinn beint á Aron Birki.

Mínúturnar verða samt fleiri, Þórsari liggur í eigin teig og þarf aðhlynningu.

Það er allt og sumt sem Eyjamenn hafa til að bjarga sér. Þeir þurfa helst að vinna.

Hef aðeins minnst á hann einu sinni í lýsingu dagsins en ég hef misst töluna á því hversu oft Gyrðir Hrafn hefur komið boltanum frá hættusvæðinu við teig Þórs.

Verið hreint út sagt frábær.

Sesar vinnur horn fyrir Eyjamenn.

Þorri gerir vel úti hægra megin og kemur sér inn á teiginn, setur boltann fyrir markið þar sem Fannar Daði rekur kollinn í boltann en nær ekki að stýra boltanum í markið.

Hársbreidd frá því að skora með sinni fyrstu snertingu.

Þórsarar sækja hratt og eru þrír á þrjá. Einar Freyr ber boltann upp að vítateig ÍBV vinstra megin og setur boltann á Greko sem er aleinn við markteig en skóflar boltanum yfir markið!

Eyjamenn að einoka boltann hér mikið til.

Uppskera hornspyrnu.

Boltinn skallaður út fyrir teiginn og fellur fyrir Sesar sem á skot sem Milan Tomic stýrir í netið, Milan góðum 2 metrum fyrir innan þó svo það telur ekki.

Omar Sowe að reyna að brjótast inn á teiginn með kröftugu hlaupi. Ásbjörn Líndal með góða tæklingu og kemur boltanum frá.

Sesar Örn kallar eftir hendi hér eftir misheppnaða fyrirgjöf. Mátti reyna það en boltinn augljóslega í höfuð Greko

Eyjamenn geta ekkert treyst á nema sjálfa sig hér. KA er að vinna Stjörnuna í Garðabæ 2-0 og í ofanálag var Benedikt Warrén að fá beint rautt spjald í liði Stjörnunar.

Omar Sowe með boltann við D-bogann og reynir skotið. Engin kraftur og stefnan beint á Aron Birki sem hirðir upp boltann.

Eyjamenn að þyngja pressu sína og stíga ofar á völlinn.

Felix grýtir boltanum langt inn á teig Þórs, Þar fer hann beint upp í loftið en endar á höfði Eyjamanns er hann kemur niður sem nær skalla að marki en beint í fang Arons.

Það er mikill hiti í mönnum á vellinum og þráðurinn mjög stuttur hjá mönnum.

Eyjamenn setja boltann í netið

Edeland með góðan skalla í hornið fjær eftir sendingu frá Bjarka Birni, Ýtir aðeins frá sér og er dæmdur brotlegur.

En þetta var mjög soft frá mér séð.

Gestirnir ýta boltanum af stað á ný, Omar Sowe er mættur til vallar. Síðasti séns.

Heimamenn í Þór leiða hér í hálfeik eftir afar sérkennilegt mark. Eins og staðan er í öðrum leikjum er ÍBV að falla og þeir því á allra síðasta séns hér í síðari hálfleik.

Menn mun eflaust ræða atvik í fyrri hálfleiknum þar sem Aron Birkir markvörður Þórs lenti í samstuði við Aron Vokes leikmann ÍBV. Eyjamenn vildu brot og mögulega rautt spjald en Vilhjálmur dæmdi ekkert.

Frábær hornspyrna frá Einari Frey frá vinstri ratar á kollinn á Gyrði á fjærstönginni sem skallar hann í slánna og út.

Eyjamenn stálheppnir að vera ekki tveimur mörkum undir.

Róbert Elís með skalla að marki eftir hornið en Aron Birkir kýlir boltann frá.

Eyjamenn reyna að sækja, vinna hornspyrnu.

Sem stendur er ÍBV að falla í dag þar sem KA er komið yfir í Garðabænum.

Ágúst Eðvald fer með með boltann úti til vinstri og nær góðri fyrirgjöf með jörðinni inn á teiginn. Eyjamenn fyrstir á boltann og hreinsa.

