Virkilega verðskuldaður sigur FH-inga og þeir næstum því búnir að tryggja sæti sitt í Bestu á næsta tímabili.

Fínar lokamínútur hjá Völsörum en allt kom fyrir ekki.

Viðtöl og skýrsla væntanleg.

Lúkas Logi gerir virkilega vel, fær boltann rétt fyrir utan vítateig og tekur fast og hnitmiðað skot sem fer rétt framhjá fjærstönginni.

FH fær horn.

Hornspyrnan ratar á Sverri en skallinn fer framhjá.

Birkir Valur fær boltann í andlitið og þarfnast aðhlynningar.

Jónatan Ingi gerir vel, kemst inn á völlinn og lætur vaða en skotið í varnarmann og afturfyrir.

Boltinn kemur inn á teiginn en það er skallað frá.

Valur fær horn.

Boltinn kemur inn á teiginn en Jökull kýlir frá.

Kjartan Kári vinnur hornspyrnu.

Boltinn kemur inn á teiginn og fyrirgjöfin er mjög góð. Sverrir er einn og óvaldaður við markmannsteiginn en hann nær ekki að stýra skallanum á markið.

Gils með stórkostleg fyrirgjöf frá hægri á fjær. Fyrirgjöfin ratar á Adolf Daða sem nær skallanum á markið af stuttu færi en Frederik Schram ver meistaralega.

Gils skiptir boltanum yfir á Adolf Daða. Hann kemur boltanum á Baldur Kára sem tekur skotið en það fer í varnarmann og í innkast.

Enn og aftur er Gils á ferðinni. Hann fer á vinstri fótinn og lætur vaða, boltinn á viðkomu í varnarmann sem truflar aðeins Frederik Schram en hann nær að verja.

Tryggvi Hrafn vinnur horn.

Boltinn kemur inn á teiginn frá Tryggva og Markus Nakkim nær skalla sem fer framhjá.

Ingimar Stöle vinnur hornspyrnu fyrir Val.

Boltinn kemur út í teiginn og Hörður Ingi kemur með fyrirgjöf sem er skölluð afturfyrir.

Seinni hornspyrnan kemur inn á teiginn en Oliver skallar frá.

Kjartan Kári sparkar þessu í gang á ný.

KA eru 2-0 yfir í Garðabænum og Þórsarar eru 1-0 yfir gegn ÍBV. Eins og staðan er núna munu Eyjamenn leika í Lengjudeildinni á næsta tímabili.

FH-ingar hafa stjórnað þessum leik frá fyrstu mínútu. Þeir eru einfaldlega betri á öllum sviðum leiksins.

Valsarar eru ekki mættir til leiks og mega teljast stálheppnir að vera ekki meira undir í hálfleik.

Ein mínúta í uppbót.

Enn og aftur kemst Gils upp að endamörkum og kemur með fyrirgjöf en Frederik Schram setur boltann í horn.

Hornspyrnan kemur inn á teiginn en Hólmar skallar frá.

Valur fær horn.

Boltinn kemur inn á teiginn en Oliver skallar frá.

Jóhannes Kristinn kemst inn á vítateig Vals eftir lúmska sendingu frá Tómasi Orra. Jóhannes nær skoti en Frederik Schram sér við honum. Í kjölfarið berst boltinn til Adolfs Daða en sendingin hans ratar ekki á samherja.

Gils kemur boltanum á Adolf Daða sem leggur boltann út á Kjartan Kára. Hann reynir að skrúfa boltann í fjærhornið og var ekki svo langt frá því.

Löng sókn Vals endar með fyrirgjöf frá Lúkasi Loga. Sendingin ratar á kollinn á Tryggva en hann nær ekki að stýra boltanum á markið.

Gils kemst upp að endamörkum og vinnur hornspyrnu.

Boltinn kemur inn á teiginn frá Kjartani Kára en Frederik Schram nær að kýla frá og aukaspyrna dæmd.

FH-ingar með öll tök á þessum leik hingað til og gætu auðveldlega verið búnir að loka þessum leik ef ekki hefði verið fyrir Frederik Scram, þvílík varsla.

Kjartan Kári þræðir Gils í gegn með gullfallegri stungu. Gils stingur alla varnarmenn Vals af og er kominn einn á móti Frederik Scram. Gils tekur skotið en Frederik ver meistaralega í marki Vals og afturfyrir fer knötturinn.

Ekkert verður úr hornspyrnunni.

Adolf Daði fær boltann í ágætis stöðu en flaggið fer á loft.

Mikið klafs inni á teignum, boltinn hrekkur til Kristófers Dags en skotið hans er varið á línu og FH bægja hættunni frá.

Það kemur fyrirgjöf frá vinstri og Hörður Ingi skallar boltann í eigin stöng og afturfyrir markið.

Hornspyrnan kemur inn á teiginn og Oliver nær skalla sem fer yfir markið.

