Og uppsker mikið baul frá stuðningsmönnum Fram, en það er ekki sanngjarnt, það var ekki Ívar sem tapaði þessum leik fyrir Framara.

Skýrsla og viðtöl á leiðinni.

Ægir fær boltann inn á teiginn og reyndir að senda þvert fyrir teiginn en KR hreinsar í horn.

Viktor Freyr kemur fram en KR-ingar ná að verjast þessu öllu saman.

Þarna var Eiður í ákjósanlegri stöðu til að klára þennan leik...

Kennie núna í baráttunni inná teignum en Akoto bjargar.

Halli með aukaspyrnuna inn á teiginn en Akoto skallar frá.

Már Ægisson kemur askvaðandi inn á teiginn og Arnór Ingvi stuggar aðeins við honum og Már fer niður, Ívar dæmir markspyrnu sem er hárréttur dómur.
Már fór ansi auðveldlega niður þarna.

Við eigum nóg eftir hér.

Fyrirgjöfin frá Kennie inn á markteiginn fer í gegnum tvo Framara og þaðan í sandinn, skóstærð til eða frá og Fram væri að fagna jöfnunarmarki hér.

Kemur sér inn á teiginn og fer á vinstri, lætur vaða en Arnar ver í horn.

Fred með fína spyrnu en Eiður Gauti skallar frá.

Arnór með spyrnuna fast inná teiginn og Ástbjörn rekur tánna í þetta en framhjá fer boltinn.

Virtist bara vera skot sem fer yfir markið.

En tilraunin vond og hátt yfir, hittir boltann illa.
Fram þarf að nýta þessa sénsa.

Sendingin beint á Má sem keyrir í 1v1 stöðu á Akoto við teiginn en Akoto gjörsamlega étur Má þarna og kemur boltanum upp á Luke sem kemur sér í skot en það í Kyle og Framarar koma hættunni frá.

Þar sem Aron Þórður bjargar í annað horn.

Uppúr því kemst Vuk í færi á vinstri en hittir boltann illa.

Akoto gefur Óskari skýrt merki um skiptingu.
Þetta var klárlega alvarlegt og byltan ljót sem Orri fékk en gott að hann getur labbað sjálfur af velli.

Sem er auðvitað hárrétt metið hjá Ívari, Orri lendir illa á höfðinu og fær slink á hálsinn, sjúkraþjálfarar KR fljótir inn á völlinn, þetta lítur ekkert sérstaklega út.

Framarar tryllast samt yfir því að leikurinn sé stöðvaður, en þetta er ekkert annað en frábær dómgæsla hjá Borgnesingnum Ívari.

Arnór Ingvi dansar á línunni í baráttunni við Fred, vinnur boltann og Fred tekur svokallað hefnibrot og er dæmdur brotlegur, Arnór lá aðeins eftir en allt komið í gang aftur.

Virkilega gott spil Framara skilar sendingu inn á teiginn þar sem Vuk hælar hann á vítapunktinn fyrir Robba Hauks sem hamrar rétt yfir markið úr algjöru dauðafæri.

Þarna verður Robbi að hitta á markið.

Arnór Ingvi vinnur boltann og keyrir á Fram vörnina, fær utanáhlaup frá Aroni sem Arnór ætlar að senda á en hittir ekki boltann og fer illa með ansi gott tækifæri til að refsa heimamönnum.

Framarar strax upp í dauðafæri en Arnar Freyr með virkilega góðar vörslur tvær.

Þetta er svo skemmtilegur og hraður leikur að ég er í vandræðum með að halda í við þetta tempo.

Og sækir horn sem Arnór Ingvi röltir til að taka.

Stutt útfærsla endar í einhverju kantspili...

Verði ykkur að góðu.

Fær pressu á sig frá Fred sem er hársbreidd frá því að vinna boltann en Arnar Freyr reddar þessu með tæklingu.

Þetta er ekkert eðlilega áhugavert dæmi hjá KR-ingum, núna nær Kennie að vinna boltann djúpt og keyra upp völlinn, Arnar er framarlega eins og alltaf en byrjar að spretta til baka, í stað þess að nota Fred eða Robba í gegn kýs Kennie að láta vaða og það fast, Arnar snýr sér við á hárréttum tímapunkti vel fyrir utan teiginn og getur skallað þennan bolta á samherja.

Aðeins hærra og þessi syngur í netinu.

Arnór Ingvi með spyrnuna sem Ægir skallar frá.

KR byrjar með boltann núna.