Spámaður umferðarinnar hefur til þessa haft þennan leik á lás. Lokaður er hann svo sannarlega.

Þetta voru þokkalegar tafir en báðir enn á vellinum og leikurinn rúllar af stað á ný.

Valour lyftir boltanum innfyrir, samskiptaleysi í vörn Þórs leiðir til þess að Aron Birkir mætir út og lendir í hörðu samstuði við Aron Lucas í liði ÍBV. Vilhjálmur dæmir ekki brot og lætur leik halda áfram, Eyjamenn skila boltanum út af og báðir þurfa aðhlynningu.

Aron Birkir virðist vera sá sem hefur farið verr út úr þesssu. Verið að henda heilli teiprúllu á lærið á honum.

Hornspyrna Einars slök. Siglir yfir teiginn og afturfyrir í markspyrnu.

Þór vinnur aukaspyrnu á góðum stað til fyrirgjafar. Brotið á Kristófer. Einar Freyr mætir á vettvang og spyrnir boltanum inn á teiginn.
Boltinn fellur fyrir Bjarna Guðjón sem nær skotinu sem fer af varnarmanni og í horn.

Þorri í með boltann hægra megin í teiginum, færir boltann yfir á vinstri fótinn og lætur vaða en skotið kraftlítið og fer örugglega í fang Ara í marki ÍBV.

Vicente Valour í ágætri stöðu við teiginn og nær skoti sem fer framhjá.

Gestirnir verið að vinna sig betur inn í leikinn síðustu mínútur. Spila sig vel upp völlinn og reyna að þræða Róbert Elís að mér sýnist í gegn en Aron Birkir mætir langt út og hreinsar.

Ásbjörn Líndal lyftir boltanum snyrtilega yfir vörn ÍBV á Þorra sem er í hlaupinu, Þorri tekur vel á móti boltanum en flaggið fer á loft.

Mikill kraftur og orka í liði Þórs í upphafi. En færin ekki fylgt.

Það eru heimamenn sem sparka okkur af stað hér.

Hvað var þar að finna um liðin sem hér mætast?

Þór
Einar Freyr Halldórsson (Þór) fer að öllum líkindum út í atvinnumennsku í vetur. Mörg félög erlendis hafa fylgst með honum og hann hefur verið orðaður við Rosenborg og Brann.

Þór hefur mikinn áhuga á Jakob Ocares Kristjánsson hjá Þrótti sem verður samningslaus í lok árs.

Kevin Vazquez og Isaac Atanga (Þór) verða áfram í Þorpinu. Yann Affi og Christian Greko Jakobsen hjá Þór eru með lausa samninga.

Varnarmaðurinn Affi verður ekki áfram hjá félaginu en Greko gæti framlengt veruna á Akureyri. Victor Bertomeu hefur ekki náð að heilla og verður ekki áfram hjá félaginu.

Unglingalandsliðsmaðurinn Ásbjörn Líndal Arnarsson er á blaði hjá félögum erlendis en tekur líklegast annað ár hjá Þórsurum.

Þórsarar eru með augastað á Israel Garcia sem rennur út af samningi hjá Fram eftir tímabil.

Skyldu Þórsarar ráðast í þjálfarabreytingar hefur nafn Hallgríms Jónassonar verið fleygt fram í þorpinu.

ÍBV
ÍBV hefur áhuga á að fá Hjörvar Daða Arnarsson aftur í búrið og hann á kærustu í Eyjum.

Arnór Ingi Kristinsson er á blaði hjá Val og Stjörnunni og gæti hann yfirgefið félagið í vetur. Omar Sowe er á förum frá Eyjamönnum standist hann læknisskoðun hjá KR.

ÍBV er með kaupákvæði í lánssamningi Arons Lucasar Vokes sem er á láni frá Selfossi.

