Ída Marín og Guðrún báðar á skotskónum í stórsigri

Íslensku landsliðskonurnar voru báðar á skotskónum í fyrri hálfleik, en Guðrún kom Hammarby yfir á 13. mínútu áður en Ída Marín tvöfaldaði forystuna á 30. mínútu.

Með sigrinum komst Hammarby í 59 stig og er liðið nú fimm stigum á eftir Häcken, sem getur tryggt sér meistaratitilinn með sigri á Kristianstad á morgun.

Selma Sól Magnúsdóttir kom við sögu í stórsigri Rosenborg á Roa, 6-0, í norsku úrvalsdeildinni.

Selma hefur verið að fá mínútur af varamannabekknum eftir að hafa verið frá keppni um tíma vegna meiðsla og lék hún síðustu tuttugu mínúturnar í stórsigri Rosenborg í dag.

Rosenborg situr í þriðja sæti deildarinnar með 45 stig og hefur þegar tryggt sér sætið, sem veitir liðinu þátttökurétt í Evrópubikarinn á næsta tímabili.

Hafrún Rakel Halldórsdóttir lék síðustu mínúturnar með Bröndby sem vann 2-0 sigur á OB í dönsku úrvalsdeildinni. Bröndby er í þriðja sæti með 24 stig.

Þá kom Hildur Antonsdóttir inn á undir lok leiks í 5-1 stórsigri Newcastle United á Durham í enska deildabikarnum. Þetta var fyrsti sigur Newcastle í keppninni á tímabilinu.