Varnarmaðurinn Lisandro Martinez, sem meiddist illa á hné í febrúar, er á góðum batavegi og tekur smám saman meiri þátt í æfingum Manchester United.
Hins vegar er óvíst hvort hann verði tilbúinn í fyrsta leik ensku úrvalsdeildarinnar gegn Arsenal eftir rúmlega tvær vikur.
Markvörðurinn Andre Onana glímir við tognun í lærvöðva en hefur nú byrjað að æfa aftur, líkt og Joshua Zirkzee, sem var frá vegna smávægilegra meiðsla.
„Ég er á batavegi. Þetta er ekkert alvarlegt, ég ætla að vera tilbúinn fyrir tímabilið," segir Zirkzee.
Manchester United mætir Everton í æfingaleik á sunnudag og mætir svo Fiorentina áður en kemur að keppni í ensku úrvalsdeildinni.
Athugasemdir