Þorri Mar Þórisson er á óskalista Eyjamanna en hann er á áframhaldandi samning hjá Stjörnunni. KA horfir einnig til hans.

Heimamenn í Þór gera þrjár breytingar frá tapinu gegn KA fyrir landsleikjahlé. Yann Affi, Vilhelm Ottó Biering og Sigfúss Fannar Gunnarsson eru ekki með liði Þórs í dag. Inn í liðið í þeirra stað koma þeir Ásbjörn Líndal Arnarsson, Bjarni Guðjón Brynjólfsson og Sverrir Páll Ingason.

Hjá gestunum eru einnig breytingar en Eiður Atli Rúnarsson, og Halldór Jón Sigurður Þórðarson víkja fyrir þeum Sigurði Arnari Magnússyni og Milan Tomic.

Anton Ingi Rúnarsson, þjálfari kvennaliðs Fram, spáir í leikina að þessu sinni. Anton er einn af þjálfurum ársins eftir að hafa gert mjög góða hluti með Framliðið í sumar.

Um leik Þórs og ÍBV segir hann.

Þór 0 - 1 ÍBV

Lokaðasti leikur umferðarinnar, bæði lið hrædd um að missa af lestinni en bæði lið þurfa að vinna til þess að halda í hana. Það mun bera mest á spjöldum, tuði og miklum hita í leiknum þar sem mikið er undir fyrir bæði lið. En það mun bera til tíðina á 87mínutu þegar Eyjapeyjar fá aukaspyrnu á góðum stað við D-bogan og mun fyrirliðinn taka knöttinn og snúa honum beint uppí samúel og taka RISASTÓR 3 stig til Eyja og halda eyjunni á lífi.

Vilhjálmur Alvar Þórarinsson er dómari leiksins á VÍS Vellinum í dag. Honum til aðstoðar eru Gylfi Már Sigurðsson og Jovan Subic. Arnar Þór Stefánsson er fjórði dómari og eftirliti á vegum KSÍ sinni Bragi Bergmann.

Það var þungt fyrir lið Þórs að lúta í gras 3-0 fyrir grönnum sínum í KA í síðasta leik fyrir landsleikjahlé. Biðin hefur verið löng en henni er loks lokið og styttist í ögurstund.

Þór hefur tapað fyrstu tveimur leikjum sínum í þessum neðri hluta gegn Val og KA en hafði fyrir það unnið síðustu tvo leiki sína í venjulegu móti gegn FH og á útvelli gegn ÍBV.

Sigurður Höskuldsson þjálfari Þórs sagði eftir sigurinn gegn ÍBV í 21.umferð að sá leikur hefði verið sá fyrsti af sjö úrslitaleikjum. Hindranir urðu á vegi liðsins í töpum gegn Val og KA en það er spurning hvort að liðinu takist að ná fótfestu á nýju í dag í þessum harða fallbaráttuslag.

Það er að duga eða drepast fyrir gestina úr Vestmannaeyjum í dag sem geta fallið úr deildinni í dag tapi þeir og úrslit í leik Stjörnunar og KA verði þeim óhagstæð.

Botnsætið er hlutskipti þeirra í dag þar sem liðið situr með 19 sitg. Sæti ofar má finna gestgjafa dagsins Þór með 21 stig og grannar þeirra í KA eru svo þar fyrir ofan með 23 stig.

Þegar maður lítur yfir úrslit ÍBV að undanförnu er þó erfitt að finna ljósan punkt til að vekja bjartsýni um að liðið finni sigra til að bjarga sér. Alls eru liðnir 98 dagar síðan lið ÍBV fagnaði sigri síðast í deildinni en það var þann 4.júlí síðastliðinn þegar liðið vann 1-0 heimasigur á liði Vals.

Verkefnið því ærið fyrir Aleksandar Linta og hans menn ´sem eflaust mæta dýrvitlausir til leiks.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá Vís Vellinum á Akureyri. Framundan er sannkallaður fallslagur Þórs og ÍBV en flautað verður til leiks klukkan 14.