Jose Mourinho og lærisveinar hans eru ennþá á toppi ensku úrvalsdeildarinnar eftir þessi úrslit.

„Jose Mourinho er skellihlægjandi og ánægður með þetta stig. Hann lyfti sér upp á toppinn og það er það eina sem hann hafði áhuga á ," sagði Gunnar Ormslev.

„Hann er kampakátur. Í viðtalinu eftir leik sagði hann að leikmennirnir væru ósáttir inn í klefa með að ná ekki í þrjú stig en það var sýndarmennska og mjög góður leikþáttur hjá Jose Mourinho."

Leikurinn um helgina var tíðindalítill en Tottenham ógnaði marki Chelesa lítið.

„Mourinho er skellihlægjandi. Það sást langbest í seinni hálfleikinn þegar þeir pökkuðu til baka. Hann heldur áfram að vinna með (Pierre-Emile) Hojberg og (Moussa) Sissoko nánast í hafsenta stöðunum þegar þeir eru ekki með boltann," sagði Gunnar.

Hér að neðan má hlusta á þátt gærdagsins. Það eru White Fox, Viking gylltur (léttöl) og Domino's sem bjóða upp á þáttinn.