Tryggvi kemur með boltann inn á teiginn en aftur skallar Oliver frá.

Jónatan finnur Tryggva inni á teignum og Tryggvi nær skoti sem fer í varnarmann og í horn.

Boltinn kemur inn á teiginn en Oliver hreinsar í annað horn.

Tómas Orri sendir boltann til hliðar á Jóhannes Kristin. Hann lætur vaða langt fyrir utan teig en skotið víðs fjarri markinu.

Valur fær fyrstu hornspyrnu leiksins.

Tryggvi kemur með boltann inn á teiginn en Oliver skallar frá. Í kjölfarið fær Valur annað horn. Þeir taka það stutt og síðan kemur fyrirgjöf sem fer afturfyrir endamörk.

Tryggvi Hrafn sparkar þessu í gang.

Það eru 15 mínútur í að þessi leikur hefjist. Það eru fínustu aðstæður á N1-vellinum og liðin eru að hita upp á fullu.

Chris Brazell, þjálfari Vals, gerir tvær breytingar á liði sínu eftir 1-1 jafntefli gegn ÍBV. Tryggvi Hrafn Haraldsson og Hólmar Örn Eyjólfsson koma inn. Myles Veldman og Shkelzen Veseli fá sér sæti á bekknum. Patrick Pedersen er utan hóps í dag.

Jóhannes Karl Guðjónsson, þjálfari FH, heldur sama liði eftir 5-2 sigur gegn Stjörnunni.

Valur 1 - 2 FH
FH er komið á bragðið og tekst með þessum sigri að slíta sig frá fallinu. Valur er að bíða eftir að geta byrjað nýja vegferð á Hlíðarenda og mun leikurinn sýna það hvort liðið hefur að meiru að keppa. Kjartan Kári og Gils sjá um mörk FH en Patti P skorar mark Vals. FH-ingum gífurlega létt og geta sest á teikniborðið fyrir næsta tímabil.

Valsarar heimsóttu ÍBV í síðasta leik sínum fyrir landsleikjahléið þann 20. september. Matias Edeland kom Eyjamönnum yfir eftir 80 mínútna leik en Kristófer Dagur Arnarson jafnaði metin fyrri Val á annarri mínútu uppbótartíma. Leiknum lauk með 1-1 jafntefli og stigið tryggði Valsmönnum sæti í Bestu deildinni á næsta tímabili.



FH-ingar tóku á móti Stjörnunni í Kaplakrika í síðasta leik sínum fyrir landsleikjahléið þann 20. september. Hafnfirðingar fóru illa með gestina og unnu sannfærandi 5-2 sigur. Kjartan Kári Halldórsson skoraði tvö mörk fyrir FH og lagði auk þess upp eitt mark. Sigurinn var sá annar í röð hjá FH og kom liðinu í góða stöðu í baráttunni um að halda sæti sínu í Bestu deildinni.

Hér fyrir neðan er allar þær fréttir um FH sem birtust í risastóra íslenska slúðurpakka fótbolta.net í vikunni.

FH
FH vill halda þeim Erlingi Agnarssyni og Jóhannesi Kristni Bjarnasyni sem eru á láni hjá félaginu frá Víkingi.

Félagið vonast þá til að ná góðum sölum í vetur en félagið á þá Kjartan Kára Halldórsson, Baldur Kára Helgason og Tómas Orra sem eru góðar söluvörur og þeir Oliver Stefánsson, Ísak Óli Ólafsson og Jökull Andrésson hafa sömuleiðis átt gott tímabil.

Sænska félagið Hammarby vill fá Róbert Huga Sævarsson sem er miðjumaður fæddur 2010 og hefur fengið mínútur með FH í sumar.

Þeir Birkir Valur Jónsson, Grétar Snær Gunnarsson, Kristján Flóki Finnbogason, Arnór Borg Guðjohnsen, Allan Purisevic og Jóhann Ægir Arnarsson eru með lausan samning við FH.

Logi Hrafn Róbertsson er orðaður við heimkomu frá Svíþjóð og gæti hann snúið aftur í Hafnarfjörðinn.

FH hefur gert tilboð í Karl Ágúst Karlsson, efnilegan kantmann HK. ÍA er sömuleiðis á eftir honum.

FH hefur áhuga á Johannes Vall sem er að yfirgefa ÍA. Jóhannes Karl Guðjónsson, þjálfari FH, var þjálfari ÍA þegar Vall samdi við félagið.

Guðmundur Tyrfingsson er með lausan samning hjá Fylki og hefur FH áhuga á honum eins og áður. Jóhannes Karl þekkir vel til Guðmundar en hann stýrði honum hjá ÍA.

Hér fyrir neðan eru allir molar um Val sem birtust í risastóra íslenska slúðurpakka fótbolta.net í vikunni.