Meira af þessu í seinni takk, fleiri mörk líka.

Loksins eitthvað KR-legt hérna, Orri inná miðjunni snýr og keyrir, finnur hlaup hjá Galdri bakvið sem er í góðri stöðu og setur hann á Eið inná teignum en Eiður með boltann á vinstri tekur ömurlegt skot sem fer framhjá.

Þarna gat KR refsað og komist aftur yfir.

Og boltinn af Akoto í baráttunni við Þorra og fellur í hendurnar á Arnari Frey.

Finnur Tómas lendir í ævintýralegum vandræðum með pressu frá Fred sem vinnur boltann og skilur Finn eftir á rassinum, Fred kominn í enn eitt færið inná teignum en lætur vaða í Akoto og þaðan fer boltinn í andlitið á Robba Hauks og rétt framhjá, KR-ingar stálheppnir að sleppa með skrekkinn þarna!

En það gekk ekki, Finnur með frábæran varnarleik, vinnur boltann og vinnur svo innkastið með því að setja boltann í Kennie og útaf.

Finnur búinn að vera stórkostlegur fyrir KR hingað til.

Viktor Freyr með slaka spyrnu upp völlinn beint á Sigurð Breka sem keyrir á Fram vörnina, fær gott hlaup í gegn frá Eiði Gauta sem fær sendinguna en aðeins fyrir aftan sig og nær ekki að taka boltann með sér, Siggi Breki á að gera þetta aðeins betur og þá er Eiður Gauti kominn einn í gegn.

Fred að sækja aukaspyrnu úti vinstra megin og enn öskra Framarar á spjald en Ívar heldur þeim í vasanum enn sem komið er, og ég er sammála því.

Skilar sér í flikki inná teignum, Robbi tekur boltann niður og Fred þrumar í varnarmann og í innkast hinumegin sem Kennie skokkkar yfir að taka.

Eftir það hrekkur boltinn á Kennie sem neglir fyrir og Arnar slær frá.

Fer utan á Má vinstra megin og lyftir boltanum fyrir beint á ennið á Luke sem nær ekki að stýra þessu á markið.

Sendingin þarf að vera virkilega nákvæm til að koma Luke í skallafæri.

Kemur sér í skotstöðu á teignum og hamrar á markið en beint á Arnar sem á ekki í neinum vandræðum þarna.

En Arnar Freyr er fljótur til baka, ekki alveg nægur kraftur í þessu hjá Fred og Arnar nær að blaka þessu í horn, en tæpt var það!

Þetta gerist þegar Fram vinnur boltann og nær að koma honum hratt á sóknarmennina sína í góðum stöðum.

Fred gerir virkilega vel í að koma sér inn á teiginn vinstra megin, í frábært færi og reynir að negla í nær en Arnar les það og ver með fingurgómunum í stöngina og í horn.

Úr horninu nær Kennie skallanum en yfir fer hann.

Svo er Fred skyndilega aftur kominn í góða stöðu á teignum en Finnur kemst fyrir.

Krissi með boltann í góðri stöðu við teiginn og lætur vaða en rétt yfir.

Arnar á sprettinum til baka, Akoto settur á rassinn þegar Fred fór yfir á hægri en er aaaaðeins of lengi að koma sér í skotið úr algjöru dauðafæri og aftur er Finnur að komast fyrir.

Framarar miklu betri hérna og svo sannarlega klaufar að vera ekki búnir að skora.

Róbert komin í frábært færi inná teignum á vinstri og á meðan hann hleður í skotið hendir Finnur sér fyrir og blokkar þetta, heldur svo boltanum hjá sér í kjölfarið.

Þetta er ekkert eðlilega hratt og skemmtilegt hérna!

Fred tók hornspyrnuna fyrir Fram, Kennie skallaði afturfyrir sig á Halla sem fann Frey í góðri stöðu en Freyr með átakanlega utanfótarsendingu sem fer í markspyrnu.

Stuðningsmenn Fram öskra eftir spjaldi en ekki fer það á loft.

Krissi Konn lætur vaða og Arnar þarf að verja þetta yfir markið, virkilega föst spyrna hjá Krissa!

Már fær boltann bakvið vörnina upp hægra megin og Arnar er stórundarlega staðsettur, Már gerir það eina rétta og setur boltann framjá Arnari, sko hægra megin við Arnar en samt fer boltinn framhjá vinstra megin við markið, svo skeflilega staðsettur var Arnar þarna.

Már á bara að hitta markið þó það hafi verið frekar þröngur vinkyll.