Valur
Halldór Árnason vill endurnýja kynnin við Höskuld Gunnlaugsson, Viktor Örn Margeirsson, Kristófer Inga Kristinsson og Viktor Karl Einarsson. Þá er Kristinn Steindórsson sömuleiðis orðaður við félagið en hann er að yfirgefa Breiðablik.

Valur hefur mikinn áhuga á því að fá Sigurð Bjart Hallsson frá Spáni en ólíklegt þykir að hann haldi heim til Íslands í vetur.

Aron Snær Ingason var búinn að ná samkomulagi við Val áður en hann skrifaði undir nýjan samning hjá Þrótti.

Valur nýtti sér ákvæði í samningi Tuma Fannars Gunnarssonar við Fylki sem hægt var að nýta þar sem Fylkir komst ekki upp í Bestu deildina. Kaupverðið er því ekki talið hátt.

Dagur Orri Garðarsson er áfram á blaði hjá Zilina og Fredericia og líkur á að hann fari erlendis í næsta glugga.

Valur er á meðal liða sem hafa áhuga á Daða Berg Jónssyni, Viðari Ara Jónssyni og Bjarti Bjarma Barkarsyni.

Hólmar Örn Eyjólfsson er samningslaus eftir tímabil og gæti lagt skóna á hilluna.

Albin Skoglund og Myles Veldman eru með lausan samning við Val en líklegt þykir að Skoglund verði áfram. Veldman verður að öllum líkindum ekki áfram hjá Val en gæti fengið annan samning á Íslandi. Markus Nakkim er sömuleiðis að renna út af samningi og gæti yfirgefið félagið.

Jóhann Árni Gunnarsson og Örvar Eggertsson, leikmenn Stjörnunnar, eru báðir orðaðir við Val og reyndi Valur að kaupa Örvar undir lok gluggans.

Hlynur Freyr Karlsson er á láni hjá Breiðabliki frá Brommapojkarna. Saminngur hans við sænska félagið rennur út í vetur og búist er við því að bæði Valur og Breiðablik reyni að festa kaupa á honum.

Ómar Björn Stefánsson (ÍA) er á óskalista Vals og reyndi félagið að kaupa hann í sumar. Valsmenn hafa einnig áhuga á Freysteini Guðnasyni (Njarðvík) og Jakobi Ocares Kristjánssyni (Þróttur).

Arnór Ingi Kristinsson (ÍBV) er á blaði hjá Val, en hann þekkir vel til á Hlíðarenda þar sem faðir hans er í stjórn.

Oliver Sigurjónsson verður aðstoðarþjálfari Vals og Haraldur Björnsson markmannsþjálfari. Þeir Arnór Sveinn Aðalsteinsson, Michael John Kingdon og Matthías Vilhjálmsson voru orðaðir við aðstoðarþjálfarastöðuna.

Logi Hrafn Róbertsson er orðaður við heimkomu frá Svíþjóð og gæti hann snúið aftur í FH en Valur hefur sýnt mikinn áhuga á honum í gegnum tíðina.

Valur hefur mikinn áhuga á Eysteini Rúnarssyni, leikmanni Grindavíkur, og er félagið í baráttu við Fram um leikmanninn.

Bjarni Þór Viðarsson er orðaður við starf yfirmanns fótboltamála hjá Val eftir að Gareth Owen hætti störfum.

Frederik Schram, markvörður Vals, hefur framlengt samning sinn til 2029 en samningur hans átti að renna út eftir næsta tímabil.

Í slúðurpakkanum sem birtist í gær segir að Valur hafi nýtt sér ákvæði í samningi Tuma sem varð virkt þar sem Fylkir komst ekki upp í Bestu deildina. Kaupverðið er því ekki talið hátt.

FH lagði fram tilboð í Karl Ágúst Karlsson en HK hafnaði tilboðinu. Við sögðum frá tilboðinu í risastóra slúðurpakkanum sem birtur var í gær og Fótbolti.net hefur fengið staðfest að tilboði FH var hafnað.

Twana Khalid Ahmed er aðaldómari. Honum til aðstoðar eru Ragnar Þór Bender og Ronnarong Wongmahadthai.

Elías Ingi Árnason er fjórði dómari og Halldór Breiðfjörð Jóhannsson er eftirlitsmaður.

Góðan daginn kæru lesendur og verið velkomin í beina textalýsingu frá N1-vellinum. Í dag eigast Valur og FH við í Bestu deild karla. Flautað verður til leiks á slaginu 14:00.


laugardagur 10. október

Besta karla - Efri hluti
19:15 Fram-KR (Lambhagavöllurinn)

Besta karla - Neðri hluti
14:00 Stjarnan-KA (Samsungvöllurinn)
14:00 Valur-FH (N1-völlurinn Hlíðarenda)
14:00 Þór-ÍBV (VÍS völlurinn)

sunnudagur 11. október

Besta karla - Efri hluti
19:15 Víkingur R.-ÍA (Víkingsvöllur)
19:15 Breiðablik-Keflavík (Eikarvöllurinn)