Arnar Freyr þarf að taka sprettinn til baka í markið en Akoto með frábæran varnarleik gegn Robba Hauks og stöðvar hann.

Krissi Konn og Már Ægis spila vel upp hægra megin, Már í fyrirgjafastöðu hamrar þvert fyrir markið og Arnar Freyr slær hönd í boltann áður en Fred kemst í hann fyrir opnu marki, þetta var björgun hjá Arnari.

Freyr með hlaupið á bakvið, í frábærri fyrirgjafarstöðu en sendingin þvert fyrir markið aðeins of framarlega fyrir Róbert og Arnar handsamar.

Gabríel með djúpt hlaup úr vörninni og bakvið vörn Fram, fær boltann í gegn en fyrsta snertingin sveik hann illa og missir boltann afturfyrir.

Alvöru hraði í þessu, Ægir vann boltann af Aroni á miðjunni og er fljótur að setja boltann út til vinstri á Fred í 1v1 á Finn, Fred finnur Frey sem reynir skotið við teiginn en í Akoto og KR-ingar vinna boltann.

Arnór Ingvi tekur hana stutt með Aroni Sig sem gerir illa gegn Fred og missir boltann í markspyrnu.

Fyrirgjöf frá hægri sem Freyr hittir ekki en boltinn dettur fyrir Róbert sem hamrar yfir úr góðu færi.

Fram byrjar með boltann og sækir í átt að Hólmsheiði.

Ívar Orri flautar veisluna í gang, góða skemmtun!

Hérna koma út á völl alvöru kempur í sögu Fram, Birkir Kristins, Rikki Daða, Brynjar Jóhannesson og fleiri svo einhverjir séu nefndir.
Kempurnar still sér svo upp í myndatöku.

Liðin heilsast svo og það heyrist vel í Fram stuðningsmönnum hérna á pöllunum.

Fram:
Viktor
Kennie, Kyle, Þorri
Már, Krissi, Ægir, Freyr, Halli
Fred, Robbi Hauks

KR:
Arnar, Akoto, Finnur, Gabríel
Luke, Arnór, Orri, Siggi Breki, Galdur
Aron Sig, Eiður Gauti

Já ég stilli Arnari Frey upp í hægri bakverði, enginn í markI!

Framarar komnir inn í klefa og KR-ingar að taka síðustu skotin og skokka inn.

Það styttist í þessa veislu!

Allir pallborðssðekingarnir, Hannes Þór, Tómas Þór og Hjörvar Hafliða spáðu allir Fram sigri, var verið að kæta crowdið?

Get ekki séð neitt óvænt.
Sigurjón Rúnars í banni, Vuk á bekknum og Sigurður Breki byrjar hjá KR.

Eins og taflan sýnir okkur eru Vesturbæingar með stigi meira en heimamenn og sömuleiðis með yfirburði í markatölu.

Ég vonast til þess að við fáum opinn og skemmtilegan leik hérna í kvöld, þó það sé ágætlega mikið undir enda fer 2. sætið beint inn í 2. umferð Sambandsdeildarumspilsins en fær þó greitt eins og það hafi unnið fyrsta einvígið.

Birkir Sigurðarson og Eysteinn Hrafnkels verða Ívar til halds og trausts.
Nánar má lesa um dómaraskipan í umferðinni TEXT" target="_blank">hér.

Nánar má sjá viðtalið við formann Fram í hlekknum hér.

Fram 3 - 2 KR (19:15 á morgun)
Reykjavíkurleikirnir gerast ekki mikið stærri en þessi. Stúkan í Dalnum er farin að hristast og stefnir í nýjan þjóðhátíðardag í Dal draumanna. Leikurinn verður mun opnari en fólk spáir fyrir og byrja Framarar sterkt með Róbert Hauksson fremstan í flokki sem sleppur innfyrir og skorar fyrsta mark leiksins. KR-ingar eru þekktir fyrir skjótsvör og mun Aron Sig halda sínu formi áfram og skora draumamark strax í kjölfarið. Framarar mæta harðir til leiks í seinni halfleik og mun fyrrum KR kóngurinn Kennie skora með skalla eftir hornspyrnu og Fred mun fylgja í kjölfarið með mark úr aukaspyrnu. Galdur klórar í bakkan undir restina en það verður of seint og Framarar taka bílstjórasætið í baráttunni um 2. sætið.

Anton er þjálfari kvennaliðs Fram.

Og verið velkomin í beina textalýsingu frá slagnum um 2. sætið í Bestu deild karla.